ကြည်လင်း၊ အောင်ဝင်းဇော်၊ ဇေယျာဖြိုး၊ အောင်ဝင်းထွန်းတို့အပေါ် ချမှတ်ထားသည့် စွဲချက်အမိန့်အား ပြင်ဆင်ပေးရန် ပြည်ထောင်စုတရားလွှတ်တော်ချုပ်သို့ လျှောက်ထားမှုကို လက်မခံဘဲပယ်ချ

အမျိုးသားဒီမိုကရေစီအဖွဲ့ချုပ် (NLD) ပါတီ(ဗဟို) ဥပဒေအထောက်အကူပြုအဖွဲ့ဝင် တရားလွှတ်တော်ရှေ့နေဦးကိုနီလုပ်ကြံခံရမှုနှင့် ပတ်သက်၍ ကြည်လင်း၊ အောင်ဝင်းဇော်၊ ဇေယျာဖြိုး၊ အောင်ဝင်းထွန်းတို့ အပေါ်ချမှတ်ထားသည့် စွဲချက်အမိန့်အား ပြင်ဆင်ပေးရန် နေပြည်တော်ရှိ ပြည်ထောင်စု တရားလွှတ်တော်ချုပ်သို့ လျှောက်ထားမှု နှင့် ပတ်သက်၍  စက်တင်ဘာ ၁၉ ရက်တွင် ပြည်ထောင်စုတရားလွှတ်တော်ချုပ်က ပယ်ချခဲ့ကြောင်း သိရသည်။

ယင်းကြောင့်လာမည့် ရုံးချိန်းများတွင် အမှုကိုပုံမှန်စစ်ဆေးနေသည့် ရန်ကုန်မြောက်ပိုင်းခရိုင်တရားရုံးတွင် ဆက်လက်စစ်ဆေးသွားမည်ဖြစ်ကြောင်း သိရသည်။

“အမှုလက်ခံရေးအတွက် လျှောက်လဲချက်ပေးတာ။ ကြည်လင်းတို့အမှုတွေအားလုံး ပယ်လိုက်တယ်။ ခရိုင်ရုံးမှာပဲ အခုအတိုင်း ပြန်စစ်သွားတော့မယ်” ဟု တရားလိုဘက်မှ ရှေ့နေတစ်ဦးဖြစ်သူ ဦးရောဘတ်ဆန်းအောင်က ဖြေကြားသည်။

အမျိုးသားဒီမိုကရေစီအဖွဲ့ချုပ် (NLD) ပါတီ(ဗဟို) ဥပဒေအထောက်အကူပြုအဖွဲ့ဝင် တရားလွှတ်တော်ရှေ့နေ ဦးကိုနီလုပ်ကြံခံရမှုနှင့်ပတ်သက်၍ အမှုစစ်ဆေးနေသည့် ရန်ကုန်မြောက်ပိုင်းခရိုင်တရားရုံးမှ အထူးခုံရုံးက ကြည်လင်းအား ၃၀၂(၁)(ခ)/၃၄ဖြင့် လည်းကောင်း၊ ဦးနေ၀င်းကိုသေနတ်ဖြင့် ပစ်ခတ်ခဲ့မှုဖြင့် ၃၀၂(၂) ဖြင့် လည်းကောင်း၊ ၁၈၇၈ ခုနှစ် လက်နက်ဥပဒေပုဒ်မ ၁၉(ဃ)(စ) ဖြင့် လည်းကောင်း စွဲချက်တင်ခဲ့ကြောင်း သိရသည်။

ထို့ပြင် အောင်ဝင်းဇော်အား ရာဇသတ်ကြီးဥပဒေပုဒ်မ ၃၀၂(၁)(ခ)/၃၄ နှင့် ၁၈၇၈ ခုနှစ်လက်နက်ဥပဒေ ပုဒ်မ ၁၉(ဃ)(စ)တို့ ဖြင့် လည်းကောင်း၊ ဇေယျာဖြိုးကို ရာဇသတ်ကြီး ဥပဒေပုဒ်မ ၃၀၂(၁)(ခ)/၃၄၊ အောင်ဝင်း ထွန်းအား ရာဇသတ်ကြီးဥပဒေပုဒ်မ ၂၁၂ ဖြင့် လည်းကောင်းစသည့် ပုဒ်မအသီးသီးဖြင့် ယခုနှစ် ဖေဖော်ဝါရီ ၉ ရက်တွင် စွဲချက်ခဲ့သည်။

ထို့နောက်အဆိုပါစွဲချက်ကိုမကျေနပ်သဖြင့် ရန်ကုန်တိုင်းဒေသကြီးတရားလွှတ်တော်သို့ စွဲချက်ပြင်ဆင်မှု ဆက်တက်ရာ ရန်ကုန်တိုင်းဒေသကြီး တရားလွှတ်တော်က ဇွန် ၁၈ ရက်တွင် တရားရုံး ရုံးခန်းအမှတ် ၇ တွင် စွဲချက်ပြင်ဆင်မှုအတွက် အမိန့်ချမှတ်ခဲ့သည်။

ထိုသို့အမိန့်ချမှတ်ရာ၌ အောင်ဝင်းဇော်မှာ ၁၈၇၈ ခုနှစ် လက်နက်ဥပဒေပုဒ်မ ၁၉ (ဃ) (စ) ဖြင့် စွဲချက်တင်ထားသည့် လက်နက်အမှုမှ တရားရှင်လွတ်မြောက်ခဲ့ပြီး ရာဇသတ်ကြီး ဥပဒေပုဒ်မ ၃၀၂ (၁) (ခ)/၃၄ ဖြင့် စွဲချက်တင်ခံထားရသည့် ဇေယျာဖြိုးကို ၃၀၂ (၁) (ခ) /၁၀၉ ဖြင့် ပြောင်းလဲစစ်ဆေးရန် တရားသူကြီးက အမိန့်ချမှတ်ခဲ့သည်။ ကျန်ရှိသည့်အမှုများကိုမူ ပလပ်ခဲ့သည်။

ယင်းနောက် နေပြည်တော်ရှိ ပြည်ထောင်စု တရားလွှတ်တော်ချုပ်သို့ စွဲချက်ပြင်ဆင်မှု ဆက်တက်ခဲ့ခြင်းဖြစ်သည်။ စွဲချက်တင်ခံထားရသူများကမူ ၎င်းတို့တွင် အပြစ်မရှိကြောင်း ငြင်းဆိုထားကြသည်။

 

 

ယာဉ်အန္တရာယ်၊ လမ်းအန္တရာယ် ကင်းရှင်းစေရန် မော်တော်ဆိုင်ကယ်နောက်ပိုင်းနှင့် ဆိုင်ကယ်ဦးထုပ်များ၌ ရောင်ပြန်စတစ်ကာ ကပ်ပေးသည့် လှုပ်ရှားမှု မန္တလေးမြို့တွင် ပြုလုပ်

ယာဉ်အန္တရာယ်၊ လမ်းအန္တရာယ် ကင်းရှင်းစေရန် မော်တော်ဆိုင်ကယ်နောက်ပိုင်းနှင့် ဆိုင်ကယ်ဦးထုပ်များ၌ ရောင်ပြန်စတစ်ကာ ကပ်ပေးသည့် လှုပ်ရှားမှု မန္တလေးမြို့တွင် စက်တင်ဘာ ၁၉ ရက် နံနက်ပိုင်းက ပြုလုပ်ခဲ့ကြောင်း သိရသည်။

အဆိုပါ လှုပ်ရှားမှုကို မန္တလေးမြို့ ၇၈ လမ်း၊ ရန်ကုန်-မန္တလေးလမ်း၊ သံလမ်းနှင့် ILBC ကျောင်းအကြား ဆိုင်ကယ်သွားလမ်းပေါ်၌ ပြုလုပ်ခဲ့ပြီး တိုင်းဒေသကြီးဦးစီးမှူး ဒေါ်ခင်စံပယ်ဦးဆောင်သောအဖွဲ့၊ ယာဉ်ထိန်းရဲတပ်ဖွဲ့၊ မြို့တော်စည်ပင်သာယာရေး ကော်မတီအဖွဲ့တို့က မော်တော်ဆိုင်ကယ်စီး နင်းလာသူများအား အသိပညာပေးလက်ကမ်း စာစောင်များဖြန့်ဝေခြင်း၊ ဆိုင်ကယ် အနောက်ပိုင်းနှင့် ဆိုင်ကယ်စီးဦးထုပ်တို့တွင် ရောင်ပြန်စတစ်ကာများ ကပ်ပေးသည့် လှုပ်ရှားမှုများ ပြုလုပ်ခဲ့ကြောင်း သိရသည်။

“ယာဉ်အန္တရာယ်၊ လမ်းအန္တရာယ် ကင်းရှင်းရေးအတွက် ရည်ရွယ်ပြီး ဒီလှုပ်ရှားမှုကို ပြုလုပ်ရတာပါ။ မန္တလေးမြို့ဟာ ဆိုင်ကယ်ကို အဓိကထားသုံးစွဲတဲ့ မြို့ဖြစ်တဲ့အတွက် မလိုလားအပ်တဲ့ ယာဉ်မတော်တဆမှုတွေ လျော့ပါးစေဖို့ ခုလိုရောင်ပြန် စတစ်ကာကပ်တာတွေ အသိပညာပေးစာစောင်တွေ ဖြန့်ဝေရတာပါ။ ညဘက်တွေမှာ နောက်ကကားဖြစ်ဖြစ်၊ အဝေးကနေလာတဲ့ ယာဉ်တွေက မီးတွေ ပြည့်စုံချင်မှ ပြည့်စုံမှာပေါ့နော်။ ဆိုင်ကယ် နောက်ပိုင်းနဲ့ ဆိုင်ကယ်စီးဦးထုပ်မှာ ရောင်ပြန်စတစ်ကာကပ်ထားရင် ရောင်ပြန်အလင်းရောင်ကြောင့် ရှေ့မှာ ဆိုင်ကယ်သွားနေတယ်ဆိုတာ သိသာစေပြီး ယာဉ်မတော်တဆမှုတွေ လျော့နည်းစေမှာပါ။ ဒါကို လိုက်နာဖို့ ခုစတင်လုပ်ဆောင်နေပါတယ်။ စည်းကမ်း မလိုက်နာရင် လိုက်နာအောင် ဒဏ်ငွေဆောင်တာတွေ လုပ်သွားမှာပါ” ဟု အမှတ် (၃) ယာဉ်ထိန်းရဲတပ်ဖွဲ့ခွဲမှ ရဲမှူးမြင့်အောင်က ပြောကြားသည်။

မြန်မာနိုင်ငံတွင် ၂၀၁၈ ခုနှစ် ဇန်န၀ါရီမှ ဇွန်လအထိ ယာဉ်မတော်တဆမှုပေါင်း ၉၂၆၅ မှု ဖြစ်ပွားခဲ့ပြီး အဆိုပါ အမှုများတွင် မော်တော်ဆိုင်ကယ်များကြောင့် ဖြစ်ပွားရသည့် ယာဉ်တိုက်ခိုက်မှု ၄၄၈၂ မှု ရာခိုင်နှုန်းအားဖြင့် ၄၈ ဒသမ ၃၈ ရှိနေကြောင်း၊ ဆိုင်ကယ် မတော်တဆမှုများတွင် ညအချိန် မီးမပါ၊ ရောင်ပြန်မပါသောကြောင့် ပိုမိုဖြစ်ပွားနေသောကြောင့် အမျိုးသားယာဉ်အန္တရာယ်၊ လမ်းအန္တရာယ် ကင်းရှင်းရေးကောင်စီက ဆိုင်ကယ်နောက်ပိုင်းနှင့် ဆိုင်ကယ်စီးဦးထုပ်နောက်၌ ရောင်ပြန်စတစ်ကာများ ကပ်ပေးနိုင်ရေးနှင့် လိုက်နာမှုမရှိပါက စစ်ဆေး အရေးယူနိုင်ရေးအတွက် သက်ဆိုင်ရာ တိုင်းဒေသကြီး/ပြည်နယ်အလိုက် အစီအမံများ ချမှတ်ဆောင်ရွက်သွားရန် ညွှန်ကြားထားကြောင်း သိရသည်။

ကွတ်ခိုင်မြို့နယ် ပြည်ထောင်စုလမ်းမကြီးတွင် ဓား၊ သေနတ်အတု ကိုင်ဆောင်ပြီး ခြိမ်းခြောက်ငွေတောင်းယူသူများအား ဖမ်းဆီးအရေးယူ

ရှမ်းပြည်နယ်မြောက်ပိုင်း ကွတ်ခိုင်မြို့နယ် ပြည်ထောင်စုလမ်းမကြီးတွင် ဓား၊ သေနတ်အတုကိုင်ဆောင်ပြီး ခရီးသည်များထံတွင် ခြိမ်းခြောက်ငွေတောင်းယူသူများအား ဖမ်းဆီးအရေးယူထားကြောင်း ရှမ်းပြည်နယ်ရဲတပ်ဖွဲ့မှ သတင်းရရှိသည်။

ဖြစ်စဉ်မှာ စက်တင်ဘာ ၁၈ ရက် မွန်းလွဲ ၁၂ နာရီ ၄၅ မိနစ်တွင် ရှမ်းပြည်နယ် ကွတ်ခိုင်မြို့နယ် ပြည်ထောင်စုလမ်းမကြီး ၃၈ မိုင် မန်ပြိန်းကျေးရွာအနီးတစ်ဝိုက်တွင် ညအချိန် ခရီးသွားမော်တော်ယာဉ်များအား ဓား၊ သေနတ်ကိုင်ပြီး မကြာခဏ ခြောက်လှန့်၍ ငွေနှင့်ပစ္စည်းများ တောင်းခံနေကြောင်း သတင်းအရ ကွတ်ခိုင်မြို့မရဲစခန်းမှ တပ်ဖွဲ့ဝင်များက သက်သေများနှင့်အတူ စုံစမ်းနေစဉ် ကောင်းခန့်ကျေးရွာနေ အားဟွေ(ခ)စီ ဟွေဟွေ (၂၂)နှစ်အား မသင်္ကာဖွယ် တွေ့ရှိသဖြင့် ရှာဖွေရာ ၎င်းကိုင်ဆောင်ထားသည့် ကြွပ်ကြွပ်အိတ်အတွင်းမှ စိုင်းအောင်ကျော်ဖြိုး အမည်ပါ နိုင်ငံသားစိစစ်ရေးကတ်တစ်ခု၊ လက်ကိုင်ဖုန်းနှစ်လုံး၊ ဘဏ်ငွေစုကတ်တစ်ခုတို့အား သိမ်းဆည်းရမိခဲ့ကြောင်း သိရသည်။

ရဲတပ်ဖွဲ့၏ စစ်ဆေးချက်အရ အဆိုပါ အားဟွေ (ခ) စီဟွေဟွေသည် အပေါင်းအဖော်များနှင့်အတူ ယခင်ကလည်း ဓား၊ သေနတ်အတု ကိုင်ဆောင်၍ ပြည်ထောင်စုလမ်းမကြီးပေါ်တွင် ခြောက်ကြိမ်ခန့် ယာဉ်များထံမှ ငွေနှင့်ပစ္စည်းများ တောင်းခံခဲ့ကြောင်း သိရသည်။

အားဟွေသည် စက်တင်ဘာ ၁၆ ရက် ည ၁၁ နာရီခန့်က အားယုံ(ခ)အားယုတ်(ခ)လောက်ယုတ်(၄၀ နှစ်)နှင့်အတူ ပြည်ထောင်စုလမ်းမကြီးပေါ်တွင် သေနတ်အတု ကိုင်ဆောင်၍ သိန်းနီဘက်မှ ကွတ်ခိုင်ဘက်သို့ မောင်းနှင်လာသည့် တွဲယာဉ်တစ်စီးမှ ကျပ် ၂၇၀၀၀၊ လက်ကိုင်ဖုန်းတစ်လုံး၊ ခြောက်ဘီးယာဉ်တစ်စီးမှ ကျပ် ၅၀၀၀၊ လက်ကိုင်ဖုန်းတစ်လုံးတို့အား ခြောက်လှန့်တောင်းခဲ့ကြောင်း၊ စစ်ဆေးပေါ်ပေါက်ခဲ့သဖြင့် ၎င်းနေထိုင်သောနေအိမ်အား သွားရောက်ရှာဖွေရာ ကင်ဒိုဓားတစ်ချောင်း၊ လက်ကိုင်ဖုန်း သုံးလုံး၊ ပစ္စတိုကော်သေနတ် အတုတစ်လက်နှင့် ကျပ် ၁၀၂,၅၀၀တို့ကိုပါ ရှာဖွေပုံစံဖြင့် သိမ်းဆည်းရမိခဲ့ကြောင်း သိရသည်။

ကျူးလွန်သူအား အသေးစိတ် စစ်ဆေးချက်အရ ၎င်းနှင့်အတူ အားယုံ(ခ)အားယုတ်(ခ)လောက်ယုတ်၊ အားကျူး၊ အားကျူတို့မှ ခြိမ်းခြောက်ငွေ တောင်းခံခြင်းများအား ကျူးလွန်ခဲ့ကြောင်း စစ်ဆေးပေါ်ပေါက်ခဲ့သောကြောင့် အားဟွေ(ခ)စီဟွေဟွေပါ လေးဦးအား ကွတ်ခိုင်မြို့မရဲစခန်း (ပ)၆၈/၂၀၁၈၊ ရာဇသတ်ကြီးပုဒ်မ ၃၈၆/၁၁၄ ဖြင့် အရေးယူထားကြောင်း ရှမ်းပြည်နယ် ရဲတပ်ဖွဲ့မှ သတင်းရရှိသည်။

မန္တလေးစည်ပင်သာယာမှ ရောင်းချသည့် တန်ဖိုးမျှတအိမ်ရာကို ၀ယ်ယူခွင့်ရရှိသူများထဲမှ ၁၈ ဦး အခန်းပြန်လည်အပ်နှံ

မန္တလေးမြို့တော် စည်ပင်သာယာရေး ကော်မတီမှ ရောင်းချသည့် တန်ဖိုးမျှတအိမ်ရာကို ၀ယ်ယူခွင့်ရရှိသူများထဲမှ ၁၈ ဦး အခန်းပြန်လည် အပ်နှံထားကြောင်း စည်ပင်သာယာရေး ကော်မတီမှ သတင်းရရှိသည်။

အစိုးရ၀န်ထမ်းနှင့် ပင်စင်စားဝန်ထမ်းများကိုသာ ရောင်းချပေးခဲ့သည့် ကျပ်သိန်း ၂၆၀ မှ ကျပ်သိန်း ၁၉၀ တန်ဖိုးရှိ မြရည်နန္ဒာ တန်ဖိုးမျှတ အိမ်ခန်းပေါင်း ၆၇၂ ခန်းကို သြဂုတ် ၂၆ ရက်က မဲနှိုက်ရောင်းချပေးခဲ့ခြင်း ဖြစ်သည်။ ထိုသို့ မဲနှိုက်ရောင်းချပေးခဲ့ရာ မဲပေါက်ပြီး ၀ယ်ယူခွင့်ရရှိသူများထဲမှ ၁၈ ဦး အခန်း ပြန်လည်အပ်နှံခဲ့ခြင်းဖြစ်သည်။

“တိုက်ခန်းဝယ်ယူခွင့်ရရှိသူထဲက ၁၈ ဦးကတော့ မ၀ယ်ယူလိုတဲ့အတွက် အခန်းပြန်အပ်ထားပါတယ်။ နောက်ပြီး ၀ယ်ယူခွင့်ရပေမယ့် သတ်မှတ်ရက်ကို ငွေမသွင်းနိုင်တဲ့သူတွေ စာရင်းကိုလည်း ဘဏ်တွေကနေ တစ်ဆင့် စာရင်းပြန်လည် ကောက်ခံနေပါတယ်။ ဘဏ်တွေဆီကရတဲ့ အခန်းစာရင်းတွေရယ်၊ ပြန်အပ်တဲ့အခန်းတွေကို အရင်လျှောက်ထားသူတွေကိုပဲ ပြန်လည်ချထားပေးဖို့ စီစဉ်နေပါတယ်” ဟု စည်ပင်သာယာရေး ကော်မတီဝင် ဦးကျော်ဆန်းမြင့်က ပြောကြားသည်။

မန္တလေးမြို့တွင် အကောင်အထည်ဖော်နေသည့် အိမ်ရာစီမံကိန်းများမှာ ယခင်အစိုးရလက်ထက်ကတည်းကဖြစ်ပြီး ပထမဦးဆုံး ရောင်းချခဲ့သည့် အိမ်ရာမှာ အခန်းပေါင်း ၁၃၄၄ ခန်း ပါဝင်သည့် ကျပ်သိန်း ၆၀ မှ ၁၃၀ တန်ဖိုးရှိ တိုက်ခန်းများ ဖြစ်သည်။

ထောင်ဒဏ်သုံးနှစ်အထိ ချမှတ်မည့် အရေးကြီးကုန်စည်နှင့် ၀န်ဆောင်မှုဥပဒေဖြင့် အရေးယူမည်ဟု ထုတ်ပြန်ပြီးနောက် Aim Star နှင့် Shine Hope တို့ MLM စနစ်ဖြင့် ဖြန့်ချိမှုများ ရပ်ဆိုင်းမည်ဟု ကြေညာ

ဆင့်ပွား ဈေးကွက်ဖြန့်ချိရေးလုပ်ငန်း  စနစ်ဖြင့် လုပ်ကိုင်ဆောင်ရွက်မှုများကို ထောင်ဒဏ်သုံးနှစ်အထိချမှတ်မည့် အရေးကြီးကုန်စည်နှင့် ၀န်ဆောင်မှုဥပဒေဖြင့်အရေးယူမည်ဟု ထုတ်ပြန်ပြီးနောက် Aim Star နှင့် Shine Hope တို့က MLM စနစ်ဖြင့် ဖြန့်ချိမှုများ ရပ်ဆိုင်းမည်ဟု ကြေညာချက်ကို စက်တင်ဘာ ၁၉ ရက်တွင် ထုတ်ပြန်ခဲ့သည်။

MLM လုပ်ငန်းများ လုပ်ကိုင်ဆောင်ရွက်နေသည်ကို တွေ့ရှိပါက အရေးယူမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနက အစိုးရအဖွဲ့က အပ်နှင်းလိုက်သည့် လုပ်ပိုင်ခွင့်ကို ကျင့်သုံး၍ စက်တင်ဘာ ၁၈ ရက်တွင် သတင်းထုတ်ပြန်ခဲ့သည်။ ထိုသို့ ဆင့်ပွားဈေးကွက် ဖြန့်ချိရေးလုပ်ငန်း (MLM) လုပ်ကိုင်ဆောင်ရွက်နေသည်ကို တွေ့ရှိပါက အမြင့်ဆုံးထောင်ဒဏ် သုံးနှစ်အထိ ချမှတ်နိုင်သည့် အရေးကြီး ကုန်စည်နှင့် ၀န်ဆောင်မှု ဥပဒေပုဒ်မ ၅ ဖြင့် အရေးယူခံရ မည်ဟု ထုတ်ပြန်ချက်တွင် ဖော်ပြခဲ့သည်။

ထိုသို့ ထုတ်ပြန်ချက် ထွက်လာခဲ့ပြီးနောက် Aim Star နှင့် Shine Hope တို့က MLM စနစ်ဖြင့် ဖြန့်ချိမှုများ ရပ်ဆိုင်းမည်ဟု ကြေညာချက်ကို စက်တင်ဘာ ၁၉ ရက်တွင် ထုတ်ပြန်ခဲ့ခြင်း ဖြစ်သည်။

ထိုသို့ MLM စနစ်ဖြင့် ဖြန့်ချိသည့် လုပ်ငန်းများ ရုတ်ခြည်းရပ်ဆိုင်းမှုကြောင့် နစ်နာသူများအတွက် ကုမ္ပဏီဘက်မှပြန်လည် ကုစားပေးမည့် အစီအစဉ်များ လုပ်ဆောင်ပေးရန် လိုအပ်ကြောင်း ဝေဖန်မှုများ ရှိနေသည်။ ထိုသို့ MLM စနစ်ကြောင့် နစ်နာသူများစွာရှိနေ၍ အောက်ခြေအသင်းဝင်များစွာ ၀ယ်ယူထားမိသည့် ပစ္စည်းများအတွက် ငွေပြန်အမ်းပေးရန် လိုအပ်မည်ဖြစ်ကြောင်း Anti-MLM မှ ကိုဇင်ဇေလွင်က ပြောကြားသည်။

“ အစ်မတို့က ဒီပစ္စည်းတွေ စိုက်ထုတ်ပြီး လက်ထဲမှာထားပြီး သူတို့တွေ ဒီပစ္စည်းတွေကို လိုက်ရောင်းခိုင်းထားတဲ့ အခြေအနေ မဟုတ်ဘူးလေ။ တစ်ခါသုံးစရာလိုမှ တစ်ခါ ကုမ္ပဏီမှာ လာဝယ်ရတဲ့အခြေအနေလေ။ တခြားကုမ္ပဏီတွေလို ပစ္စည်းတွေအများကြီးဝယ်ထားပြီး လက်ထဲမှာ ပိုက်မိနေတဲ့ အခြေအနေ မဟုတ်ဘူး”  ဟု Shine Hope မှ တာဝန်ရှိသူ တစ်ဦးက ၎င်းတို့၏ ကုမ္ပဏီကြောင့် နစ်နာသူမရှိကြောင်းနှင့် ထိုမျှသာ ဖြေဆိုနိုင်ကြောင်း စက်တင်ဘာ ၁၉ ရက်တွင် ပြောကြားသည်။

Aim Star Network အနေဖြင့် MLM စနစ်ဖြင့် ဖြန့်ချိမှုများ ရပ်ဆိုင်းမည်ဟု စက်တင်ဘာ ၁၉ ရက်က ကြေညာရာတွင် MD ဒေါ်နန်းထောင်းခမ်း (Daw Nang Htaung Kham) လက်မှတ်ရေးထိုး ထုတ်ပြန်ခြင်းဖြစ် ပြီး MLM စနစ်ဖြင့် ဖြန့်ချိမှုများ ရပ်ဆိုင်းသည့်စာ မှန်ကန်မှုရှိမရှိ၊ ထိုသို့ ရပ်ဆိုင်းသည့်အတွက် နစ်နာသူများရှိပါက ထိုသို့နစ်နာမှုများအပေါ် မည်သို့ကုစားပေးမည်နည်းဟု သိလို၍ ကြေညာချက်ပါ ဖုန်းနံပါတ်သို့ ဆက်သွယ်မေးမြန်းရာ ဖုန်းကိုင်ဆောင်ဖြေဆိုသူ မရှိချေ။

“တာဝန်သိ MLM ကုမ္ပဏီတွေအနေ နဲ့ ဒီအချိန်မှာ ဘာလုပ်သင့်သလဲဆိုရင် Successmore ကုမ္ပဏီက DVB Debate မှာ လူအများရှေ့မှာ ပြောသွားတဲ့စကားရှိပါတယ်။ သူတို့ဆီက ပစ္စည်းကို ၀ယ်ပြီးပေမယ့် ကုမ္ပဏီကို ပြန်အပ်မယ်ဆိုရင် ကုမ္ပဏီဘက်က ငွေပြန်အမ်းမယ်ဆိုတာပါ။ အခုလို နိုင်ငံတော်အစိုးရက MLM လုပ်ကိုင်ခွင့်ကို တားမြစ်လိုက်ချိန်မှာ အောက်ခြေအသင်းဝင်ပေါင်းများစွာက ၀ယ်မိထားတဲ့ ပစ္စည်းတွေအတွက် ငွေပြန်အမ်းဖို့ အချိန်ကောင်းပါလို့ အကြံပေးချင်ပါတယ်။ Successmore မှ မဟုတ်ပါဘူး။ ငွေပြန်အမ်းလို့ ပြောထား ရေးထားဖူးတဲ့ ကုမ္ပဏီတိုင်းကို အကြံပေးချင်တာပါ။ ရဲရဲတင်းတင်း ပြောရဲဆိုရဲရှိသူတွေကိုမှ ပြန်အမ်းတာမျိုးမဟုတ်ဘဲ အားလုံးကို ပြန်အမ်းသင့်တာပါ။ မြန်မာမှာ ရောင်းလို့မရတော့တဲ့ ပစ္စည်းတွေကို ကုမ္ပဏီက သူ့အစီအစဉ်နဲ့သူ ထိုင်းမှာ ရောင်းပါလေ့စေပေါ့။ ခေါင်းဆောင်ကြီးတွေကလည်း သိန်းရာထောင်ချီ ရပြီးပြီလို့ စင်ပေါ်မှာ ပြောထားတာဆိုတော့ အဲဒီဝင်ငွေကနေ ကိုယ့်ရဲ့အောက်လူအဆင့်ဆင့်ကို တတ်နိုင်သလောက် ပြန်ခွဲဝေပေးသင့်ပါတယ်။ မီဒီယာမှာ၊ လူအများရှေ့မှာ သူတို့ ပြောခဲ့ဖူးတဲ့စကားတွေ တည်၊မတည် စောင့်ကြည့်ရမယ့် အချိန်ရောက်ပါပြီ။ ကိုယ့်ကုမ္ပဏီက ပစ္စည်းတွေအပေါ်မှာ တကယ်ကိုယ်တိုင် ယုံကြည်မှုရှိရင် အောက်လူတွေဆီကနေ အဲဒီပစ္စည်းတွေ ပြန်ယူပြီး ငွေပြန်အမ်းပေးလိုက်ကြပါ။ မြန်မာနိုင်ငံမှာ ရောင်းချခွင့်မရှိတော့တဲ့ ပစ္စည်းတွေကို သူတို့ရဲ့ နိုင်ငံတကာ ကွန်ရက်ကြီးဆီကို ပြန်ရောင်းလိုက်ကြပါ။ မြန်မာ ပြည်သူပြည်သားတွေရဲ့ ငွေတွေကိုတော့ ပြန်အမ်းပေးသွားသင့်ပါတယ်”  ဟု ကိုဇင်ဇေလွင်က MLM စနစ်ဖြင့် ဖြန့်ချိမှုများ ရပ်ဆိုင်းသည့် ကုမ္ပဏီများ၏ တာဝန်ယူမှု တာဝန်ခံမှုအပေါ် ဝေဖန်သည်။

အဆိုပါ Aim Star နှင့် Shine Hope တို့နည်းတူ စုံတွဲကြိုးကြာ၊ ရွှေပန်းတိုင်၊ Success More ၊ Lucky Time စသည့် ကုမ္ပဏီများမှလည်း MLM စနစ်ဖြင့် ကုန်စည်များ ဖြန့်ဖြူးမှု ရပ်ဆိုင်းမည်ဖြစ်ကြောင်း ထုတ်ပြန်ချက်များ စက်တင်ဘာ ၁၉ ရက် ညပိုင်းတွင် လူမှုကွန်ရက်၌ ပျံ့နှံ့လာခဲ့သည်ကို တွေ့ရသည်။

မြန်မာနိုင်ငံတွင် MLM စနစ်ဖြင့် လုပ်ငန်းလည်ပတ်နေသည့် ကုမ္ပဏီ ၅၀ မှ ၁၀၀ အကြားရှိနေပြီး အချို့သောကုမ္ပဏီများကို FDA က တရားစွဲဆိုထားသည့်အတွက် တရားရင်ဆိုင်နေရသည်။

ကျောက်နီမော်အုပ်စုတွင် ကမန်အမည်ဖြင့် ဘင်္ဂါလီများအား မှတ်ပုံတင်ထုတ်ပေးခြင်းအပေါ် ပြန်လည်စိစစ်ပေးပါရန် ပြည်ထောင်စုအစိုးရအား တိုက်တွန်းကြောင်းအဆို ပြည်နယ်လွှတ်တော်တွင် ဆက်လက်ဆွေးနွေးရန်အတည်ပြု

စက်တင်ဘာ ၁၉ ရက်က ပြုလုပ်သော ရခိုင်ပြည်နယ် လွှတ်တော်အစည်းအဝေးကို တွေ့ရစဉ်

ရခိုင်ပြည်နယ် ရမ်းဗြဲမြို့နယ် ကျောက်နီမော်အုပ်စုမှ ဘင်္ဂါလီများကို ကမန်အမည်ဖြင့် ၁၁/ရဗန(နိုင်) မှတ်ပုံတင်ကတ်ပြား ၃၃၀၆ ကတ် ထုတ်ပေးထားသည့်ကိစ္စ ပြန်လည်ဆန်းစစ်ရန်နှင့် လူမျိုးအမည် မှားယွင်းစွာ ဖော်ပြထားသည့်ကတ်များကို ပြန်လည်ရုပ်သိမ်းပေးပါရန် ရခိုင်ပြည်နယ်အစိုးရမှတစ်ဆင့် ပြည်ထောင်စုအစိုးရသို့ တိုက်တွန်းကြောင်းအဆို စက်တင်ဘာ ၁၉ ရက်က ကျင်းပသည့် ဒုတိယအကြိမ် ရခိုင်ပြည်နယ်လွှတ်တော် အဋ္ဌမပုံမှန်အစည်းအဝေး အဋ္ဌမနေ့တွင် ရမ်းဗြဲမြို့မှ ပြည်နယ်လွှတ်တော်ကိုယ်စားလှယ် ဦးသန်းမောင်ဦးက တင်သွင်းခဲ့ခြင်းဖြစ်ကြောင်း သိရသည်။

“ကမန်အမည်ဖြင့် နိုင်ငံသားထုတ်ပေးခြင်းသည် ဥပဒေနှင့် ညီ၊မညီဆိုသည်ကို သဘောပေါက်ရန် ခက်ခဲနေကြောင်း၊ ထိုလုပ်ရပ်များသည် နောင်တွင် ပြဿနာဖြစ်လာနိုင်သော ကိစ္စရပ်ဖြစ်ကြောင်း၊ ကမန်အမည် ဖြင့် နိုင်ငံသားကတ် ထုတ်ပေးထားမှုသည် ကမန်တိုင်းရင်းသားများမှ လက်မခံနိုင်သကဲ့သို့ ဒေသခံရခိုင်တိုင်းသားများကလည်း လက်မခံနိုင်ဘူး။ ယင်းအတွက် အမြန်ဆုံး ပြန်လည်ရုပ်သိမ်းပေးစေလိုတဲ့အတွက် အခုလိုမျိုး အဆိုတင်သွင်းရတာ ဖြစ်ပါတယ်”  ဟု ဦးသန်းမောင်ဦးက ပြောကြားသည်။

ယင်းအဆိုနှင့်ပတ်သက်ပြီး ပြည်ထောင်စုမြန်မာနိုင်ငံတော်၏ အချုပ်အခြာအာဏာကို တစ်ချိန်ချိန်တွင် ထိခိုက်စေနိုင်သည့် အကြောင်းခြင်းရာဖြစ်နေ၍ လွှတ်တော်က လက်ခံဆွေးနွေးသင့်ပါကြောင်း မင်းပြားမြို့နယ် မဲဆန္ဒနယ်အမှတ်(၂)မှ ပြည်နယ်လွှတ်တော် ကိုယ်စားလှယ် ဦးလှအောင်ညွန့်က ထောက်ခံ၍ အဆိုတင်သွင်းခဲ့ပြီး ကန့်ကွက်သူမရှိ လက်ခံဆွေးနွေးရန် အတည်ပြုခဲ့ကြောင်း သိရသည်။

ရမ်းဗြဲမြို့နယ် ကျောက်နီမော်ကျေးရွာအုပ်စုတွင် ဗုဒ္ဓဘာသာကိုးကွယ်သူ အိမ်ထောင်စု ၄၆၀ ခန့်နှင့် ဘင်္ဂါလီအိမ်ထောင်စု ၈၀၀ ခန့်တို့ အတူတကွနေထိုင်လျက် ရှိကြောင်း၊ အစ္စလာမ်ဘာသာကိုးကွယ်သူ နှစ် ထောင်ခန့်ရှိမည်ဟု ခန့်မှန်းရရှိကြောင်း၊ ယင်းတို့အနက် ကမန် ၂၀၀ ခန့်သာရှိပြီး ကျန် အစ္စ လာမ်ဘာသာဝင်များမှာ ဘင်္ဂါလီများသာ ဖြစ်ကြကြောင်း၊ ဒေသ၏ ခေတ်အဆက်ဆက် အခေါ်အဝေါ် အသုံးအနှုန်းမှာကုလားနှင့် ကမန်သာဖြစ်ကြောင်း၊ ဒုတိယကမ္ဘာစစ်မတိုင်မီက ကျောက်နီမော်ဆိပ်ကမ်းမှ ထွက် ခွာရန် ဘင်္ဂါလီမိသားစု ၃၀ ကျော် ရောက်ရှိလာခဲ့ကြောင်း၊ ဆရာတော်တစ်ပါးက ဒကာများကိုမိန့်ကြားကာ သနားညှာတာစွာဖြင့် ကျောက်ထရံရွာတွင် နေရာချထားပေးခဲ့သည်ဟု သမိုင်းကြောင်းအရ သိရကြောင်း ဦးသန်းမောင်ဦးက လွှတ်တော်သို့တင်ပြပြောကြားခဲ့သည်။

ထိုအချိန်မှယနေ့အထိ အတူယှဉ်တွဲနေထိုင်ခဲ့ကြောင်း၊ ယင်းအတွက် ကျောက်နီမော်ကျေးရွာသားများက ဤသူကား ကမန်၊ ဤသူကား ဘင်္ဂါလီဖြစ်သည်ကို မျိုးရိုးရာဇ၀င်ကအစ သိရှိထားကြကြောင်း၊ ၂၀၁၈ ခု ဇန်န ၀ါရီတွင် လက်ထောက်ညွှန်ကြားရေးမှူး ဦးကျော်ဇော ဦးဆောင်သော လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီး ဌာနအထူးအဖွဲ့တစ်ဖွဲ့သည် ကျောက်နီမော်သို့ ရောက်ရှိကာ နိုင်ငံသားကတ်ပြားများ ထုတ်ပေးနေကြောင်းသိရပြီး အဆိုပါပုဂ္ဂိုလ်များနှင့်လည်း တွေ့ဆုံပြောဆိုမှုများရှိခဲ့ကြောင်း ဦးသန်းမောင်ဦးကပြောကြားသည်။

လက်ရှိတွင် ကမန်လူမျိုးအမည်ဖြင့် နိုင်ငံသားကတ်ထုတ်ပေးထားသူ ၃၃၀၀ ကျော် ရှိကြောင်း၊ ယင်းသို့ ထုတ်ပေးရာတွင် ဒေသခံတိုင်းရင်းသားများနှင့်ကမန်များက အဆိုပြုခဲ့ခြင်း၊ ထောက်ခဲ့ခြင်း မရှိခဲ့ကြောင်းလည်း သိရသည်။

 

ဘိုကလေးမြို့မရဲစခန်းရှိ အချုပ်သားသုံးဦး အချုပ်ခန်းဖောက်ပြေးသည့်ဖြစ်စဉ်နှင့်ပတ်သက်၍ ရဲတပ်ဖွဲ့ဝင်ရှစ်ဦးအား အရေးယူထား

ဘိုကလေးမြို့တွင် မြို့မရဲစခန်းရှိ အချုပ်သားသုံးဦး အချုပ်ခန်းဖောက်ပြေးသည့် ဖြစ်စဉ်နှင့်ပတ်သက်၍ တာဝန်ကျရဲတပ်ဖွဲ့ဝင်ရှစ်ဦးအား စက်တင်ဘာ ၁၈ ရက်တွင် ဖမ်းဆီးစစ်ဆေးနေကြောင်း သိရသည်။

ဖြစ်စဉ်မှာ အဆိုပါနေ့ ဘိုကလေးမြို့မ ရဲစခန်း ဗဟိုရဲကင်းရှိ အချုပ်ခန်း (၁) တွင် အချုပ်သား ၃၄ ဦး၊ အချုပ်ခန်း (၂) တွင် အချုပ်သား ၃၄ ဦး၊ အချုပ်ခန်း အမှတ် (၃) တွင် အချုပ်သား ၁၁ ဦး၊ အမျိုးသမီးသီးသန့် အချုပ်ခန်းတွင် အချုပ်သား ၁၀ ဦးအား ယာယီထိန်းသိမ်းထားပြီး ရဲတပ်သားနှစ်ဦးကို ကင်းစောင့် တာဝန်ချထားကြောင်း၊ အစောင့်ရဲတပ်သား နှစ်ဦးဖြစ်သူ ရဲတပ်သားမျိုးဇော်ကိုနှင့် ရဲတပ်သား သန်းထိုက်စိုးတို့ အိပ်ပျော်နေစဉ် အချုပ်ခန်း အမှတ် (၃) ရှိ အချုပ်ခန်းအား ကာရံထားသော သစ်သားတိုင်အမှတ် ၉၃ မှာ မြေပြင်မှ အမြင့်ပေ သုံးပေခန့်အကွာတွင် သံဖြတ်လွှဖြင့် ဖြတ်ထားသည်ကို အစောင့်ရဲသားတစ်ဦးဖြစ်သူ ရဲတပ်သား သန်းထိုက်စိုးက တွေ့ရှိရသဖြင့် တာဝန်မှူးထံ သတင်းပို့ပြီးနောက် အချုပ်သားများကို စစ်ဆေးရာတွင် (ပ)၃၆၁/၂၀၁၈ ရာဇသတ်ကြီးပုဒ်မ ၃၈၀ ဖြင့် အချုပ်ကျနေသူ မောင်အာကာဂျူး (၂၃ နှစ်)၊ (ပ) ၃၄၆/၂၀၁၈ ရာဇသတ်ကြီးပုဒ်မ ၃၇၇ ဖြင့် အချုပ်ကျနေသူ ကိုလှဦး (၃၃ နှစ်) နှင့် (ပ) ၂၃၇/၂၀၁၈ ရာဇသတ်ကြီး ပုဒ်မ ၃၈၂/၁၁၄ ဖြင့် အချုပ်ကျနေသူ ကိုနန္ဒအောင် (ခ) ဖိုးဖြူ (၁၉ နှစ်) တို့မှာ အချုပ်မှ ထွက်ပြေးသွားခဲ့သည်ကို သိရှိရသောကြောင်း၊ ရဲတပ်ဖွဲ့က လိုက်လံရှာဖွေခဲ့ရာ ထွက်ပြေးခဲ့သည့် အချုပ်သားသုံးဦးမှာ ဘိုကလေးမြို့နယ် ပိုက်စလကျေးရွာအနီး ကားလမ်းပေါ်တွင် ဘိုကလေးမြို့ဘက်မှ မော်လမြိုင်ကျွန်းမြို့ဘက်သို့ မောင်းနှင်လာသော ဆိုင်ကယ်တစ်စီးအား လုယူ၍ မော်လမြိုင်ကျွန်းဘက်သို့ ထွက်ပြေးသွားသည်ကို သိရှိရသောကြောင့် လိုက်လံဖမ်းဆီးရာ ထွက်ပြေးခဲ့သည့် အချုပ်သားသုံးဦး အနက် နှစ်ဦးအား ပြန်လည်ဖမ်းဆီးမိပြီး လွတ်မြောက်နေသူ တစ်ဦးကိုလည်း ရန်ကုန်တိုင်းဒေသကြီး လှိုင်သာယာမြို့နယ်တွင် ပြန်လည်ဖမ်းဆီးမိခဲ့ကြောင်း၊ အချုပ်သားများ အချုပ်ခန်းဖောက်ပြေးသည့် ဖြစ်စဉ်နှင့် ပတ်သက်၍ တာဝန်ကျရဲတပ်ဖွဲ့ဝင်များဖြစ်သော ဒုရဲအုပ်လှစိုး၊ ဒုတပ်ကြပ်အောင် မျိုးဝင်း၊ ရဲတပ်သားများဖြစ်ကြသည့် သန်းထိုက်စိုး၊ မျိုးဇော်ကို၊ ဇင်ဘိုအောင်၊ အောင်နိုင်စိုး၊ သီဟထွန်းနှင့် အားမန်တို့အား ရဲစည်းကမ်း ဥပဒေများအရ ဘိုကလေးမြို့မ ရဲစခန်းအချုပ်တွင် ဖမ်းဆီးကာ စစ်ဆေးဆောင်ရွက်နေကြောင်း သိရသည်။

“ဖြစ်တဲ့အချိန်မှာ တာဝန်ကျတဲ့ တပ်ဖွဲ့ဝင်တွေကို ရဲစည်းကမ်းဥပဒေအရ ချုပ်ထားပြီး စစ်ဆေးနေတယ်။ ထွက်ပြေးသွားတဲ့ တရားခံတွေ အားလုံးကိုတော့ ဖမ်းမိပြီ” ဟု ဘိုကလေးမြို့နယ် ရဲတပ်ဖွဲ့မှူး ရဲမှူးတင်မျိုးဝင်းက ပြောကြားသည်။

ဧရာဝတီတိုင်းဒေသကြီးအတွင်း ရဲစခန်းအချုပ်များတွင် အချုပ်သားများ အချုပ်ခန်း ဖောက်ပြေးသည့်ဖြစ်စဉ်များ မကြာခဏ ဖြစ်ပွားလေ့ရှိပြီး ၂၀၁၇ ခုနှစ်အတွင်းကလည်း မော်လမြိုင်ကျွန်းမြို့မ ရဲစခန်းအချုပ်အား အချုပ်သားအချို့ ဖောက်ထွင်းကာ ထွက်ပြေးသည့် ဖြစ်စဉ်ဖြစ်ပွားခဲ့ဖူးကြောင်း သိရသည်။

ဒေါ်လာတန်ဖိုး အလွန်ခိုင်မာလာချိန်တွင် ပြည်တွင်းစီးပွားရေး အခြေအနေမညီမျှမှုပြဿနာများနှင့် စီးပွားရေးဆိုင်ရာ အခြေခံအားနည်းချက်များကြောင့် မြန်မာကျပ်ငွေတန်ဖိုး အခြားနိုင်ငံ ငွေကြေးများထက် ပိုမိုကျဆင်းဟု ပြည်ထောင်စုဝန်ကြီးဦးကျော်တင့်ဆွေ ပြောကြား

 

ဒေါ်လာတန်ဖိုးအလွန်ခိုင်မာလာချိန်တွင် ပြည်တွင်းစီးပွားရေးအခြေအနေ မညီမျှမှုပြဿနာများနှင့် စီးပွားရေးဆိုင်ရာအခြေခံ အားနည်းချက်များကြောင့် မြန်မာကျပ်ငွေ တန်ဖိုး အခြားနိုင်ငံငွေကြေးများထက် ပိုမို ကျဆင်းနေသည်ဟု ပြည်ထောင်စုလွှတ်တော် အစည်းအဝေးတွင် စက်တင်ဘာ ၁၉ ရက်၌ ပြည်ထောင်စုဝန်ကြီး ဦးကျော်တင့် ဆွေပြောကြားသည့် နိုင်ငံတော်အစိုးရ၏နိုင်ငံရေး၊ စီးပွားရေး၊ လူမှုရေးနှင့် ပြည်တွင်း ငြိမ်းချမ်းရေးကြိုးပမ်းဆောင်ရွက်မှုဆိုင်ရာ အစီရင်ခံတင်ပြချက်တွင် ထည့်သွင်းပြောကြားခဲ့သည်။

“ နိုင်ငံအနေနဲ့ သွင်းကုန်က ပို့ကုန်ထက် ပိုမိုမြင့်မားနေတဲ့အတွက် ကုန်သွယ်မှုလိုငွေ ရှိနေပြီး ကုန်သွယ်မှုမညီမျှတဲ့ အခြေအနေတွေရှိနေပါတယ်။ ဒီအနေအထားမှာ အမေရိကန်ဒေါ်လာတန်ဖိုးဟာ လွန်ခဲ့တဲ့ လေးလ ပိုင်းနဲ့ ခြောက်လပိုင်းကစတင်ပြီး အလွန်ခိုင်မာလာတဲ့အတွက် မြန်မာကျပ်ငွေတန်ဖိုးသာမက တစ်ကမ္ဘာလုံးရှိ ငွေကြေးတန်ဖိုးများလည်း ကျဆင်းလာခဲ့ပါတယ်။ ဒါဟာ နိုင်ငံတကာမှာဖြစ်ပေါ်နေတဲ့ ပြင်ပဂယက် ရိုက်ခတ်မှုဖြစ်ပေမယ့်လည်း မြန်မာနိုင်ငံအနေနဲ့ ကျပ်ငွေတန်ဖိုးကျဆင်းခြင်းဟာ တခြား နိုင်ငံများထက် ပိုမိုပြီးသက်ရောက်မှုရှိတာကို တွေ့မြင်နိုင်ပါတယ်” ဟု ပြည်ထောင်စုဝန်ကြီး ဦးကျော်တင့်ဆွေက ပြောကြားသည်။

မြန်မာကျပ်ငွေတန်ဖိုး ကျဆင်းစေသည့်  အကြောင်းရင်းများစွာရှိသည့်အနက် ကျပ်ငွေ တန်ဖိုး သို့မဟုတ် ငွေလဲလှယ်နှုန်းကို လွှမ်းမိုးထားသော အဓိကအချက်များမှာ ကုန်သွယ်မှုလိုငွေ (နိုင်ငံခြားငွေပေးငွေယူ ရှင်းတမ်း၏ သာမန်စာရင်းလိုငွေ)၊ အတိုး နှုန်း၊ ငွေဖောင်းပွမှုနှုန်းနှင့် တိုင်းပြည်၏ စီးပွားရေး ဖွံ့ဖြိုးမှုအလားအလာတို့ ဖြစ်သည်။

“မြန်မာကျပ်ငွေတန်ဖိုး ကျဆင်းခဲ့ခြင်းကို လေ့လာကြည့်ရင် ပြင်ပသက်ရောက်မှုက စတင်ခဲ့ပေမယ့် ပြည်တွင်းအခြေအနေမှာ စီးပွားရေးအခြေအနေမညီမျှမှု ပြဿနာတွေနဲ့ စီးပွားရေးနဲ့ပတ်သက်တဲ့ အခြေခံအားနည်း ချက်တွေရှိနေတယ်လို့ ဆိုနိုင်ပါတယ်”  ဟု ဦးကျော်တင့်ဆွေက ပြောကြားသည်။

မြန်မာနိုင်ငံ၏ကုန်သွယ်မှုကို ပြန်ကြည့်ပါက ပြီးခဲ့သည့် ၂၀၁၇-၂၀၁၈ ဘဏ္ဍာနှစ်က ကုန်သွယ်မှုလိုငွေ ဒေါ်လာ ၃ ဒသမ ၈ ဘီလျံ ရှိပြီး ယင်းတန်ဖိုးမှာ လျော့နည်းသွားသော ပမာဏဖြစ်ကြောင်း၊ ၂၀၁၆-၂၀၁၇ ဘဏ္ဍာ နှစ်တွင် ကုန်သွယ်မှုလိုငွေ ဒေါ်လာ ၅ ဒသမ ၂ ဘီလျံနှင့် ၂၀၁၅-၂၀၁၆ ဘဏ္ဍာနှစ်တွင် ကုန်သွယ်မှုလိုငွေ ဒေါ်လာ ၅ ဒသမ ၄ ဘီလျံ ခန့်ရှိသည်ကို တွေ့ရပြီး ယင်းတန်ဖိုးများကို ကြည့်ခြင်းအားဖြင့် မြန်မာနိုင်ငံ၏ပြည်တွင်း ငွေတန်ဖိုးအပေါ် ဖိအားများစွာသက်ရောက်သည်ကို တွေ့မြင်နိုင်ကြောင်း ပြည်ထောင်စုဝန်ကြီးက ဆိုသည်။

ဒုတိယအချက်အနေဖြင့် မြန်မာနိုင်ငံ၏ ရာသီအလိုက် နိုင်ငံခြားငွေလိုအပ်ချက်မှာ ပြောင်းလဲမှုရှိသည်ကို တွေ့မြင်နိုင်ပြီး အထူးသဖြင့် ဇူလိုင်မှ ဒီဇင်ဘာအထိ နိုင်ငံခြားငွေ လိုအပ်ချက်မြင့်မားသော အချိန်ကာလဖြစ် ကြောင်းကို တွေ့မြင်နိုင်ကြောင်း ၎င်းက ပြောကြားသည်။

“ကုန်သွယ်မှုလိုငွေ လျှော့ချနိုင်ဖို့နဲ့   ပြည်တွင်းစီးပွားရေးဖွဲ့စည်းတည်ဆောက်မှု မှန်ကန်ခိုင်မာပြီး သက်ရောက်မှုအမျိုးမျိုးကို ခံနိုင်ရည်ရှိစေဖို့အတွက် နိုင်ငံတော်အစိုးရအနေနဲ့ ပုဂ္ဂလိကကဏ္ဍက သက်ဆိုင်သူတွေ နဲ့ ထိတွေ့ပြီး ပြုပြင်ပြောင်းလဲမှုတွေ ဆောင်ရွက်နေကြောင်း ပြောကြားလိုပါတယ်” ဟု ဦးကျော်တင့်ဆွေက ဆိုသည်။

မြန်မာနိုင်ငံတွင် တရားမ၀င်ကုန်သွယ်မှုများ ရှိနေခြင်းကြောင့် ပို့ကုန်ဝင်ငွေလျော့ နည်းခြင်း၊ အခွန်ဘဏ္ဍာဆုံးရှုံးခြင်း၊ သဘာဝ သယံဇာတပြုန်းတီးမှုဖြစ်စေခြင်း၊ စားသုံးကုန်ပစ္စည်းများ တရားမ၀င် တင်သွင်းနေသည့်အတွက် အလားတူထုတ်လုပ်သည့် ပြည်တွင်းအသေးစားနှင့် အလတ်စားစက်မှုလုပ်ငန်းများကို ကြီးမားစွာထိခိုက်စေခြင်းနှင့် စားသုံးသူများအတွက် အန္တရာယ်ဖြစ်စေနိုင်မှုစသည့် စိန်ခေါ်မှုများရှိနေပြီး အဆိုပါစိန်ခေါ်မှုများကို ဥပဒေနှင့်အညီ ကိုင်တွယ်ဖြေရှင်းနိုင်ရန် စီစဉ် ဆောင်ရွက်နေကြောင်း သိရသည်။

၂၀၁၈ ခုနှစ် ဇွန် ၁၁ ရက်တွင် ဖြစ်ပေါ်သော တစ်ဒေါ်လာ ၁၃၄၆ ကျပ်နှင့် စက်တင်ဘာ ၁၉ ရက်တွင်ဖြစ်ပေါ်သော တစ်ဒေါ်လာ  ကျပ် ၁၆၂၂ နှင့် နှိုင်းယှဉ်ပါက သုံးလကျော်အတွင်း ၂၇၆ ကျပ်၊ ရာခိုင်နှုန်း ၂၀  ကျော် ကျပ် ငွေတန်ဖိုး ကျဆင်းခဲ့သည်။

မြောက်ဦးပဋိပက္ခ ဖြစ်စဉ်နှင့်ပတ်သက်၍ လူမှုကွန်ရက်တွင် ဝေဖန်မေးခွန်းထုတ်ခဲ့သဖြင့် အမှုဖွင့်ဖမ်းဆီးခံထားရသူ ဦးအောင်သန်းဝေအား စွဲချက်တင်ရန် အမိန့်ချမှတ်ခဲ့ပြီး ဦးအောင်သန်းဝေကလည်း မြို့နယ်အုပ်ချုပ်ရေးမှူးပါ သုံးဦးအား ပြန်လည်တရားစွဲထားကြောင်း သိရ

ဦးအောင်သန်းဝေအား စက်တင်ဘာ ၁၈ ရက် စစ်တွေတရားရုံး ရုံးထုတ်တွင် တွေ့ရစဉ်

ရခိုင်ပြည်နယ် မြောက်ဦးမြို့တွင် ဖြစ်ပွားခဲ့သော ပဋိပက္ခနှင့် သေနတ်ပစ်ခတ်မှု၊ ဖမ်းဆီးထားမှုများနှင့် ပတ်သက်ပြီး လူမှုကွန်ရက်တွင် ရေးသားဖော်ပြမှုတို့ကြောင့် နိုင်ငံသားများ၏ ပုဂ္ဂိုလ်ဆိုင်ရာ လွတ်လပ်မှုနှင့် ပုဂ္ဂိုလ်ဆိုင်ရာ လုံခြုံမှုကာကွယ်ရေးဥပဒေ ပုဒ်မ ၁၀ နှင့် ပုဒ်မ ၅၀၆ တို့ဖြင့် တရားစွဲဆို ဖမ်းဆီးခံထားရသော ဦးအောင်သန်းဝေ၏ အမှုတွင် ပုဒ်မ ၁၀ ဖြင့် စွဲချက်တင်ရန် စက်တင်ဘာ ၁၈ ရက်က မြို့နယ်တရားရုံးက အမိန့်ချမှတ်လိုက်ကြောင်းနှင့် ဦးအောင်သန်းဝေကလည်း မြို့နယ်အုပ်ချုပ်ရေးမှူး အပါအ၀င် ထွေအုပ်ဝန်ထမ်းသုံးဦးတို့အား ပုဒ်မ ၁၀ ဖြင့် ပြန်လည်တရားစွဲဆိုထားကြောင်း သိရသည်။

ဦးအောင်သန်းဝေ၏ လူမှုကွန်ရက် Facebook စာမျက်နှာတွင် “လူသတ်လက်နက်နဲ့ ရခိုင်ပြည်နယ် အတွင်းရေးမှူး(ဟောင်း) ဦးတင်မောင်ဆွေ၊ မြောက်ဦး လူသတ်မှု (တရားခံ) ဘယ်သူလဲ” ဆိုသည့် ပို့စ်ကို ဇွန် ၁၈ ရက်က ရေးသားဖော်ပြခဲ့မှုကြောင့် နိုင်ငံသားများ၏ ပုဂ္ဂိုလ်ဆိုင်ရာ လွတ်လပ်မှုနှင့် ပုဂ္ဂိုလ်ဆိုင်ရာ လုံခြုံမှုကာကွယ်ရေးဥပဒေ ပုဒ်မ ၁၀ တို့ဖြင့် အမှုဖွင့်ခံရပြီး ဇွန် ၂၁ ရက် ညနေပိုင်းက ဖမ်းဆီးခံခဲ့ရကာ ရာဇ၀တ်မကင်းသော ခြောက်လှန့်မှု ပုဒ်မ ၅၀၆ သြဂုတ် ၁၀ ရက်က ထပ်မံပြီး တရားစွဲဆိုခြင်း ခံထားရခြင်းဖြစ်ကြောင်း သိရသည်။

“ပုဒ်မ ၁၀ နဲ့ ပတ်သက်ပြီး ဒီနေ့စွဲချက် အမိန့်ချတယ်။ စွဲချက်တင်လိုက်တယ်ပေါ့။ ၅၀၆ နဲ့ပတ်သက်ပြီးတော့ ဒီနေ့ လိုပြသက်သေတွေ အားလုံးကို စစ်ဆေးပြီးဖြစ်တယ်။ ၂၁ ရက်နေ့မှာ ပြန်လည်ချိန်းလိုက်တယ်။ ကျွန်တော့်ဘက်ကလည်း စစ်တွေမြို့နယ် အုပ်ချုပ်ရေးမှူး ဦးစိုးသက်ဆွေရယ်၊ ရခိုင်ပြည်နယ်အစိုးရအဖွဲ့က လက်ထောက်ညွှန်ကြားရေးမှူး ဦးထွန်းမင်းသူတို့ကို နိုင်ငံသားများရဲ့ ပုဂ္ဂိုလ်ရေးဆိုင်ရာ လွတ်လပ်မှုနဲ့ ပုဂ္ဂိုလ်ရေးဆိုင်ရာ လုံခြုံမှုကို ကာကွယ်ပေးရေးဥပဒေ ပုဒ်မ ၁၂ ကို ချိုးဖောက်တဲ့အတွက် ပုဒ်မ ၁၀ နဲ့ အရေးယူပေးဖို့ သူတို့နှစ်ဦးကို တစ်မှုစွဲပါတယ်။ နောက်ပြီး အထွေထွေအုပ်ချုပ်ရေးဦးစီးဌာန၊ ဘောလုံးကွင်းရပ်ကွက်စာရေးကို နိုင်လွတ်လုံဥပဒေပုဒ်မ ၈ (ခ) ကို ချိုးဖောက်တဲ့အတွက် သူ့ကိုလည်း ပုဒ်မ ၁၀ နဲ့ အရေးယူပေးဖို့အတွက် စစ်တွေမြို့နယ် တရားရုံးမှာ ဦးတိုက်လျှောက်ထားပါတယ်။ အဲဒီအပေါ်မှာလည်း မြို့နယ်တရားရုံးက ကျင့် ၂၀၀ အရ စက်တင်ဘာ ၁၁ ရက်က ကျွန်တော့်ကို ပဏာမ စစ်ဆေးပြီးဖြစ်ပါတယ်။ ရဲအရေးပိုင်ဖြစ်တဲ့အတွက် ရဲကို စုံစမ်းဖို့ ပေးထားတယ်လို့ သိရတယ်။ ကျွန်တော့်ကိုစွဲတဲ့ပုဒ်မ ၁၀ အမှုမှာ တရားလိုပြသက်သေ ကိုးဦးရှိတယ်။ အဲဒီကိုးဦးမှာ အမိန့်ပေးစေခိုင်းပြီး ပြောဆိုထားတာ ရဲဝန်ထမ်း နှစ်ဦးနဲ့ ထွေအုပ်ဝန်ထမ်း သုံးဦးကပဲ ကျွန်တော်က ပြောဆိုခဲ့ပါတယ်လို့ ထွက်ဆိုတယ်။ ကျန်တဲ့သက်သေတွေက ဘာမှမသိဘူးဗျ” ဟု ဦးအောင်သန်းဝေက ပြောကြားသည်။

မြောက်ဦးဖြစ်စဉ်တွင် သေနတ်ပစ်ဖောက်မှုကြောင့် ထိခိုက်ဒဏ်ရာရရှိသူများရှိခဲ့ပြီး ခုနစ်ဦးသေဆုံးကာ ၁၂ ဦး ဆေးရုံတက် ကုသမှုခံယူခဲ့ရသည်အထိ ဖြစ်ပွားခဲ့ကြောင်း၊ ယင်းအနက် စစ်တွေပြည်သူ့ဆေးရုံတွင် ဒဏ်ရာဖြင့် ကုသမှုခံယူနေရသူ လူငယ်ရှစ်ဦးကို ဖမ်းဆီးတရားစွဲဆိုခဲ့ကြောင်းလည်း သိရသည်။ ထိုအမှုအား လိုက်ပါဆောင်ရွက်သူ ဦးကျော်ညွန့်မောင်က အောင်သန်းဝေအား တရားစွဲဆိုမှုမှာ မှားယွင်းသည်ဟု ရှုမြင်သုံးသပ်ကြောင်းလည်း ပြောကြားခဲ့သည်။

ယင်းအမှုနှင့်ပတ်သက်ပြီး အမှုအား လိုက်ပါဆောင်ရွက်နေသူ ရှေ့နေဦးကျော် ညွန့်မောင်ကလည်း “ဒီနေ့တော့ ကနဦး စွဲဆိုထားတဲ့ နိုင်လွတ်လုံနဲ့ ဥပဒေပုဒ်မ ၁၀ နဲ့ပတ်သက်ပြီး ဦးအောင်သန်းဝေကို စွဲချက်တင်တယ်။ ဦးအောင်သန်းဝေကတော့ အပြစ်မရှိလို့ ငြင်းတယ်။ သူ့ဘက်က သက်သေ လေးယောက်ပြထားတယ်။ အဲဒီအမှုကို ၂၁ ရက်နေ့ တရားခံဘက်ကိုစစ်ဖို့အတွက် CMP လုပ်မယ်ပေါ့ အဲဒီနေ့မှာ။ ၅၀၆ အမှုမှာတော့ ဒီနေ့ ဒုရဲမှူးလှဌေးကို စစ်တယ်။ ပြီးတော့ ဘောလုံးကွင်းရယက စာရေးကိုစစ်တယ်၊ တရားလို ပြသက်သေတွေ အားလုံးစစ်ပြီးပြီပေါ့။ ၂၁ ရက်နေ့မှာ စွဲချက်လျှောက်လဲချက် အမိန့်ချမှတ်မယ်။ နိုင်လွတ်လုံကျတော့ ပြည်ထဲရေးဝန်ကြီးဌာနအောက်မှာရှိတဲ့ ၀န်ထမ်းတွေကို လက်လွတ်စပါယ်မလုပ်ရအောင် ထိန်းချုပ်ထားတဲ့ ဥပဒေ၊ ရှင်းရှင်းပြောရရင် ဒီဥပဒေဟာ ပြည်ထဲရေးဝန်ကြီးဌာန လက်အောက်မှာရှိတဲ့ ၀န်ထမ်းတွေကို တားမြစ်ထားတဲ့ ဥပဒေလို့ပဲ ကျွန်တော်က မြင်တယ်” ဟုလည်း ပြောကြားသည်။

ဇန်န၀ါရီလအတွင်းက မြောက်ဦးမြို့တွင် ဟောပြောပွဲပြုလုပ်ရန် စီစဉ်ခဲ့ရာမှ ဟောပြောပွဲပျက်သွားရာ လူစုလူဝေး ဖြစ်ပေါ်ပြီးနောက် ဟောပြောပွဲပြန်လည် ကျင်းပပေးရန် တောင်းဆိုရာမှစတင်ပြီး ရဲစခန်းနှင့် ထွေအုပ်ရုံးရှေ့သို့ ရောက်ရှိသွားကာ ပဋိပက္ခ ဖြစ်ပွားခဲ့ကြောင်းလည်း သိရသည်။

ARSA ဘင်္ဂါလီအကြမ်းဖက်သမားများ မီးရှို့ခဲ့သည့် ကျေးရွာများအနက် ပြန်လည်တည်ဆောက်ရေး မလုပ်နိုင်သည့် ကျေးရွာတစ်ခုဖြစ်သည့် နံ့သာတောင်ကျေးရွာမှနေအိမ်များ အောက်တိုဘာတွင် စတင်ဆောက်လုပ်မည်

မောင်တောမြို့နယ် အောင်ဗလကျေးရွာတွင် အိန္ဒိယအစိုးရမှ တည်ဆောက်ပေးသည့် နေအိမ်များအား တွေ့ရစဉ်

ARSA ဘင်္ဂါလီ အကြမ်းဖက်သမားများ မီးရှို့ခဲ့သည့် ကျေးရွာများအနက် ပြန်လည်တည်ဆောက်ရေး မလုပ်နိုင်သေးသော ကျေးရွာတစ်ခုဖြစ်သည့် တောင်ပြိုနယ်စပ် နံ့သာတောင်ကျေးရွာမှ နေအိမ်များကို အောက်တိုဘာလတွင် စတင်ဆောက်လုပ်မည်ဖြစ်ကြောင်း သိရသည်။

ကျေးရွာရှိနေအိမ်များ ပြန်လည် တည်ဆောက်ပေးခြင်း မရှိသေးခြင်းနှင့် ပတ်သက်ပြီး နံ့သာတောင်ဆရာတော်က “အိန္ဒိယ ကောင်စစ်ဝန်ချုပ်နဲ့အဖွဲ့ မောင်တောရောက်လာတဲ့အခါ ဦးဇင်းက မေးတယ်။ နေအိမ်တွေ ဆောက်လုပ်ဖို့ဟာ အခုထိ အကောင်အထည် မဖော်တဲ့အခါ ရွာသားတွေ တစ်ကွဲတစ်ပြား ဖြစ်နေကြတယ်။ ဘယ်အချိန်မှာ နေအိမ်စ ဆောက်မလဲ။ ဘယ်အချိန်လောက်ပြီးမလဲလို့မေးတော့ အောက်တိုဘာ ၁၅ မှာ လုပ်ငန်း စပြီးတော့ ဒီဇင်ဘာမှာ ပြီးမယ်လို့ ပြောပါတယ်။ ဆောက်လုပ်မယ့် နေအိမ်က အားလုံး ၄၂ လုံး ဖြစ်ပါတယ်။ အခုဆိုရင် ရွာက ထွက်ပြေးလာရတာ တစ်နှစ်ကျော်ပြီ။ ရွာမှာ နေအိမ်တွေ မဆောက်နိုင်သေးလို့ ရွာသားတွေက နီးစပ်ရာဆွေမျိုးတွေဆီမှာ ကပ်ခိုနေကြရပါတယ်။ နောက်မီးရှို့ဖျက်ဆီးခံရတဲ့ ပရဟိတ ဘုန်းတော်ကြီးကျောင်းသူကျောင်းသားတွေနေတဲ့ အဆောင်တွေလည်း မပြုပြင် မတည်ဆောက်နိုင်သေးဘူး။ အဲဒီကျောင်းသူ ကျောင်းသား အဆောင်တွေအတွက် ပြည်နယ်အစိုးရကိုလည်း တင်ပြထားတယ်။ နယ်စပ်ရေးရာဝန်ကြီးဌာနကိုလည်း တင်ပြထားတာ ရှိပါတယ်။ ဒါပေမဲ့ အခုထိ အကြောင်းမပြန်သေးပါဘူး။ ဒီအတွက် ကျောင်းသူ ကျောင်းသားတွေဟာ မောင်တောမြို့ မြို့မကျောင်းမှာ ခိုလှုံနေရဆဲဖြစ်ပါတယ်။ ကျောင်းဆောင်ငါးဆောင်ကို ပြုပြင်ရမယ်။ ကျောင်းဆောင်တစ်ဆောင် အသစ်ဆောက်ရမှာ ဖြစ်ပါတယ်။ ဘုန်ကြီးကျောင်း တည်ဆောက်တာက ၇၅ ရာခိုင်နှုန်း ပြီးနေပါပြီ” ဟု မိန့်ကြားသည်။

စက်တင်ဘာ ၁၇ ရက်က အိန္ဒိယကောင်စစ်ဝန်ချုပ် Mr.Kumar Praveen နှင့် အိန္ဒိယကောင်စစ်ဝန် Mr.Rajesh Kumar တို့သည် မောင်တောမြို့သို့ရောက်ရှိခဲ့ပြီး မောင်တောခရိုင် အထွေထွေအုပ်ချုပ်ရေးမှူး ဦးရဲထွဋ်၊ နံ့သာတောင်ဆရာတော် ဦးစာရဏတို့နှင့် တွေ့ဆုံစဉ် အိန္ဒိယ အစိုးရအနေဖြင့် နံ့သာတောင်ကျေးရွာအား လာမည့် အောက်တိုဘာ ၁၅ ရက်တွင် စတင်တည်ဆောက်မည်ဖြစ်ကာ ဒီဇင်ဘာလတွင် အပြီးသတ် တည်ဆောက်ပေးမည်ဟု အိန္ဒိယကောင်စစ်ဝန်ချုပ် Mr.Kumar Praveen က ပြောကြားခဲ့ခြင်းဖြစ်ကြောင်း သိရသည်။

နံ့သာတောင်ကျေးရွာသည် ပြီးခဲ့သည့် ၂၀၁၇ ခုနှစ် သြဂုတ် ၂၈ ရက်က ARSA ဘင်္ဂါလီအကြမ်းဖက်သမားများ မီးရှို့ခဲ့သည့် ကျေးရွာတစ်ရွာဖြစ်ပြီး လက်ရှိအချိန်အထိ နေအိမ်များ ပြန်လည်တည်ဆောက်ခြင်း မရှိသဖြင့် ကျေးရွာသားများ နေရပ်မပြန်နိုင်သေးကြောင်း သိရသည်။

“အကြမ်းဖက်မှုဖြစ်လို့ ရွာကထွက်ပြေးလာကြတော့ ဘင်္ဂါလီတွေက ရွာကို မီးရှို့ဖျက်ဆီးလိုက်ကြတယ်။ မောင်တောကိုရောက်တော့ မြို့မကျောင်းမှာနေတယ်။ နောက် သာသနာ့ဗိမာန် ကယ်ဆယ်ရေးစခန်းမှာ နေတယ်။ နည်းနည်းတည်ငြိမ်လာတော့ တခြားရွာက လူတွေပြန်သွားကြပေမဲ့ ကျွန်တော်တို့မှာ ပြန်စရာ နေအိမ်မရှိဘူး။ ဆိုတော့ နီးစပ်ရာ ဆွေမျိုးရှိတဲ့ရွာတွေမှာ ကပ်ခိုနေရတယ်။ အခုထိ နေအိမ်တွေမဆောက်သေးတော့ ကျွန်တော်တို့မှာ အခက်အခဲရှိနေတယ်။ တချို့ဆို တခြားမြို့နယ်တွေကိုပြောင်းဖို့ ပြောနေကြပြီ။ ဒီမှာက အလုပ်အကိုင်လည်း မရှိဘူး။ နေဖို့လည်း အိမ်မရှိဘူး။ ရွာက အိမ်တွေကို အမြန်ဆုံး ဆောက်ပေးစေချင်ပါတယ်။ ပြီးမှ ရွာသားတွေ ပြန်စုစည်းနိုင်ပါမယ်” ဟု မောင်တောတောင်ပိုင်း ကင်းချောင်းကျေးရွာတွင် ယာယီခိုလှုံနေသည့် နံ့သာတောင်ကျေးရွာသားတစ်ဦးက ပြောသည်။

အိန္ဒိယနိုင်ငံအစိုးရမှ မောင်တောမြို့နယ်အတွင်း ကျေးရွာသုံးရွာတွင် လူနေအိမ် ၂၅၀ ဆောက်လုပ်မည်ဖြစ်ကြောင်းနှင့် အိန္ဒိယနိုင်ငံမှ ဆောက်လုပ်လှူဒါန်းမည့် လူနေအိမ် ၂၅၀ အတွက် မတ် ၁၀ ရက်က နေရာအတည်ပြုခဲ့ကြောင်း သိရသည်။ မောင်တောမြို့နယ်အတွင်း နံ့သာတောင်ကျေးရွာတွင် နေရပ်စွန့်ခွာ တိုင်းရင်းသားများအတွက် နေအိမ် ၄၂ လုံး၊ ကြိမ်ချောင်းတောင်ကျေးရွာတွင် နေအိမ် ၆၀ လုံးနှင့် ရွှေဇားကျေးရွာအုပ်စုတွင် ဟိန္ဒူဘာသာဝင်များအတွက် အိမ်ခြေ ၁၄၈ လုံးတို့ ဖြစ်ကြောင်း သိရသည်။

အကြမ်းဖက်မှုကြောင့် နေအိမ်များ ဆုံးရှုံးကာ အိုးမဲ့အိမ်မဲ့ဖြစ်ခဲ့ရသည့် ဟိန္ဒူဘာသာဝင်များအတွက် မောင်တောမြို့အနီး အောင်ဗလကျေးရွာတွင် နေအိမ်များ စတင် ဆောက်လုပ်နေပြီဖြစ်ကြောင်း သိရသည်။