တရုတ်နှင့် ဒေါ်လာ ၂ ဒသမ ၅ ဘီလျံ တန်ဖိုးရှိ ရေအားလျှပ်စစ်စက်ရုံ သဘောတူညီချက်ကို နီပေါက ပြန်အသက်သွင်း

၂၀၁၇ ခုနှစ် အောက်တိုဘာ ၆ ရက်တွင် နီပေါမြို့တော်မှ ကီလိုမီတာ ၁၀၀ ခန့်အကွာရှိ ဒါဒင်တွင် အမျိုးသမီးများကို တွေ့ရစဉ် (Photo: AFP)

ယခင်နီပေါအစိုးရလက်ထက်က ဖျက်သိမ်းခဲ့သော ဒေါ်လာ ၂ ဒသမ ၅ ဘီလျံတန်ဖိုးရှိ ရေအားလျှပ်စစ်စက်ရုံ တည်ဆောက်ရန် တရုတ်အစိုးရကုမ္ပဏီတစ်ခုနှင့် သဘောတူညီချက်ကို လက်ရှိအစိုးရက ပြန်လည်အသက်သွင်းလိုက်ပြီဖြစ်ကြောင်း သက်ဆိုင်ရာ အရာရှိများက စက်တင်ဘာ ၂၄ ရက်တွင် ပြောကြားခဲ့သည်။

နီပေါနိုင်ငံ၏ အကြီးဆုံး ရေအားလျှပ်စစ်စွမ်းအင် စက်ရုံတည်ဆောက်ရန် တရုတ် Gezhouba အုပ်စုကော်ပိုရေးရှင်း (CGGC) နှင့် သဘောတူညီချက်ကို ယခင်အစိုးရက ရုတ်ချည်းဖျက်သိမ်းခဲ့သည်။ ပြီးခဲ့သည့်နှစ် နှောင်းပိုင်းက အထွေထွေ ရွေးကောက်ပွဲ မကျင်းပမီ သီတင်းပတ် အနည်းငယ်အလိုတွင် ယင်းသို့ဖျက်သိမ်းခဲ့ခြင်းဖြစ်သည်။

“တရုတ်ကုမ္ပဏီနဲ့ သဘောတူညီချက်ကို ဖျက်သိမ်းဖို့ အရင်အစိုးရရဲ့ ဆုံးဖြတ်ချက်ဟာ ဘယ်လိုအထောက်အထားကိုမှ အခြေခံထားတာ မဟုတ်ပါဘူး။ နီပေါမှာ ဒီလောက်ကြီးမားတဲ့ စီမံကိန်းကြီးတစ်ခုကို တည်ဆောက်ဖို့ တတ်နိုင်စွမ်းမရှိသလို ငွေကြေးပိုင်းမှာလည်း အခက်အခဲ ရှိနေတဲ့အတွက် ကျွန်တော်တို့ ဒါကို ပြန်ပြင်ဖို့ ဆုံးဖြတ်လိုက်တာ ဖြစ်ပါတယ်” ဟု သတင်းအချက်အလက်ဆိုင်ရာဝန်ကြီး ကိုကောဘာစကိုတာက ပြောကြားခဲ့သည်။

မီဂါဝပ် ၁၂၀၀ ထုတ်လုပ်သည့် Budhi Gandaki စက်ရုံသည် နီပေါ၏ ရေအားလျှပ်စစ်ထုတ်လုပ်မှုကို နှစ်ဆနီးပါး တိုးမြှင့်စေနိုင်မည်ဖြစ်သည်။ ကုန်းတွင်းပိတ်နိုင်ငံ နီပေါသည် စွမ်းအင်ရှားပါးမှုကို ကာလရှည်ကြာ ခံစားနေခဲ့ရပြီး အိမ်နီးချင်းနိုင်ငံ အိန္ဒိယထံမှ လျှပ်စစ်မီးဝယ်ယူနေရသည့် အခြေအနေ ဖြစ်နေသည်။

တရုတ်အစိုးရသည် နီပေါ၌ ဖေဖော်ဝါရီလက ကွန်မြူနစ်အစိုးရသစ်တက်လာချိန်တွင် ထိုသဘောတူညီချက်အား ပြန်လည်အသက်သွင်းရန် ဆွယ်တရားဟောခဲ့သည်ဟု ၀န်ကြီးဘာစကိုတာက ပြောကြားခဲ့သည်။ နီပေါက ယခုစီမံကိန်းကြီးကို တရုတ်၏ One Belt One Road စီမံချက်ထဲတွင် ပါဝင်စေလိုနေခြင်းဖြစ်သည်။

ဝေဖန်သူများကမူ ယခုရေအားလျှပ်စစ် စီမံကိန်းကြီးကို လုပ်ကိုင်ရန် နိုင်ငံတကာလုပ်ငန်းများကို တင်ဒါခေါ်သင့်ကြောင်း ပြောကြားပြီး တရုတ်ချေးငွေအန္တရာယ်လည်း ရှိနေကြောင်း သတိပေးနေကြသည်။

ရေအရင်းအမြစ် ကြွယ်ဝသော နီပေါထဲ၌ နိုင်ငံကို စွမ်းအင်ထုတ်လုပ်မှု အင်အားကြီးနိုင်ငံတစ်ခု ဖြစ်စေနိုင်မည့် တောင်ပေါ် မြစ်ကြောင်းစနစ်တစ်ခု ရှိနေသည်။ သို့သော် နီပေါသည် ရေအားလျှပ်စစ်စွမ်းအင်ကဏ္ဍကို မမြှင့်တင်နိုင်သေးဘဲ ဖြစ်နေရသည်။

နီပေါသည် ယင်း၏ ရေအားလျှပ်စစ် စီမံကိန်းကြီးများအား လုပ်ကိုင်ခွင့်ကို အိမ်နီးချင်းအင်အားကြီးနှစ်နိုင်ငံဖြစ်သည့် အိန္ဒိယနှင့် တရုတ်သို့ ပေးထားသည်။ သို့သော် တည်ဆောက်မှုများမှာမူ နှေးကွေးနေသည်။ အိန္ဒိယက ပံ့ပိုးထားသော ဒေါ်လာ ၁ ဒသမ ၆ ဘီလျံတန်ဖိုးရှိ Arun Three ရေအားလျှပ်စစ် စက်ရုံတည်ဆောက်ရေးမှာ လွန်ခဲ့သည့် ၂၆ နှစ်ကတည်းက စတင်အဆိုပြုခြင်းဖြစ်သော်လည်း ပြီးခဲ့သည့်နှစ်စကမှ စတင်တည်ဆောက်ဖြစ်ခဲ့သည်။

ယခုတရုတ် CGGC မှာမူ လက်ရှိနီပေါထဲ၌ ပိုမိုသေးငယ်သော စွမ်းအင် စက်ရုံသုံးခု တည်ဆောက်လျက်ရှိကာ ပြီးစီးသွားသည့် စက်ရုံတစ်ခုလည်း ရှိသည်။ သို့သော် ဝေဖန်သူများက ထိုစီမံကိန်းများသည် အချိန်နှင့် ဘတ်ဂျက်များကို ကျော်သွားသည်ဟု ထောက်ပြနေကြသည်။

Ref: AFP

ဟောင်ကောင်က လွတ်လပ်ရေးလိုလားသောပါတီအား အမျိုးသားလုံခြုံရေး အကြောင်းပြ၍ ပိတ်ပင်

၂၀၁၆ ခုနှစ် သြဂုတ် ၅ ရက်တွင် ဟောင်ကောင်အစိုးရဌာနချုပ်အနီး၌ HKNP ပါတီခေါင်းဆောင် အင်ဒီချန်းက စကားပြောနေစဉ် (Photo: AFP)

ဟောင်ကောင်အာဏာပိုင်တို့သည် လွတ်လပ်ရေးရရှိရန်အတွက် လှုံ့ဆော်မှုများ ပြုလုပ်နေသော နိုင်ငံရေးပါတီတစ်ခုကို အမျိုးသားလုံခြုံရေးအတွက် ခြိမ်းခြောက်မှုဖြစ်သည်ဟုဆိုကာ စက်တင်ဘာ ၂၄ ရက်တွင် ပိတ်ပင်ခဲ့သည်။ တရုတ်အစိုးရသည် ၎င်း၏အချုပ်အခြာအာဏာအား စိန်ခေါ်မှုတို့ကို ဖိအားများတိုးမြှင့်ပေးနေစဉ် ယခုပိတ်ပင်မှု ပေါ်ပေါက်လာခြင်းဖြစ်သည်။

လွန်ခဲ့သည့် ၂၁ နှစ်က ဟောင်ကောင်ကို ဗြိတိန်က တရုတ်ထံသို့ ပြန်လွှဲပြောင်းပေးခဲ့ပြီးနောက်ပိုင်း နိုင်ငံရေးပါတီတစ်ခု ပိတ်ပင်ခံရခြင်းသည် ယခုပထမဆုံးဖြစ်သည်။ ကိုယ်ပိုင်အုပ်ချုပ်ခွင့် တစ်စိတ်တစ်ပိုင်း ရရှိထားသော ဟောင်ကောင်သည် လွတ်လပ်စွာ ဖော်ထုတ်ပြသခွင့် အပါအ၀င် ပြည်မကြီးထဲ၌ မကြုံဖူးသော လွတ်လပ်ခွင့်များကို ရရှိခံစားနေရသည်။ သို့သော် ပိုမိုရန်လိုလာသော သမ္မတရှီကျင်ပင်း အစိုးရလက်ထက်၌မူ အတိုက်အခံတို့အတွက် နေရာမှာ ကျဉ်းမြောင်းသထက် ကျဉ်းမြောင်းလာခဲ့သည်။

ပါတီငယ်တစ်ခုဖြစ်သော ဟောင်ကောင် အမျိုးသားပါတီကို ပိတ်ပင်ရန် ရဲတပ်ဖွဲ့၏ တောင်းဆိုချက်ကို ခွင့်ပြုပေးခဲ့သည်ဟု ဟောင်ကောင်လုံခြုံရေးဝန်ကြီး ဂျွန်လီက ပြောကြားခဲ့သည်။ အမျိုးသားလုံခြုံရေး အကျိုးစီးပွား၊ လူမှုတည်ငြိမ်ရေး၊ အခြားသူများ၏ အခွင့်အရေးနှင့် လွတ်လပ်ခွင့်များကို ကာကွယ်ရေးတို့အတွက် ယခုကဲ့သို့ ပိတ်ပင်ခဲ့သည်ဟု ၎င်းကဆိုသည်။

ဟောင်ကောင်အမျိုးသားပါတီ (HKNP) သည် လူသိများသော်လည်း သေးငယ်သော ပါတီတစ်ခုဖြစ်ပြီး အဓိကပါတီဝင်ဦးရေမှာ တစ်ဒါဇင်ခန့်သာရှိသည်။ ဟောင်ကောင်ကို လွတ်လပ်သော သမ္မတနိုင်ငံဖြစ်လာစေရန် လုပ်ဆောင်လိုသည့် HKNP ပါတီ၏ လုပ်ငန်းစဉ်မှာ အလွန်ရှင်းလင်းကြောင်း၊ ယင်းသည် ဟောင်ကောင်၏ ဖွဲ့စည်းပုံအခြေခံဥပဒေငယ် (the Basic Law) နှင့် ဆန့်ကျင်ကြောင်း ဂျွန်လီက ပြောကြားခဲ့သည်။ ထို့ပြင် ထိုပါတီသည် ကျောင်းများထဲသို့ စိမ့်ဝင်ကာ ပြည်မကြီး တရုတ်များအား မုန်းတီးမှုများ၊ လူမျိုးရေးခွဲခြားမှုစိတ်ဓာတ်များ ဟောင်ကောင်ထဲ၌ ပြန့်ပွားစေရန် ကြိုးပမ်းခဲ့ကြောင်းလည်း လီက ပြောခဲ့သည်။

သို့သော် HKNP ပါတီသည်မည်သည့် အခါကမှ အကြမ်းဖက်မှုများကို ကျူးလွန်ခဲ့ခြင်းမရှိဘဲ ပါတီခေါင်းဆောင် အင်ဒီချန်းမှာလည်း အကြမ်းမဖက်ရေးကို ဦးတည်လုပ်ဆောင်ခဲ့ကြောင်းကိုမူ လီက ၀န်ခံခဲ့သည်။

HKNP ပါတီအား ပိတ်ပင်လိုက်မှုသည် ပြည်မကြီးနှင့် ဟောင်ကောင်အစိုးရတို့၏ ဟောင်ကောင်လူ့အခွင့်အရေးအား တိုက်ခိုက်မှုလုပ်ရပ်များ၏ သမိုင်းမှတ်တိုင်တစ်ခုဟု လူ့အခွင့်အရေး စောင့်ကြသည့်အဖွဲ့က ခေါ်ဆိုခဲ့သည်။

လူမှုအဖွဲ့အစည်းများဆိုင်ရာ စည်းမျဉ်းဥပဒေအရ HKNP ပါတီကို ပိတ်ပင်ပေးရန် ရဲတပ်ဖွဲ့က ဇူလိုင်လတွင် တောင်းဆိုခဲ့ခြင်း ဖြစ်သည်။ ပါတီခေါင်းဆောင်ချန်း အပါအ၀င် အခြားလွတ်လပ်ရေးလိုလားသော တက်ကြွလှုပ်ရှားသူများသည်လည်း အစိုးရရာထူးများအတွက် ၀င်ပြိုင်ခွင့်ပိတ်ခံထားရသည်။ လွတ်လပ်ရေးရရှိရန် ထိပ်တန်းတက်ကြွလှုပ်ရှားသူ အက်ဒ၀ပ်လျန်မှာမူ ဇွန်လက အဓိကရုဏ်းနှင့် ပတ်သက်မှုဖြင့် ထောင်ဒဏ်ခြောက်နှစ် ချမှတ်ခံလိုက်ရသည်။ အစိုးရက ပိတ်ဆို့မှုများကြောင့် HKNP ပါတီသည် ပြီးခဲ့သည့် နှစ်နှစ်ကတည်းက အရှိန်ကျနေခဲ့ခြင်းဖြစ်သည်။

Ref: AFP

မော်လ်ဒိုက်သမ္မတ ရွေးကောက်ပွဲတွင် အတိုက်အခံခေါင်းဆောင် အံအားသင့်ဖွယ် အနိုင်ရရှိ

စက်တင်ဘာ ၂၃ ရက်တွင် မော်လ်ဒိုက်၏ မြို့တော်၌ မဲဆွယ်ရုံးချုပ်တွင် အတိုက်အခံသမ္မတလောင်း ဆိုလီက စကားပြောနေစဉ် (Photo: AFP)

စက်တင်ဘာ ၂၃ ရက်က ကျင်းပခဲ့သော မော်လ်ဒိုက်သမ္မတ ရွေးကောက်ပွဲများတွင် အတိုက်အခံခေါင်းဆောင် အီဘရာဟင် မိုဟာမက်ဆိုလီမှာ အံအားသင့်ဖွယ် အနိုင်ရသွားခဲ့သည်။ ယခုရွေးကောက်ပွဲ၌ လက်ရှိအာဏာရှင်သမ္မတ အဗ္ဗဒူလာယာမင်း အသာရစေရန် အကြံအဖန် လုပ်မှုများရှိသည်ဟု စောင့်ကြည့်သူတို့က ပြောခဲ့သည့်ကြားမှ ယာမင်းမှာ ရှုံးနိမ့်သွားခြင်း ဖြစ်သည်။

သမ္မတယာမင်းရွေးကောက်ပွဲ ရှုံးနိမ့်သွားခြင်းကို မော်လ်ဒိုက်အစိုးရအဖွဲ့က စက်တင်ဘာ ၂၄ ရက်တွင် အသိအမှတ်ပြုခဲ့သည်။ ယာမင်းကိုယ်တိုင်ကလည်း ရွေးကောက်ပွဲ ရှုံးနိမ့်ကြောင်းကို ၀န်ခံခဲ့ပြီး ဆိုလီထံသို့ အာဏာကို ချောချောမောမော လွှဲပြောင်းနိုင်စေရန် စီစဉ်ပေးမည်ဟု ပြောကြားခဲ့သည်။ ကနဦးတွင် ယာမင်းသည် မဲရလဒ်အား လက်မခံမည်ကို စိုးရိမ်ခဲ့ကြသေးသည်။ “ကျွန်တော် ရှုံးနိမ့်မှုကို လက်ခံပါတယ်။ အာဏာလွှဲပြောင်းမှု ချောမွေ့စေဖို့ လုပ်ဆောင်ပေးမှာပါ” ဟု ယာမင်းက ပြောကြားခဲ့သည်။

ရွေးကောက်ပွဲကော်မရှင်မှ ထုတ်ပြန်သော မဲရလဒ်များအရ ယာမင်းသည် မဲ ၄၁ ဒသမ ၇ ရာခိုင်နှုန်းကို ရရှိခဲ့ပြီး အတိုက်အခံ ဆိုလီမှာ မဲ ၅၈ ဒသမ ၃ ရာခိုင်နှုန်း ရရှိခဲ့သည်။ တရားဝင်ရလဒ်မှာမူ သီတင်းတစ်ပတ်အကြာမှ ထွက်လာမည်ဖြစ်သည်။

ပြီးခဲ့သည့် ၂၀၁၃ ခုနှစ် ရွေးကောက်ပွဲအတွင်းကမူ သမ္မတဟောင်းမိုဟာမက်နာရှက်က ယာမင်းထက် ပိုမိုအသာရနေခဲ့ပြီးနောက် တရားရုံးချုပ်က ရလဒ်ကို ပယ်ဖျက်လိုက်သည်။ ထို့ပြင် ယာမင်းကို မဟာမိတ်များဖွဲ့ရန် အချိန်ပေးပြီး နှစ်ကြိမ်တိုင်တိုင် ရွှေ့ဆိုင်းခဲ့သည့် ဒုတိယအကျော့ ရွေးကောက်ပွဲ၌ အနိုင်ရရှိစေခဲ့သည်။

စက်တင်ဘာ ၂၃ ရက် ရွေးကောက်ပွဲတွင်လည်း ယာမင်းပင် အနိုင်ရလိမ့်မည်ဟု ခန့်မှန်းခဲ့ကြခြင်းဖြစ်သည်။ ယာမင်းသည် မီဒီယာများကို နှုတ်ပိတ်ထားသည်ဟု ကျယ်ကျယ်ပြန့်ပြန့် စွပ်စွဲခံခဲ့ရပြီး ၎င်း၏အဓိက နိုင်ငံရေးပြိုင်ဘက်များမှာလည်း အကျဉ်းကျ၊ ပြည်ပရောက် ဖြစ်နေခဲ့ကြသည်။

ရွေးကောက်ပွဲမတိုင်မီက အတိုက်အခံများနှင့် ပတ်သက်၍ အလွန်နည်းပါးစွာ ဖော်ပြခဲ့သည့် အစိုးရမီဒီယာကလည်း အနိုင်ရသည်ဟု ကြေညာနေသည့် ဆိုလီ၏ရုပ်ပုံများကိုပင် ထုတ်လွှင့်ပေးနေခဲ့သည်။

မဲပေးခွင့်ရှိသူ ၂၆၂၀၀၀ အနက် မဲလာပေးသူဦးရေမှာ ရာခိုင်နှုန်း ၉၀ ရှိပြီး အချို့မဲဆန္ဒရှင်များမှာမူ မဲပေးရန် ငါးနာရီကျော်ကြာ တန်းစီလိုက်ရသည်ဟု သိရသည်။

ဆိုလီအနိုင်ရသွားခြင်းအတွက် နိုင်ငံထဲမှ ကျွန်းပေါင်း ၁၂၀၀ ၏ အနှံ့အပြားတွင် အောင်ပွဲခံမှုများ ထွက်ပေါ်လာခဲ့ပြီး ဆိုလီ၏ မော်လ်ဒိုက်ဒီမိုကရက်တစ်ပါတီ (MDP) ၏ အ၀ါရောင်အလံများကို လွှင့်ထူခြင်း၊ လမ်းပေါ်တွင် ကခုန်ခြင်းများ ပြုလုပ်ခဲ့ကြသည်။

ယာမင်းက ၎င်း၏ ငါးနှစ်ကြာသမ္မတ သက်တမ်းကုန်ဆုံးသည့် နိုဝင်ဘာ ၁၇ ရက်အထိ ရာထူး၌ ရှိနေဦးမည်ဟု ပြောကြားခဲ့သည်။

ရွေးကောက်ပွဲသည် လွတ်လပ်ပြီးမျှတမှုမရှိပါက သင့်တော်သည့် အရေးယူမှုများ ချမှတ်မည်ဟု သတိပေးထားသည့် အမေရိကန်သည် ပြည်သူတို့၏ ဆန္ဒကို လေးစားရန် ယာမင်းအား ကနဦးက ဆော်သြခဲ့သေးသည်။ မော်လ်ဒိုက်ကို အာဏာလွှမ်းမိုးရန် တရုတ်နှင့်ပြိုင်နေသောဒေသတွင်း အင်အားကြီး အိန္ဒိယကမူ ဆိုလီကို ဂုဏ်ပြုကြောင်း ပြောကြားသည့် ပထမဆုံးနိုင်ငံဖြစ်ခဲ့သည်။ ယာမင်းအစိုးရကို အခြေခံအဆောက်အအုံများ ဆောက်လုပ်ရန်အတွက် ဒေါ်လာသန်းပေါင်း ရာနှင့်ချီ ချေးထားသော တရုတ်အစိုးရဘက်မှမူ မည်သည့်မှတ်ချက်မှ ထွက်မလာသေးပေ။

Ref: AFP

ဆွစ်ဇာလန်တွင် မျက်နှာလွှားဇာပိတ်ပင်ရေး ဒေသဆိုင်ရာ လူထုဆန္ဒခံယူပွဲ၌ ထောက်ခံသည့်ဘက်က အနိုင်ရ

၂၀၁၇ ခုနှစ် စက်တင်ဘာ ၁၅ ရက်တွင် ဆွစ်ဇာလန်နိုင်ငံ ဘန်းမြို့၌ မျက်နှာလွှားဇာအား ပိတ်ပင်ရန် ထောက်ခံသည့် လက်မှတ်များကို ထည့်ထားသည့်စက္ကူပုံးများကို တွေ့ရစဉ် (Photo: Reuters)

ဆွစ်ဇာလန်နိုင်ငံ၏ ဒုတိယမြောက်ဒေသစိတ်နယ်မြေဖြစ်သည့် စိန့်ဂယ်လန်မှ မဲဆန္ဒရှင်ပြည်သူများက အများပြည်သူနှင့်ဆိုင်သောနေရာများတွင် မျက်နှာတစ်ခုလုံဖုံးထားသည့်ဝတ်စုံများ ၀တ်ဆင်မှု ပိတ်ပင်ရေးအတွက် ထောက်ခံမဲများပေးခဲ့ပြီးနောက် ယင်းဒေသတွင် အစ္စလာမ်အမျိုးသမီးတို့ ၀တ်ဆင်သည့် မျက်နှာလွှားဇာပိတ်ပင်သည့်ဥပဒေသည် အာဏာသက်ဝင်လာတော့မည် ဖြစ်သည်။

ဆွစ်ဇာလန်နိုင်ငံ အရှေ့မြောက်ဘက်ရှိ စိန့်ဂယ်လန်ဒေသစိတ်နယ်မြေတွင် မျက်နှာလွှားဇာပိတ်ပင်ရေး၊ မပိတ်ပင်ရေးအတွက် မဲခွဲဆုံးဖြတ်မှုများ ပြုလုပ်ခဲ့ရာ မဲဆန္ဒရှင် ၆၇ ရာခိုင်နှုန်းနီးပါးက မျက်နှာလွှားဇာဝတ်ဆင်မှု ပိတ်ပင်ရေးကို ထောက်ခံမဲပေးခဲ့ကြကြောင်း တရားဝင်မဲရလဒ်များအရ သိရသည်။ သို့သော် ဆန္ဒမဲလာရောက်ပေးသူမှာ ခန့်မှန်းထားသည်ထက် လျော့နည်းခဲ့ပြီး မဲပေးခွင့်ရှိသူ ၃၇ ရာခိုင်နှုန်းသာ မဲပေးခဲ့ကြကြောင်း သိရသည်။

စိန့်ဂယ်လန်သည် နိုင်ငံတောင်ပိုင်းမှ ဒေသစိတ် တီဆီနို၏ ဥပမာအတိုင်းလိုက်လိမ့်မည်ဟု မျှော်မှန်းရပြီး တီဆီနိုဒေသစိတ်နယ်မြေတွင် မျက်နှာလွှားဇာ အပါအ၀င် မွတ်စလင်တို့၏ အခြားသော ခေါင်းမြီးခြုံ အ၀တ်အထည်များအား ရည်ရွယ်၍ ပိတ်ပင်သည့် ဥပဒေတစ်ရပ်ကို လွန်ခဲ့သည့်နှစ်နှစ်ခန့်က စတင်ပြဋ္ဌာန်းခဲ့သည်။

မကြာသေးမီနှစ်များက ဇူရစ်ခ်ျ၊ ဆိုလိုတန်နှင့် ဂလာရက် ဒေသစိတ်နယ်မြေသုံးခုတွင် မျက်နှာလွှားဇာပိတ်ပင်ရေး ဥပဒေကို ဆန့်ကျင်ခဲ့ကြသည်။ မဲခွဲဆုံးဖြတ်မည့်ဥပဒေထဲတွင် ပြည်သူ့လုံခြုံရေး (သို့မဟုတ်) လူမှုရေးနှင့် ဘာသာရေး ငြိမ်းချမ်းမှုများအတွက် အများပြည်သူနှင့် သက်ဆိုင်သောနေရာများ၌ မျက်နှာကို မည်သူမည်ဝါမှန်း မသိအောင် ဖုံးကွယ်ထားသူများအား ဒဏ်ရိုက်မည်ဟု ဖော်ပြထားပြီး ယင်းဥပဒေကို စိန့်ဂယ်လန်မှ ဥပဒေပြုအမတ်များက ယမန်နှစ်နှောင်းပိုင်းတွင် အတည်ပြုခဲ့ကြသည်။

ထိုဥပဒေသည် လူများကြိုက်ဝါဒီများဖြစ်သော လက်ယာနှင့်ဗဟိုပါတီတို့ထံမှ ထောက်ခံမှုရရှိကာ ဒေသဆိုင်ရာ လွှတ်တော်ထဲတွင် အတည်ပြုနိုင်ခဲ့ခြင်းဖြစ်သည်။ သို့သော် ဂရင်းပါတီနှင့် ဆိုရှယ်လစ်ပါတီများ အဖွဲ့က ဆန္ဒခံယူပွဲတစ်ခု ကျင်းပရန် တောင်းဆိုသဖြင့် ယခုကဲ့သို့ လူထုက မဲပေးရန်ဖြစ်လာခြင်းဖြစ်သည်။

မျက်နှာလွှားဇာပိတ်ပင်ရေး ဥပဒေသည် အစ္စလာမ်များအား မလိုမုန်းထားနေခြင်းပင်ဖြစ်ကြောင်း ဆွစ်ဇာလန်ရှိ အစ္စလာမ္မစ်ဗဟိုကောင်စီက ပြစ်တင်ဝေဖန်ခဲ့ပြီး ဆန့်ကျင်သူ တစ်ချို့ကမူ ယင်းဥပဒေသည် အချည်းနှီးပင်ဖြစ်ကြောင်း၊ စိန့်ဂယ်လန်နယ်မြေတွင် မျက်နှာလွှားဇာခြုံသည့် အနည်းငယ်သော အမျိုးသမီးထုကို စိတ်ဒုက္ခပေးနေခြင်းဖြစ်ကြောင်းနှင့် စိန့်ဂယ်လန်တွင် ယခင်ကတည်းက အားကစားအခမ်းအနားများ ကဲ့သို့သော ပွဲများတွင် မျက်နှာလွှား ၀တ်ဆင်မှုများကို တားမြစ်ထားပြီးဖြစ်ကြောင်း စွပ်စွဲပြောဆိုကြသည်။

တစ်နိုင်ငံလုံးအနှံ့ မျက်နှာလွှားဇာ ၀တ်ဆင်မှုကို ပိတ်ပင်ရန် ရည်ရွယ်သည့် အစောပိုင်းခြေလှမ်းတစ်ခုကို ယမန်နှစ်တွင် ဆွစ်ဇာလန်အစိုးရက ပိတ်ပင်ခဲ့ပြီး ယင်းကိစ္စသည် ဒေသအလိုက်သာ သင့်၊ မသင့် ဆုံးဖြတ်သင့်ကြောင်း ထုတ်ပြန်ခဲ့သည်။

Ref: AFP

ဒေါ်လာဘီလျံ ၂၀၀ တန်ဖိုးရှိ တရုတ်သွင်းကုန်များအား အမေရိကန်၏ နောက်ဆုံးစည်းကြပ်ခွန်ချမှတ်မှု အာဏာသက်ဝင်

၂၀၁၅ ခုနှစ် ဖေဖော်ဝါရီ ၂၃ ရက်တွင် လော့စ်အိန်ဂျလိစ်ရှိ ဆိပ်ကမ်းတစ်ခု၌ ကုန်တင်သင်္ဘောများကို တွေ့ရစဉ် (Photo: AP)

အမေရိကန်သမ္မတ ဒေါ်နယ်ထရန့်က တရုတ်သွင်းကုန်များအား နောက်ဆုံးစည်းကြပ်ခွန်များ ချမှတ်မှုသည် စက်တင်ဘာ ၂၄ ရက်တွင် အာဏာသက်ဝင်ခဲ့ပြီး နောက်ထပ် ဒေါ်လာဘီလျံ ၂၀၀ တန်ဖိုးရှိ တရုတ်သွင်းကုန်များအား စည်းကြပ်ခွန်များ ချမှတ်မှုသည် ကမ္ဘာ့စီးပွားရေး အလားအလာကို အရိပ်မိုးနေခဲ့သည်။ နောက်ဆုံးချမှတ်ခဲ့မှုအား ပေါင်းထည့်လိုက်ပါက ဒေါ်လာ ဘီလျံ ၂၅၀ ကျော် တန်ဖိုးရှိ တရုတ်ကုန်ပစ္စည်းများအား စည်းကြပ်ခွန်ချမှတ်ခံရမှု ဖြစ်လာမည်ဖြစ်ပြီး အမေရိကန်သို့ တရုတ်က တင်ပို့သည့် ကုန်ပစ္စည်းအားလုံး၏ အကြမ်းဖျင်းအားဖြင့် ထက်ဝက်ခန့်ရှိလာပြီဖြစ်သည်။

ထရန့်သည် ယခုတစ်နှစ်တည်းတွင် အမေရိကန်သို့ တင်သွင်းလာသည့် ကုန်ပစ္စည်းစုစုပေါင်း၏ ၁၂ ရာခိုင်နှုန်းကို စည်းကြပ်ခွန်များ ချမှတ်ထားပြီးဖြစ်သည်။ အမေရိကန်စီးပွားရေးအား သက်ရောက်နိုင်မှုကို စိုးရိမ်မှုများ မြင့်တက်လာခြင်းအား အာခံလျက် ထရန့်က အမေရိကန်စီးပွားရေးကို ထိခိုက်စေသော တရုတ်၏ စီးပွားရေးမူဝါဒများကို ပြောင်းလဲခြင်းမရှိပါက တရုတ်တင်သွင်းကုန်အားလုံးကို စည်းကြပ်ခွန်များ ချမှတ်သွားမည်ဟု ခြိမ်းခြောက်ထားသည်။

အထူးသဖြင့် အမေရိကန်၏ နည်းပညာများအား ခိုးယူသည့် တရုတ်၏ စီးပွားရေးဆိုင်ရာ မူဝါဒများသည် အမေရိကန်စီးပွားရေး ဖွံ့ဖြိုးတိုးတက်မှုနှင့် ရေရှည်တည်တံ့မှုကို ကြီးမားသော ခြိမ်းခြောက်မှုမြောက်ကြောင်း ပေါ်လွင်နေသည်ဟု ထရန့်က ပြီးခဲ့သော သီတင်းပတ်တွင် နောက်ဆုံး စည်းကြပ်ခွန်ချမှတ်မှုအား ကြေညာစဉ် ပြောကြားခဲ့သည်။ ၎င်းတို့က အနိုင်ရမည်ဖြစ်ကြောင်း အမေရိကန်နိုင်ငံခြားရေးဝန်ကြီး မိုက်ပွန်ပီယိုကလည်း Fox News Sunday သို့ ပြောကြားခဲ့သည်။

ပေကျင်းကလည်း ဒေါ်လာဘီလျံ ၆၀ ရှိသော အမေရိကန်ကုန်ပစ္စည်းများအား စည်းကြပ်ခွန်များ ပြန်လည်ချမှတ်မည်ဖြစ်ကြောင်း စက်တင်ဘာ ၂၄ ရက်တွင် ထုတ်ပြန်ခဲ့ရာ အမေရိကန်ထံမှ တရုတ်က ၀ယ်ယူသည့် ကုန်ပစ္စည်း အားလုံးနီးပါးဖြစ်သော စုစုပေါင်း ဒေါ်လာဘီလျံ ၁၁၀ အထိ ရောက်ရှိလာမည်ဖြစ်ကြောင်း သိရသည်။

သို့သော် ထရန့်က တရုတ်ထံမှ အမေရိကန် ၀ယ်ယူသည့် ကုန်ပစ္စည်းအားလုံးနီးပါး သို့မဟုတ် နောက်ထပ်ဒေါ်လာ ၂၆၇ ဘီလျံ တန်ဖိုးရှိ သွင်းကုန်များကို စည်းကြပ်ခွန်များ ချမှတ်သည့် အဆင့်-၃ ကို အရှိန်တိုးမြှင့်နိုင်ကြောင်း သတိပေးခဲ့သည်။

နောက်ဆုံးချမှတ်ခဲ့သည့် စည်းကြပ်ခွန်များအရ အမေရိကန်သည် ယခုနှစ်ကုန်အထိ တရုတ်သွင်းကုန်များအား စည်းကြပ်ခွန် ၁၀ ရာခိုင်နှုန်း ချမှတ်သွားမည်ဖြစ်ပြီး နောက်ပိုင်းတွင် ၂၅ ရာခိုင်နှုန်းသို့ တိုးမြှင့်သွားမည်ဖြစ်ကြောင်း သိရသည်။ ထိုစည်းကြပ်ခွန်များ ချမှတ်ခံရသည့် ကုန်ပစ္စည်းများတွင် တရုတ်လုပ် အသံဖမ်းစက်များ၊ ကွန်ပျူတာမှတ် ဥာဏ်မော်ဂျူးများ၊ မိတ္တူစက်များနှင့် ငွေစက္ကူထုတ်စက်များ ကဲ့သို့သော ရုံးသုံးပစ္စည်းများ အပါအ၀င် ထုတ်ကုန်များ ကျယ်ကျယ်ပြန့်ပြန့် ပါဝင်ကြောင်း သိရသည်။

ကမ္ဘာ့စီးပွားရေး အင်အားအကြီးဆုံး နှစ်နိုင်ငံအကြား ဆွေးနွေးမှုများသည် ဆိုးရွားလာခဲ့ပြီး ၀ါရှင်တန်တွင် စက်တင်ဘာ ၂၇-၂၈ ရက်၌ ကျင်းပမည်ဟု မျှော်လင့်ရသော ဆွေးနွေးပွဲသို့ တရုတ်ကိုယ်စားလှယ် အဖွဲ့အား စေလွှတ်မည့် အစီအစဉ်ကို ပေကျင်းက ပယ်ဖျက်ခဲ့ကြောင်း ဝေါစထရိဂျာနယ်က ဖော်ပြခဲ့သည်။ သြဂုတ်နှောင်းပိုင်းတွင် ကျင်းပခဲ့သည့် ယခင်ဆွေးနွေးပွဲများသည်လည်း အလုပ်မဖြစ်ခဲ့ပေ။

Ref: AFP

ရွှေ့ပြောင်းအခြေချများအတွက် အမြဲတမ်း နေထိုင်ခွင့်ထုတ်ပေးခြင်းအား ကန့်သတ်ရန် အမေရိကန် စဉ်းစားနေ

၂၀၁၅ ခုနှစ် ဒီဇင်ဘာ ၁၀ ရက်တွင် ဆန်ဒီယေဂို၌ အိုတေမီဆာဝင်ပေါက်တွင် ဖြတ်သန်းနေသူများကို တွေ့ရစဉ် (Photo: AP)

ရွှေ့ပြောင်းအခြေချများက ကျန်းမာရေးအာမခံ Medicaid ကို အသုံးပြုခြင်း၊ စားနပ်ရိက္ခာ ခံစားခွင့်ကတ်များ သုံးစွဲခြင်း၊ အိမ်ရာနှင့် အခြားအများပြည်သူရေးရာ အထောက်အပံ့များအား သုံးစွဲခြင်းပြုပါက Green Card ငြင်းပယ်နိုင်မည့် စည်းမျဉ်းများကို သမ္မတဒေါ်နယ်ထရန့် အစိုးရအဖွဲ့က အကြံပြုထားကြောင်း သိရသည်။ အမေရိကန်ဖက် ဒရယ်ဥပဒေအရ အမေရိကန်ပြည်ထောင်စုအတွက် ၀န်ထုပ်ဝန်ပိုး မဖြစ်ပါဟု သက်သေပြနိုင်လျှင် Green Card ရရှိနိုင်သည်။ သို့သော်လည်း စည်းမျဉ်းသစ်များအရ Green Card ရရှိရန် အရည်အချင်း ပျက်ပြယ်နိုင်သော လိုအပ်ချက်များ များပြားလာမည်သည်။

သတ်မှတ်ချက်ထက်ပိုသော အများပြည်သူဆိုင်ရာ ခံစားခွင့်များ ရယူထားသည့် Green Card လျှောက်ထားသူများသည် အနုတ်မှတ်အတွက် စဉ်းစားခံရမည်ဖြစ်ကြောင်း အမိမြေလုံခြုံရေးဌာနက စက်တင်ဘာ ၂၂ ရက်တွင် ပြောကြားခဲ့သည်။ အမေရိကန်ပြည်ထောင်စုအတွင်းသို့ ၀င်ရောက်ရန် ကြိုးပမ်းနေသူများနှင့် ၀င်ရောက်ပြီးသူများသည် ဘဏ္ဍာရေးအရ ယာယီ သို့မဟုတ် အမြဲတမ်းရပ်တည်နိုင်စွမ်းရှိကြောင်းနှင့် အများပြည်သူဆိုင်ရာ ခံစားခွင့်များအပေါ် မှီခိုမည်မဟုတ်ကြောင်း ဥပဒေဖြင့် သတ်မှတ် ဆောင်ရွက်သွားရန် ထရန့်အစိုးရ၏ အကြံပြုချက်က ဖော်ပြထားသည်။ စာမျက်နှာ ၄၄၇ မျက်နှာပါ ယင်းအကြံပြုချက်ကို အမိမြေလုံခြုံရေးဌာန၏ ၀က်ဘ်ဆိုက်တွင် ဖော်ပြထားပြီး မကြာမီ သီတင်းပတ်များအတွင်း ဖက်ဒရယ် မှတ်ပုံတင်ဌာနတွင် ဖော်ပြမည်ဖြစ်ကြောင်း သိရသည်။

ယင်းစည်းမျဉ်းများ အာဏာမသက်ဝင်မီ အများပြည်သူဆိုင်ရာ သဘောထား မှတ်ချက်ပေးမှုကို ရက် ၆၀ ကြာ ဆောင်ရွက်မည် ဖြစ်သည်။ သက်တမ်းလယ် ရွေးကောက်ပွဲများမတိုင်မီ ခုနစ်ပတ်အတွင်း ထွက်ပေါ်ခဲ့ ယင်းကြေညာချက်ကြောင့် တရားမ၀င်နှင့် တရားဝင်ရွှေ့ပြောင်းအခြေချများကို ဖိနှိပ်ရန် ထရန့်၏ ဆောင်ရွက်ချက်အား ထောက်ခံမှုနှင့် ကန့်ကွက်မှုများ ပေါ်ပေါက်လာမည် ဖြစ်သည်။

ဝင်ငွေနိမ့် ရွှေ့ပြောင်းအခြေချ သန်းပေါင်းများစွာသည် အမေရိကန်တွင် နေထိုင်ခွင့်ရရန် မျှော်လင့်ချက်နှင့် အရေးကြီးသော အထောက်အပံ့တို့အကြား တစ်ခုကို ရွေးချယ်ရန် ဆောင်ရွက်လာရနိုင်ကြောင်း ရွှေ့ပြောင်းထောက်ပံ့အဖွဲ့များက သတိပေးခဲ့သည်။

အများပြည်သူဆိုင်ရာ အကူအညီ အထောက်အပံ့များအား မရယူခြင်း သို့မဟုတ် နောက်ဆုတ်ခြင်းတို့ကြောင့် အချို့သူများသည် နေစရာ ဆုံးရှုံးသွားနိုင်သည့် အန္တရာယ်ရှိပြီး ဗီဇာ ငြင်းပယ်ခံရမည်ကို စိုးရိမ်မှုကြောင့် ကျန်းမာရေး ယိုယွင်းမှုများ ခံစားရနိုင်သည်ဟု ရွှေ့ပြောင်းအခြေချထောက်ခံသည့် အဖွဲ့များက ပြောကြားခဲ့သည်။ ထရန့် အစိုးရ၏ အကြံပြုချက်သည် အမေရိကန် နိုင်ငံတစ်ဝန်းမှ မိသားစုများနှင့် လူ့အသိုက်အမြုံများ၏ ကျန်းမာရေးကို လူမဆန်စွာ တိုက်ခိုက်မှုဖြစ်ကြောင်း National Immigration Law Center မှ အမှုဆောင်ဒါရိုက်တာ မာရီလီနာဟင်ကာပေက ပြောကြားခဲ့သည်။

ထရန့်အစိုးရအဖွဲ့သည် အမေရိကန်၌ အချမ်းသာဆုံးသူများသာ အနာဂတ်ကို တည်ဆောက်နိုင်ရန် ဆောင်ရွက်ခြင်းဖြစ်ပြီး ထရန့်အစိုးရအဖွဲ့သည် မိသားစု ညီညွတ်ရေးထက် ငွေကြေးကို ဆက်လက် ဦးစားပေးနေကြောင်း ရှင်းရှင်းလင်းလင်း ဖော်ပြခြင်းဖြစ်သည်ဟု ၎င်းက ပြောကြားခဲ့ခြင်းဖြစ်သည်။

Ref: AFP

လက်ရှိအာဏာရှင်သာ ပြန်လည်ရွေးကောက်ခံရနိုင်သည့် မော်လ်ဒိုက် ရွေးကောက်ပွဲများ ကျင်းပ

စက်တင်ဘာ ၂၃ ရက်က မော်ဒိုက်ဗ်ရွေးကောက်ပွဲနေ့တွင် မဲထည့်နေသော သမ္မတ အဗ္ဗဒူလာယာမင် (Photo – AFP)

သဲဖြူကမ်းခြေများနှင့် ပင်လယ်ရေ ပြာပြာတို့ကြောင့် လူသိများသော မော်လ်ဒိုက်နိုင်ငံတွင်  စက်တင်ဘာ ၂၃ ရက်က အငြင်းပွားဖွယ် သမ္မတရွေးကောက်ပွဲများ ကျင်းပခဲ့သည်။ ထိုရွေးကောက်ပွဲသည် တရုတ်နှင့် ရင်းနှီးမှုရှိသော အာဏာရှင် အဗ္ဗဒူလာယာမင် ပြန်လည်အနိုင်ရမည့် လှည့်ကွက်လုပ်ငန်းစဉ် တစ်ခုဖြစ်နေမည့်အပေါ် စိုးရိမ်မှုများလည်း ရှိနေသည်။

အဓိကပြိုင်ဘက်များအားလုံးကို ထောင်ချခြင်း၊ ပြည်ပသို့ နှင်ထုတ်ခြင်းတို့ လုပ်ဆောင်ထားသည့် ယာမင်သည် အိန္ဒိယသမုဒ္ဒရာ ကျွန်းနိုင်ငံ၏ အာဏာကို ဆက်လက်ထိန်း သိမ်းထားနိုင်မည်ဟု မျှော်မှန်းရသည်။ နိုင်ငံခြားမှ စောင့်ကြည့်သူများ၊ အတိုက်အခံများကမူ သဘောထားကွဲလွဲသူများ၊ မီဒီယာများအပေါ် ယာမင်အစိုးရ၏ နှိမ်နင်းမှုများနှင့် ပတ်သက်၍ ပြင်းပြင်းထန်ထန် ဝေဖန်နေကာ နိုင်ငံတကာ အသိုင်းအ၀ိုင်းကိုလည်း ရွေးကောက်ပွဲရလဒ်အား အသိအမှတ်မပြုရန် တိုက်တွန်းနေကြသည်။

မဲရုံများမဖွင့်မီကလည်း ရဲများသည် အတိုက်အခံပါတီ MDP ၏ မဲဆွယ်စည်းရုံးရေး ဌာနချုပ်အား ၀င်စီးခဲ့ကြသည်။ တရားမ၀င် လုပ်ရပ်များကို ရပ်တန့်ရန်ဟုဆိုကာ နာရီပေါင်းများစွာ ရှာဖွေခဲ့ကြခြင်းဖြစ်ပြီး ဖမ်းဆီးမှု မရှိခဲ့ပေ။ အစိုးရက နှိမ်နင်းမှုအများအပြား ရှိနေသော်လည်း ရာပေါင်းများစွာသော မော်လ်ဒိုက်နိုင်ငံသားများသည် မဲရုံမဖွင့်မီကတည်း မဲပေးရန် လာရောက်စောင့်ဆိုင်းနေခဲ့ကြသည်။

ယာမင်သည် အခြေခံအဆောက်အအုံများ ဆောက်လုပ်ရန်အတွက် တရုတ်ထံမှ ဒေါ်လာသန်းပေါင်း ရာနှင့်ချီ ချေးငှားနေသဖြင့် မော်လ်ဒိုက်အား ကာလရှည်ကြာ ထောက်ပံ့လာခဲ့သော အိန္ဒိယကို စိုးရိမ်စေလျက်ရှိသည်။ နိုင်ငံရေးအခြေအနေများ တိုးတက်လာမှုမရှိပါက ပိုင်ဆိုင်မှုများနှင့် ခရီးသွားလာခွင့်များကို ပိတ်ပစ်ရန် အသင့်ရှိဟု ဥရောပသမဂ္ဂက သတိပေးထားပြီး အမေရိကန်ကလည်း ကျွန်းပေါင်း ၁၂၀၀ ကျော်ဖြင့် ဖွဲ့စည်းထားသည့် မော်လ်ဒိုက်နိုင်ငံ၏ ဒီမိုကရေစီ ယုတ်လျော့စေရန်လုပ်ဆောင်သူများကို သင့်လျော်သည့် အရေးယူမှုများ ချမှတ်မည်ဟု သတိပေးနေသည်။ မဲပေးခွင့်ရှိသူ ၂၆၂,၀၀၀ ရှိသော ယခု ရွေးကောက်ပွဲတွင် နိုင်ငံခြားမီဒီယာ လက်တစ်ဆုပ်စာကိုသာ ၀င်ခွင့်ပြုခဲ့ပြီး အမှီအခိုကင်းသော နိုင်ငံတကာ စောင့်ကြည့်သူများကိုမူ ပိတ်ပင်ထားခဲ့သည်။

Ref ; AFP

ငွေကြေးတန်ဖိုးကျဆင်းနေစဉ် အင်ဒိုနီးရှားသမ္မတရွေးကောက်ပွဲအတွက် မဲဆွယ်စည်းရုံးမှုများ စတင်

စက်တင်ဘာ ၂၃ ရက်က မဲဆွယ်စည်းရုံးမှု တရားဝင်စတင်ပွဲ၌တွေ့ရသော ၀ိဒိုဒို (ယာ)နှင့် ၎င်း၏တွဲဖက် (၀ဲ) တို့အား တွေ့ရစဉ် (Photo – AFP)

လာမည့်နှစ် ဧပြီလတွင် ကျင်းပမည့် အင်ဒိုနီးရှားသမ္မတ ရွေးကောက်ပွဲအတွက် မဲဆွယ်စည်းရုံးရေး လုပ်ငန်းစဉ်များကို စက်တင်ဘာ ၂၃ ရက်က စတင်လိုက်ပြီဖြစ်သည်။ ကမ္ဘာပေါ်တွင် တတိယအကြီးဆုံး ဒီမိုကရေစီ နိုင်ငံကို ဦးဆောင်ရန် လက်ရှိသမ္မတ ဂျိုကိုဝီဒိုဒိုသည် စစ်တပ်ဗိုလ်ချုပ်ကြီးဟောင်းတစ်ဦးနှင့် ယှဉ်ပြိုင်ရမည် ဖြစ်သည်။

ဝီဒိုဒိုသည် ၎င်း၏ လက်တွေ့ဆန်သောပုံစံနှင့် အခြေခံအဆောက်အအုံနှင့်ပတ်သက်ပြီး ရည်မှန်းချက်ကြီးမားမှုများကြောင့် အင်ဒိုနီးရှားများကြားတွင် ရေပန်းစားသူဖြစ်သည်။ လူထုသဘောထား စစ်တမ်းများတွင်လည်း ၀ီဒိုဒိုသည် ၎င်းင်း၏အဓိကယှဉ်ပြိုင်ဘက်ဖြစ်သော ပရာဘိုဝို ဆူဘီယန်တိုထက်များစွာ ရှေ့ရောက်သည်။

သို့သော် ဒုတိယသက်တမ်းဆက်လက် ထမ်းဆောင်ခွင့်ရရှိရန် ၀ီဒိုဒို၏ ကြိုးပမ်းမှုသည် အင်ဒိုနီးရှား ငွေကြေးတန်ဖိုး ကျဆင်းနေခြင်းနှင့်အတူ ၎င်းင်း၏စီးပွားရေး မှတ်တမ်းရာဇ၀င်ကြောင့် လေဆန်နှင့် ကြုံနေရသည်။ ထို့အတူ ၀ီဒိုဒို ပြန်လည်ရွေးကောက်ခံရရေးကို သတင်းတုများဖြင့် လှုံ့ဆော်စည်းရုံးမှုများက ဖျက်လိုဖျက်ဆီး လုပ်ကြမည့်အပေါ် စိုးရိမ်မှုများလည်း ရှိနေသည်။

အင်ဒိုနီးရှားနိုင်ငံ၏ ငွေကြေးတန်ဖိုးသည် ပြီးခဲ့သည့် သီတင်းပတ်များအတွင်းက အာဏာရှင် ဆူဟာတိုခေတ်နောက်ပိုင်း မကြုံစဖူး အခြေအနေအထိ ကျဆင်းနေခဲ့သည်။ ထို့အတူ ၀ီဒိုဒိုသည် ၎င်းမှာ တရုတ်ဖြစ်သည်၊ ခရစ်ယာန်ဖြစ်သည်၊ တရားမ၀င်အင်ဒိုနီးရှား ကွန်မြူနစ်ပါတီအဖွဲ့ဝင်ဖြစ်သည်ဟူ၍ ကောလာဟလများ လွှင့်ခံရသည့် ဒဏ်များကို နှစ်ပေါင်းများစွာ ခံစားခဲ့ရသူဖြစ်သည်။

မဲပေးခွင့်ရှိသူ ၁၈၆ သန်း ရှိပြီး ကမ္ဘာ့အကြီးဆုံး မွတ်စလင်လူများစုနေထိုင်ရာ အင်ဒိုနီးရှားတွင် ဧပြီ ၁၇ ရက်နေ့၌ သမ္မတရွေးကောက်ပွဲနှင့်အတူ အမျိုးသားနှင့် ဒေသဆိုင်ရာ ပါလီမန်ရွေးကောက်ပွဲများလည်း ကျင်းပမည် ဖြစ်သည်။

စက်တင်ဘာ ၂၃ ရက်က ဂျကာတာတွင် ကျင်းပခဲ့သော တရားဝင် မဲဆွယ်စည်းရုံးမှု စတင်ပွဲအခမ်းအနားသို့ ၀ီဒိုဒိုနှင့် ပရာဘိုဝို နှစ်ဦးစလုံးက ရိုးရာအင်ဒိုနီးရှားဝတ်စုံများ ၀တ်ဆင်ကာ တက်ရောက်လာကြသည်။ နှစ်ဦးစလုံးက လူမျိုးရေးနှင့်ဘာသာရေးကို နိုင်ငံရေးအတွက် အသုံးမချဘဲ ငြိမ်းငြိမ်းချမ်းချမ်း ယှဉ်ပြိုင်ကြမည်ဟု ကတိပြုခဲ့သည်။

ရွေးကောက်ပွဲအတွက် မဲဆွယ်စည်းရုံးမှုများသည် စီးပွားရေး၊ မညီမျှမှု၊ သည်းခံနိုင် စွမ်းလျော့နည်းလာမှုအစရှိသည့် အကြောင်းများအပေါ် ပစ်မှတ်ထားဖွယ်ရှိသည်ဟု လေ့လာသူများက ပြောနေကြသည်။

ဂျိုကိုဝီအဖြစ် လူသိများသော ၀ီဒိုဒိုသည် ၎င်းနှင့်အတူ ရွေးကောက်ပွဲဝင်ရန် ရှေးရိုးစွဲ အစ္စလာမ္မစ်ဘာသာရေးဆရာ မာရက်အမင်ကို သြဂုတ်လကရွေးချယ်ခဲ့သဖြင့် အင်ဒိုနီးရှားအများအပြားကို အံ့သြစေခဲ့သည်။ အသက် ၇၅ နှစ်အရွယ် အမင်သည် နိုင်ငံ၏ ထိပ်တန်း အစ္စလာမ္မစ်အာဏာပိုင်အဖွဲ့အစည်းဖြစ်သော Indonesian Ulema Council (MUI) ၏ ဥက္ကဋ္ဌဖြစ်ပြီး လူနည်းစုမျိုးနွယ်များအပေါ် မတရားချိုးနှိမ်မှုရှိသော အယူအဆများကြောင့် လူသိများသည်။

လူဦးရေ သန်း ၂၆၀ ကျော်ရှိသော အင် ဒိုနီးရှားနိုင်ငံထဲမှ ရာခိုင်နှုန်း ၉၀ သည် သ ဘောထားအလယ်အလတ်ရှိသော အစ္စလာမ် ဘာသာဝင်များဖြစ်ကြသည်။ သို့သော် နိုင်ငံ ထဲတွင် ရှေးရိုးစွဲအယူအဆများ လျင်မြန်စွာ ကြီးထွားလာသဖြင့် စိုးရိမ်မှုများရှိနေသည်။

ပရာဘိုဝိုမှာမူ ဂျကာတာဒုတိယ အုပ်ချုပ်ရေးမှူးဟောင်းဖြစ်ပြီး စီးပွားရေးသမားတစ်ဦးဖြစ်သည့် ဆန်ဒီယာဂါအူနိုနှင့် လက်တွဲကာ ရွေးကောက်ပွဲဝင်မည် ဖြစ်သည်။

၂၀၁၄ ခုနှစ်ရွေးကောက်ပွဲတွင်လည်း ၀ီဒိုဒိုကို ရှုံးခဲ့သည့် ပရာဘိုဝီသည် ၁၉၉၈ ခုနှစ်က ကျောင်းသားဆန္ဒပြမှုများအတွင်း  အာဏာရှင်ဆူဟာတို ဖြုတ်ချမခံရမီ ကသောင်းကနင်းကာလက ထိပ်ပိုင်းစစ်တပ်အရာရှိ တစ်ဦးဖြစ်ခဲ့သည်။

ဆူဟာတို ပြုတ်ကျပြီးနောက်ပိုင်းတွင် ပရာဘိုဝိုက ဒီမိုကရေစီတက်ကြွလှုပ်ရှားသူများကို ပြန်ပေးဆွဲရန် ညွှန်ကြားခဲ့ကြောင်း ၀န်ခံခဲ့ပြီးနောက်ပိုင်း စစ်တပ်မှ ထုတ်ခံခဲ့ရသူ ဖြစ်သည်။

Ref ; AFP

အိန္ဒိယ၀န်ကြီးချုပ် မိုဒီက ကမ္ဘာ့အကြီးဆုံး ကျန်းမာရေး စီမံကိန်းကြီးကို စတင်

ဇွန်လက စင်ကာပူတွင် ပြုလုပ်သည့် အာရှလုံခြုံရေးထိပ်သီးအတွင်း မိန့်ခွန်းပြောနေသော ၀န်ကြီးချုပ်မိုဒီ (Photo – AFP)

အိန္ဒိယနိုင်ငံတွင် စက်တင်ဘာ ၂၃ ရက်က ကမ္ဘာ့အကြီးဆုံးကျန်းမာရေးအာမခံ အစီအစဉ်ကြီးတစ်ခုကို စတင်ခဲ့သည်။ ၀န်ကြီးချုပ် နရင်ဒရာမိုဒီ၏ ပြောကြားချက်အရ ယင်းအစီအစဉ်သည် ဆင်းရဲချို့တဲ့သူ သန်း ၅၀၀ ကို လွှမ်းခြုံနိုင်လိမ့်မည်ဟု သိရသည်။

‘Modicare’ ဟု အမည်ပေးထားသော ထိုအစီအစဉ်သည် ဆင်းရဲသော မိသားစုတိုင်းအတွက် ပြင်းထန်သည့် နာမကျန်းဖြစ်မှုများအားကုသရန် ရူပီး ၅၀၀၀၀၀ ( ဒေါ်လာ ၆၉၀၀) ပံ့ပိုးပေးနိုင်ရန် လုံလောက်သည်ဟု သိရသည်။

Modicare သည် ဗဟိုအစိုးရနှင့် ပြည် နယ်အစိုးရ ၂၉ ခုကို နှစ်စဉ်စုစုပေါင်း ဒေါ်လာ ၁ ဒသမ ၆ ဘီလျံကုန်ကျစေမည် ဖြစ်သည်။ ရန်ပုံငွေမှာမူ လိုအပ်ချက်ပေါ်လိုက်၍ တစ်ဖြည်းဖြည်းတိုးမြှင့်သွားမည်ဟု သိရသည်။ နိုင်ငံအရှေ့ပိုင်း ဂျဟတ်ဟန်ပြည်နယ်၏ မြို့တော်ရန်ချီတွင် Mpdocare အစီအစဉ်စတင်ခြင်း အခမ်းအနားအတွင်း မိုဒီက ကျန်းမာရေးကတ်များကို ဝေပေးခဲ့သည်။

ယခုအစီအစဉ်သည် အိန္ဒိယနိုင်ငံထဲမှ ချို့တဲ့သူများကို အရည်အသွေးကောင်းမွန်ပြီး ဆက်သွယ်ရလွယ်ကူသည့် ကျန်းမာရေး စောင့်ရှောက်မှုများ ပံ့ပိုးပေးနိုင်ရေးအတွက် ကြီးမားသည့် ခြေလှမ်းကြီးတစ်ခုဖြစ်သည်ဟု မိုဒီကခေါ်ဆိုခဲ့ပြီး မိသားစုပေါင်းသန်း ၁၀၀ ကျော်အတွက် အကျိုးဖြစ်ထွန်းစေလိမ့်မည်ဟုလည်း ပြောကြားခဲ့သည်။

ဝန်နှင့်အားမမျှဖြစ်နေသည့် အိန္ဒိယ၏ ကျန်းမာရေးစနစ်ထဲတွင် ဆေးရုံနှင့် ဆရာဝန်မလောက်ငှမှုများနှင့် ကြုံနေရသည်။ ထို့ကြောင့် လူအများစုသည်တတ်နိုင်ပါက ပုဂ္ဂလိက ဆေးရုံ၊ ဆေးခန်းများကိုသာ အားကိုးနေရသည်။ သို့သော် ပုဂ္ဂလိကဆရာဝန်များ နှင့် ကျန်းမာရေးဆွေးနွေးခသည် ရူပီး ၁၀၀၀ ( ၁၅ ဒေါ်လာ) ၀န်းကျင်ကျသင့်သည်။ ယင်း ငွေပမာဏသည် တစ်နေ့အသုံးစရိတ် နှစ်ဒေါ်လာပင်မပြည့်သော လူသန်းပေါင်းများစွာအတွက် များပြားလှသော ငွေပမာဏကြီး ဖြစ်နေသည်။

ကျွမ်းကျင်သူများက မိုဒီ၏ ယခုအစီအစဉ်နှင့်ပတ်သက်ပြီး ချီးမွမ်းခဲ့ကြသည်။ သို့သော် ယင်းအစီအစဉ်သည် ပြင်းထန်ပြီး နာတာရှည်ဖြစ်သော ရောဂါများအား ကုသပေးရေးထက် နေ့စဉ်အခြေခံကျန်းမာရေး စောင့်ရှောက်မှုများ ပါဝင်သင့်သည်ဟု ထောက်ပြကြသည်။ “Mpdocare အစီအစဉ်ထဲမှာ အခြေခံကျန်းမာရေး စောင့်ရှောက်မှု မပါဝင်ပါဘူး။ အခြေခံကျန်းမာရေးစောင့်ရှောက်မှုဟာ အိန္ဒိယပြည်သူ့ကျန်းမာရေး ပံ့ပိုးမှုမှာ အားအနည်းဆုံး အချိတ်အဆက် ဖြစ်ပါတယ်” ဟု စောင့်ကြည့်သူတစ်ဦးက ပြောကြားခဲ့သည်။

Ref ; AFP

ဟောင်ကောင်နှင့် တရုတ်ပြည်မကြီးကို ဆက်သွယ်ထားသည့် ကျည်ဆန်ရထားလိုင်းသစ် စတင်ပြေးဆွဲ

စက်တင်ဘာ ၂၃ ရက်က ဟောင်ကောင်-ပြည်မကြီးကျည်ဆန်ရထား ပထမဆုံးပြေးဆွဲသည့်နေ့အတွင်း လိုက်ပါစီးနင်းကြသူများ (Photo- AFP)

ဟောင်ကောင်နှင့် တရုတ်ပြည်မကြီးကို ဆက်သွယ်ထားသော ကျည်ဆန်ရထားလိုင်းသစ်ကို စက်တင်ဘာ ၂၃ ရက်က စတင်ပြေးဆွဲခဲ့သည်။ ဒေါ်လာ ၁၁ ဘီလျံတန်ဖိုးရှိ ထိုစီမံကိန်းသည် ဟောင်ကောင်နယ်မြေထဲမှ  နေရာတစ်စိတ်တစ်ပိုင်းကို ပိုမိုရန်လိုလားသည့် တရုတ်အစိုးရထံသို့ ပေးလိုက်ရခြင်း ဖြစ်သည်ဟု ဝေဖန်သူများက ပြောနေကြသည်။

ကွမ်ကျိုး-စင်ကျင်-ဟောင်ကောင် ရထားလမ်းစီမံကိန်းကြောင့် ဟောင်ကောင်ဆိပ်ကမ်းဒေသ West Kowloon ရှိ ရထားလမ်းဆုံးဘူတာသို့ တရုတ်ပြည်မကြီးမှ လူဝင်မှုကြီးကြပ်ရေးအရာရှိများ လာရောက်ရုံးထိုင်ကြပြီး ထိုဘူတာကိုလည်း တရုတ်ဥပဒေက လွှမ်းမိုးထားမည်ဖြစ်သည်။ မကြုံစဖူးဖြစ်သော ယင်းဖြစ်စဉ်ကြောင့် ဝေဖန်သူအချို့က ဟောင်ကောင်၏ ကိုယ်ပိုင်အုပ်ချုပ်ခွင့် ပိုမိုထိပါးခံလာရသည်ဟု ပြောနေကြသည်။

Basic law ဟုခေါ်သော ဟောင်ကောင်ဖွဲ့စည်းပုံအခြေခံဥပဒေငယ်ကြောင့် တရုတ်အမျိုးသားဥပဒေသည် သတ်မှတ်ထားသော ဧရိယာအချို့မှလွဲပြီး ဟောင်ကောင်မြို့ပေါ်သို့ (ကာကွယ်ရေး အပါအ၀င်) သက်ရောက်ခြင်း မရှိပေ။

ယခုကျည်ဆန်ရထားစီမံကိန်းသည် Greater Bay Area ဟုအမည်ပေးထားပြီး တရုတ်မြို့ကိုးမြို့ ပါဝင်ကာ ပုလဲမြစ်ဝှမ်း၏ ကျယ်ပြန့်လှသော ကုန်တွင်းပိုင်းဒေသကြီး တစ်ခုထဲသို့ ဟောင်ကောင်အား ဆွဲသွင်းရန် တရုတ်အစိုးရ၏ ပိုမိုကျယ်ပြန့်သော ကြိုးပမ်းအားထုတ်မှုထဲမှ တစ်စိတ်တစ်ပိုင်း ဖြစ်သည်။

ဝေဖန်သူများက ပြည်မကြီးဇုန်ထဲတွင် ခရီးသည်များ၏ လုံခြုံရေးအတွက် စိုးရိမ်မှုများ ရှိနေခဲ့ကြသော်လည်း ခရီးသည်များမှာမူ တရုတ်ပြည်မကြီးထဲသို့ မိနစ် ၂၀ တည်းနှင့် ရောက်သွားနိုင်သော ရထားလိုင်းအတွက် မျှော်လင့်ချက်အပြည့် ဖြစ်နေကြသည်။

တရုတ်တောင်ပိုင်းမြို့ စင်ကျင်သို့ ထွက်ခွာမည့် ပထမဆုံးနံနက် ၇ နာရီ ရထားအားစီးရန် ဟောင်ကောင်ရထားလမ်းဆုံးဘူတာတွင် လူရာပေါင်းများစွာ လာရောက်စောင့်ဆိုင်းနေခဲ့ကြသည်။

တစ်နာရီ အမြန်နှုန်းကီလိုမီတာ ၂၀၀  (၁၂၅ မိုင်) ရှိသော ကျည်ဆန်ရထားများသည် လက်ရှိ ရှိနှင့်ပြီးသား နယ်စပ်ဖြတ်ကျော် ရထားလိုင်းများထက်များစွာ ပိုမြန်သည်။ ပေကျင်းသို့ ခရီးစဉ်မှာမူ ယခင်က ၂၄ နာရီကြာ မြင့်ရာမှာ ယခုဆိုလျှင် ကိုးနာရီသာကြာတော့မည် ဖြစ်သည်။

ကြာချိန်သက်သာသော်လည်း ရထားလက်မှတ်မှာ ဈေးနှုန်းကြီးမြင့်ပြီး ၀ယ်ယူရသည့် စနစ်မှာလည်း အဆင်မပြေလှကြောင်း Mr. Kwok အမည်ရှိ ခရီးသည်တစ်ဦးက ပြောကြားခဲ့သည်။ ၎င်းသည် တနင်္ဂနွေရထား လက်မှတ်ကို ၀ယ်ယူရန်လေးနာရီကြာ တန်းစီလိုက်ရသည်ဟု သိရသည်။

စင်ကျင်သို့ ဒုတိယတန်းလက်မှတ်တစ်စောင်သည် ဟောင်ကောင်ဒေါ်လာ ၈၆ (အမေရိကန်ဒေါ်လာ ၁၁) ကျသင့်ပြီး ကွမ်ကျိုးသို့သွားလျှင် ဟောင်ကောင်ဒေါ်လာ ၂၄၇၊ ပေကျင်းသို့သွားလျှင် ဟောင်ကောင် ဒေါ်လာ ၁၂၃၇ ကျသင့်မည် ဖြစ်သည်။

ဟောင်ကောင်သားများအနေနှင့် တရုတ်ဥပဒေလွှမ်းမိုးမှုရှိသော ဇုန်နေရာများထဲတွင် မည်သို့ ပြုမူနေထိုင်ရမည်ဆိုခြင်းနှင့် ပတ်သက်ပြီး မေးခွန်းထုတ်မှုများစွာလည်း ဖြစ်ပေါ်နေသည်။ ဥပမာအားဖြင့် ၎င်းတို့သည် ပြည်မကြီးထဲတွင် အသုံးပြုခွင့် ပိတ်ထားသော Facebook ၊ Twitter တို့အား အသုံးပြုခြင်း သို့မဟုတ် နိုင်ငံရေးစာသားများပါသော အင်္ကျီများကို ၀တ်ဆင်ခြင်းတို့ကြောင့် အပြစ်ပေးခံရမည်လား အစရှိသဖြင့် မေးခွန်းထုတ်နေကြခြင်း ဖြစ်သည်။

အေအက်ဖ်ပီသတင်းဌာနမှ ဂျာနယ်လစ်များကမူ တရုတ်ဥပဒေလွှမ်းမိုးထားသော ဘူတာထဲတွင် စက်တင်ဘာ ၂၃ ရက်က လူမှုမီဒီယာများ၊ ၀က်ဆိုက်များသို့ ၀င်၍ရနေခဲ့ပြီး ပြည်မကြီးမှ Wifi ကို အသုံးပြု၍ ၀င်လျှင်ပင် ရနေခဲ့ကြောင်း သိရသည်။ ရထားပေါ်တွင်မူ စင်ကျင်သို့ ဖြတ်ကျော်လာသည်နှင့်တစ်ပြိုင်နက် ခရီးသည်များသည် Wifi ရရှိရန်အတွက် မှတ်ပုံတင်ပြီးသား တရုတ်မိုဘိုင်းနံပါတ်တစ်ခုခု သို့မဟုတ် WeChat အကောင့်သို့ ပြောင်းလဲရမည် ဖြစ်သည်။

စက်တင်ဘာ ၂၃ ရက်မှာပင် နံနက်ပိုင်းရထားဖြင့် ဟောင်ကောင်သို့ ရောက်ရှိလာသော ပြည်မကြီးမှခရီးသည်များကို ‘I Love Hong Kong’ ဟုရေးထားသော မက်ခွက်များ၊ ဟောင်ကောင်မှ ကြိုဆိုကြောင်း ရေးထားသည့် သင်္ကေတများဖြင့် နှုတ်ဆက်ခဲ့ကြသည်။

“အရမ်းကို မြန်တာပဲ။ ခရီးစဉ်ကလည်း အရမ်းသက်သောင့်သက်သာ ရှိပါတယ်” ဟု ဟောင်ကောင်သို့ ပထမဆုံးရောက်လာခြင်း ဖြစ်သည်ဟုဆိုသော အသက်  ၆၄ နှစ်အရွယ် အမျိုးသမီးတစ်ဦးက ပြောကြားခဲ့သည်။

Ref ; AFP