မြိတ်ကျွန်းစု ပင်လယ်ပြင်အတွင်း ဥပဒေမဲ့ ငါးဖမ်းခြင်းများကြောင့် ငါးသယံဇာတများ ရှားပါးလာပြီး ရေလုပ်သားများ စားဝတ်နေရေး အခက်အခဲများ ကြုံတွေ့နေရ

မြိတ်ကျွန်းစု ပင်လယ်ပြင်အတွင်းမှ ဒေသခံတံငါသည်များ၏ တင်ပြထားချက်များကို တာဝန်ရှိသူများက လျစ်လျူရှုနေသည့်အတွက် ငါးသယံဇာတများ ရှားပါးလာနေပြီး ရေလုပ်သားများအတွက် စားဝတ်နေရေးပါ အခက်အခဲများ ကြုံတွေ့နေရပြီဖြစ်ကြောင်း တံငါသည်များက ပြောကြားသည်။

ပင်လယ်ပြင်အတွင်း ငါးဖမ်းလှေကြီးများမှ ကမ်းနီးသို့ ၀င်ရောက်ငါးခိုးဖမ်းခြင်း၊ စည်းကမ်းမဲ့ငါးဖမ်းနည်းများနှင့် ပင်လယ်ပြင်အတွင်း ပိုက်အသေချထားသည့် ငါးဖမ်းနည်းစနစ်များကြောင့် တစ်နိုင်တစ်ပိုင် လုပ်ကိုင်စားသောက်နေရသည့် တံငါသည်များအဖို့ ငါးဖမ်းရမည့် ရေပြင်ဧရိယာပင် မကျန်တော့သည့် အနေအထား ဖြစ်လာနေကြောင်း တံငါသည်များက ပြောကြားသည်။ ဥပဒေမဲ့ငါးဖမ်းခြင်းများကြောင့် ဒေသခံတံငါသည်များအဖို့ ငါးဖမ်းခြင်း လုပ်ကိုင်နိုင်ခြင်း မရှိတော့ဘဲ ကြုံရာကျပန်းအလုပ်များကို ၀င်ရောက် လုပ်ကိုင်လာရသည်အထိ အခြေအနေ ဆိုးရွားလာနေပြီဖြစ်ကြောင်း သိရသည်။

“ဒီနှစ်ထဲမှာ လုံးဝမရဘူး။ ထမင်းစားဖို့တောင် မရတဲ့အထိ ရှားပါးနေတယ်။ ကျွန်မတို့ဆီမှာ ၀ါလတ်၊ ၀ါတန်း၊ ကျားပိုက်၊ စိန်ပိုက်တွေက ရေလုပ်သားတွေ ငါးဖမ်းတဲ့နေရာတွေမှာ လာလုပ်ထားကြတော့ လုပ်ကိုင်စားသောက်ဖို့ ရေပြင်တောင်မရှိတော့ဘူး။ ငါးမုတ်ပိုက်လှေတွေက ပင်လယ်ထဲကိုသွားပြီး ငါးဖမ်းတဲ့အခါမှာ တစ်ကောင်မှမရတဲ့ အခေါက်လည်းရှိတယ်။ အကောင်ရေ ၂၀ လောက်ရတဲ့ အခါလည်းရှိတယ်။ နောက်ဆုံး အခုကျွန်မမှာ ပိုက်လှေတောင် ပြုတ်သွားပြီ။ ဒီတစ်နှစ် အတောအတွင်းမှာ ရွာနှင့်ချီပြီ ဒီလိုအဖြစ်မျိုး ကြုံနေရတယ်။ အခုရွာမှာ မိသားစု ထမင်းနပ်မှန်ဖို့ ကြုံရာကျပန်းအလုပ်တွေ လုပ်နေရတယ်။ စိန်ပိုက်နှင့်ကျားပိုက်က နေရာအပြည့်ယူထားတော့ ကျွန်မတို့မှာ ပိုက်ကွန်ပစ်ဖို့ နေရာတောင်မရှိတော့ဘူး” ဟု ပရည်တောင်ရွာမှ ဒေါ်သင်းသင်းမော်က ဆိုသည်။

မြိတ်ကျွန်းစုအတွင်းရှိ ရေပြည့်အော်၊ စခန်းသစ်စတဲ့နေရာများတွင်လည်း ငါးသယံဇာတများ ရှားပါးနေပြီး တံငါသည်များမှာ အခက်အခဲများ ရင်ဆိုင်နေရကြောင်း သိရသည်။ အဆိုပါ ရေပြင်များတွင် စိန်ပိုက်၊ ကျားပိုက်များကို နေရာသတ်မှတ်ခြင်း၊ ရွာအနီးမှဖယ် ရှားပေးခြင်း ပြုလုပ်ပေးပါက ဒေသခံ တံငါသည်အများစု လုပ်ကိုင်နေသော ငါးမုတ်ပိုက်လှေများ ပြန်လည်လုပ်ကိုင်နိုင်မည်ဖြစ်ကြောင်း တံငါသည်များက ဆိုသည်။

“ကမ်းနီးရေပြင်မှာသော်လည်းကောင်း၊ ကမ်းဝေးရေပြင်မှာသော်လည်းကောင်း အစိုးရပိုင်းမှ ရှာဖွေဖမ်းဆီးပြီး အရေးယူဆောင်ရွက်နိုင်မှု အတော်လေး အားနည်းနေတာကို တွေ့ရပါတယ်။ ခရိုင်ကျော် ငါးဖမ်းခိုးလှေတွေကိုလည်း အရေးယူနိုင်ခြင်း မရှိသလို ဒေသခံ တစ်နိုင်တစ်ပိုင် ကမ်းနီးရေလုပ်သားတွေရဲ့ တင်ပြချက်တွေကိုလည်း အစိုးရမှ လျစ်လျူရှုနေတာတွေရှိတယ်။ အစိုးရပိုင်းအနေဖြင့် ထိထိရောက်ရောက် လုပ်ဆောင်ဖို့ဆိုရင် အဖွဲ့အစည်းတွေဖွဲ့ပေးပြီး ကမ်းဝေး၊ ကမ်းနီးရေပြင်တွေမှာ ထိန်းချုပ် လုပ်ဆောင်သွားမယ်ဆိုရင် မကြာမီအချိန်အတွင်းမှာ ကမ်းနီးရေလုပ်သားတွေရဲ့ဘ၀ဟာ ပြန်ပြီးအဆင်ပြေလာမယ့် အနေအထားမှာ ရှိနေပါတယ်။ ခြုံငုံသုံးသပ်ကြည့်ရမယ်ဆိုရင် ဒုံးကျွန်းရေပြင်တစ်ခွင်မှာ ရှိနေတဲ့ ၀ါလတ်၊ ၀ါတန်း၊ ၀ိုင်းချုပ်လှေတွေကို အစိုးရပိုင်းမှ အရေးယူနိုင်မှု မရှိပါဘူး။ ထင်တိုင်းကြဲနေတာကိုပဲ တွေ့နေရပါတယ်။ ကမ်းနီးလှေကလေးတွေက တင်ပြလိုက်ရင်လည်း ကမ်းဝေးလှေကြီးတွေက ရန်ပြုလာတဲ့ အနေအထားကိုလည်း စောင့်ကြည့်ရှောင်ရှားနေရပါတယ်။ ငါးလုပ်ငန်းဦးစီးဌာနကို ကျွန်တော်တို့လိပ်မူပြီး တင်ပြထားတာ ရှိပါတယ်။ ဒီနေ့အထိ ဆောင်ရွက်ပေးတာ မရှိသေးဘူး လွှတ်တော်ကိုယ်စားလှယ်တွေ လာရောက်တုန်းကလည်း ကျွန်တော်တို့ တင်ပြပေးပါတယ်။ သုံးနှစ်အတွင်းမှာ လွှတ်တော်ကိုယ်စားလှယ်တွေ ရောက်လာခြင်းမရှိတော့တာကို ၀မ်းနည်းစွာနဲ့ တွေ့မြင်နေရပါတယ်။ အစိုးရပိုင်းက ကမ်းနီးရေပြင်ကို ဥပဒေတစ်ခု သတ်သတ်မှတ်မှတ်နှင့် ထိန်းသိမ်း စောင့်ရှောက်ပေးစေချင်တယ်။ ကမ်းနီးတစ်နိုင်တစ်ပိုင် လုပ်ကိုင်နေတဲ့သူတွေကို ကူညီပေးစေချင်တယ်။ ဥပမာ အရင်းအနှီး ထုတ်ပေးတာတွေ၊ အတိုးနှုန်းနည်းနည်းနှင့် ချေးငွေတွေချပေးမယ်ဆိုရင် ကျွန်တော်တို့ဘ၀တွေကို ရှေ့ဆက်ရပ်တည်လို့ရတဲ့ အနေအထား ဖြစ်လာနိုင်ပါတယ်။ ကျွန်တော်တို့ ကျေးရွာသူရွာသားတွေရဲ့ ဆန္ဒက ပရည်ကျွန်းကျေးရွာကနေ ဒုံးကျွန်းရေပြင်အထိ အစုအဖွဲ့တွေဖွဲ့ပြီး အဏ္ဏ၀ါရေပြင်ထိန်းသိမ်းရေး လုပ်ငန်းစဉ်တွေကို ဆောင်ရွက်ချင်ပါတယ်။ ဒီလိုထိန်းသိမ်းမှလည်း ငါးသယံဇာတတွေ ပြန်လည်ပေါများလာလိမ့်မယ်လို့ ယုံကြည်ပါတယ်” ဟု ရေလုပ်သားများအရေးကို ကူညီဆောင်ရွက်ပေးနေသူ ဦးအောင်လင်းစိုးက ပြောကြားသည်။

ဗဟိုစာတိုက်ကြီးနှင့် တာမွေစာတိုက်တို့မှတစ်ဆင့် မူးယစ်ဆေးဝါး ပို့ဆောင်မှု အပါအ၀င် တစ်ပတ်အတွင်း မူးယစ်တရားခံ ၃၈၀ ကျော် ဖမ်းဆီးရမိကြောင်း သမ္မတရုံး ထုတ်ပြန်

ဗဟိုစာတိုက်ကြီးနှင့် တာမွေစာတိုက်တို့မှတစ်ဆင့် မူးယစ်ဆေးဝါး ပို့ဆောင်မှု အပါအ၀င် တစ်ပတ်အတွင်း မူးယစ်တရားခံ ၃၈၀ ကျော် ထပ်မံဖမ်းဆီးရမိခဲ့ကြောင်း နိုင်ငံတော်သမ္မတရုံးက ထုတ်ပြန်သည်။

ရန်ကုန်မြို့ ဗဟိုစာတိုက်ကြီးနှင့် တာမွေစာတိုက်သို့ ပြည်ပမှ ပို့ဆောင်လာသည့် စာအိတ်တစ်ခုစီအတွင်းမှ အက်တက်စီပုံဆောင်ခဲ ၁၀၀ ဂရမ်၊ ဆေးခြောက် ၂၅ ဂရမ်တို့အား သိမ်းဆည်းရမိခဲ့ကြောင်း၊ သီးခြားဖော်ထုတ် ဖမ်းဆီးမှု စုစုပေါင်းမှာ စက်တင်ဘာ ၁၆ ရက်မှ ၂၂ ရက်အထိ မူးယစ်အမှု ၁၉၆ မှုတွင် တရားခံ ကျား ၃၃၇ဦး၊ မ ၄၈ ဦး စုစု ပေါင်း ၃၅၈ ဦး ဖမ်းဆီးရမိခဲ့ကြောင်း ထုတ်ပြန်ချက်တွင် ဖော်ပြထားသည်။

ထို့ပြင် ဖမ်းဆီးရမိသည့် မူးယစ်ဆေးဝါးများသည် ဘိန်းဖြူ ၇၃၄၇ ဒသမ ၈၅ဂ ရမ်၊ အိုက်စ် ၁၀၀၀၂၂ ဒသမ ၉၇ ဂရမ်၊ ဘိန်း ၅၉၆ဒသမ ၄၃ဂရမ်၊ ဘိန်းစာမှုန့် ၅၉၉၅၇၂ ဒသမ ၃၉ ဂရမ်၊ စိတ်ကြွဆေးပြား ၃၅၁၇၆၉ ပြား၊ စိတ်ကြွဆေးပြား အကြေမှုန့် ၃၉၅ ဂရမ်၊ ဆေးခြောက် ၄၀၂၅ ဒသမ ၇၁ဂ ရမ်၊ ဘိန်းရည် ၀ ဒသမ ၃၆ လီတာ၊ ဘိန်းဆီခဲ ၅၀ ဂရမ်၊ ကတ်တမင်း ၀ ဒသမ ၃၈ ရမ်၊ အက်တက်စီပုံဆောင်ခဲ ၁၀၀ ဂရမ် ဖမ်းဆီးရမိခဲ့သည်။

ယင်းအပြင် ANTHRANILIC ACID ၂၈၀၀ လီတာ၊ ဆာလဖျူရစ်အက်စစ် ၁၂ လီတာ၊ ဟိုက်ဒရိုကလိုရစ်အက်စစ် ၄၀၀ လီတာ၊ အက်စီတုန်း ၁၁၀၀ လီတာ၊ 1-PHENYL- 2-PROPANONE ၄၀၀ လီတာ၊ အီသိုင်းအီသာ ၂၈၄၄ လီတာ၊ N-ACETYLAN-THRANILIC ACID ၁၀၀၀ လီတာ၊ လွိုက်ဇော ၈၀ လီတာ၊ ဓာတုဆေးမှုန့် ၁၀ ဂရမ်၊ လေအိုး ၂၀ လုံး၊ မြေဆီအိတ် ၃၀ အိတ်တို့ကို ဖမ်းဆီးရမိခဲ့ကြောင်း သိရသည်။

စာတိုက်မှ တစ်ဆင့်ပို့ဆောင်သည့် ဖြစ်စဉ်မှာ ယခင်ကလည်း တစ်ကြိမ်ဖော်ထုတ် ဖမ်းဆီးရမိခဲ့ပြီး ရန်ကုန်ရှိလက်ခံမည့်လိပ်စာ အတူတူဖြစ်သဖြင့် အမျိုးသမီးတစ်ဦး ဖမ်းဆီးရမိကာ ကွင်းဆက်တရားခံနှစ်ဦး တိမ်းရှောင်ဆဲဖြစ်ကြောင်း၊ ပြည်ပမှ ပေးပို့လာသည့် လူပုဂ္ဂိုလ် လိပ်စာများကို မြန်မာနိုင်ငံ ရဲတပ်ဖွဲ့မှ အပြည်ပြည်ဆိုင်ရာရဲတပ်ဖွဲ့နှင့် သက်ဆိုင်ရာနိုင်ငံ ရဲတပ်ဖွဲ့များသို့ သတင်းပေးပို့ကာ အရေးယူနိုင်ရေး ဆောင်ရွက်ထားကြောင်း ထုတ်ပြန်ချက်အရ သိရသည်။

မိတ္ထီလာဖောင်တော်ဦး ဘုရားပွဲတော်တွင် ကျောင်းဆရာ၊ ဆရာမများ လုံခြုံရေးတာဝန် ထမ်းဆောင်နေရ

မိတ္ထီလာဖောင်တော်ဦး ဘုရားပွဲတော်တွင် ကျောင်းဆရာ၊ ဆရာမများ လုံခြုံရေးတာဝန် ထမ်းဆောင်နေရကြောင်း ဆရာ၊ ဆရာမများနှင့် မိတ္ထီလာမြို့နယ် ပညာရေးရုံးမှ သိရသည်။

“ကျောင်းသားဘ၀ကရော၊ ဆရာဘ၀ကရော ဘုရားပွဲလုံခြုံရေး လာမစောင့်ဖူးပါဘူး။ အခုနှစ်ကျမှ ဆရာ၊ ဆရာမတွေကို အထက (၁) ကျောင်းရှေ့မှာလုံခြုံရေးအတွက်ဆိုပြီး စောင့်ခိုင်းတာ ကြုံဖူးတော့တယ်” ဟု မိတ္ထီလာမြို့နယ် အထကကျောင်းတစ်ကျောင်းတွင် တာဝန်ထမ်းဆောင်နေသော ဆရာတစ်ဦးက ပြောကြားသည်။

အချို့ကျောင်းဆရာ၊ ဆရာမများမှာ နေရပ်နှင့် ၁၀ မိုင်ခန့် ဝေးကွာသည့်နေရာမှ လာရောက်လုံခြုံရေး တာဝန်ယူရကြောင်း ၎င်းက ဆက်လက်ပြောကြားသည်။

“ဆရာ၊ ဆရာမနဲ့ လုံခြုံရေးဘာဆိုင်လို့လဲ။ တကယ်လို့ ကျောင်းသား၊ ကျောင်းသူတွေ ပွဲခင်းထဲမှာတွေ့တယ်။ ရန်ဖြစ်တယ်ဆိုလည်း သူ့သက်ဆိုင်ရာ မြန်မာနိုင်ငံရဲတပ်ဖွဲ့၊ မီးသတ်နဲ့ အခြားအဖွဲ့တွေရှိတာပဲ။ စစ်ဆေးပြီး ကျောင်းနဲ့ ဆက်သွယ်ပေးလိုက်ရတာပဲ။ အခုနှစ်ကျမှ ဆရာ၊ ဆရာမတွေ လုံခြုံရေးသဘောမျိုးချတော့ ကျွန်တော်တို့ ဆရာ၊ ဆရာမတွေ လမ်းဘေးတဲလေးထဲမှာ ထိုင်စောင့်နေရတယ်” ဟု ၎င်းက ဆိုသည်။

ယင်းကိစ္စနှင့် ပတ်သက်ပြီး မိတ္ထီလာမြို့နယ်ပညာရေးမှူး ဦးသိန်းထွန်းဦးက “အရင်တုန်းက ဘုရားပွဲကာလဆိုရင် ကျောင်းနေ့တစ်ဝက်ပိတ်တယ်။ အဲဒီလို မဖြစ်ချင်လို့ တာဝန်ချထားတာပါ။ ညွှန်ကြားချက်အရ လုပ်တာပါ။ ကျောင်းမပျက်ချင်တာနဲ့ ဆရာ၊ ဆရာမတွေကို စာသင်မပျက်အောင် အထက ကျောင်းတစ်ကျောင်း ၁၀ ယောက်၊ အလယ်တန်းကျောင်း ၁၀ ယောက်၊ မူလတန်းကျောင်း ငါးယောက်တောင်းပြီး တစ်နေ့တစ်ယောက် ချထားတယ်။ ဆရာ၊ ဆရာမတစ်ဦးကို နေ့တစ်ဝက်လောက် စောင့်ပေးရမယ်။ ရည်ရွယ်ချက်က အထက(၁)ပတ်ဝန်းကျင်မှာ ဈေးမရောင်းရအောင်ရယ်၊ ကျောင်းချိန် အဖြူအစိမ်းနဲ့ ဘုရားပွဲဈေးမှာတွေ့ရင် သက်ဆိုင်ရာကျောင်းကို အကြောင်းကြားပြီး ပြန်ပို့မယ်။ အဲဒီရည်ရွယ်ချက်ပါ။ စာသင်လည်း မပျက်အောင် အစည်းအဝေး ဆုံးဖြတ်ချက်နဲ့ ချတာပါ။ ဆရာ၊ ဆရာမ ၁၄၀ လောက်ကို တစ်ဆိုင်း ၁၀ ယောက်၊ တစ်ရက် နှစ်ဆိုင်းနဲ့ စက်တင်ဘာ ၂၆ ရက်အထိ တာဝန်ချထားပါတယ်။ ဒီနှစ်ကျမှ အဲဒီလို ဂျူတီချတာ စလုပ်တာပါ။ အဓိကက ကျောင်းမပိတ်ချင်လို့ပါ” ဟု ပြောကြားသည်။

“ဘုရားပွဲတော်ကို ဆရာ၊ ဆရာမတွေ လာစောင့်ဖို့ ကျွန်တော်တို့ မစီစဉ်ပါဘူး။ ဆရာ၊ ဆရာမတွေ ဘုရားပွဲလာစောင့်နေတာက သူတို့ ကျောင်းပတ်ဝန်းကျင် ဆိုင်ခန်းမချဖို့ ကန့်ကွက်ထားတာရှိတယ်။ ကျောင်းပတ်ဝန်းကျင် ဆိုင်ခန်းပျံကျတွေ နေရာမချအောင် သူတို့ တာဝန်ယူရမှာပေါ့။ ပွဲတော်လုံခြုံရေး စာရင်းထဲမှာ ဆရာ၊ ဆရာမတွေ မပါပါဘူး။ သူတို့က သီးသန့်ပါ။ ကျောင်းသူကျောင်းသားတွေ လုံခြုံရေးနဲ့ ကျောင်းဝင်တဲ့လမ်း ကျောင်းမြောက်ဘက်ကို ဈေးသည် ဒီနှစ်မချထားဘူးလေ။ အဲဒီအတွက် သူတို့ လာစောင့်ရှောက်ရတာပါ” ဟု မိတ္ထီလာမြို့ဖောင်တော်ဦးစေတီတော် ဘုရားဂေါပကဥက္ကဋ္ဌ ဦးခင်ညိုက ပြောကြားသည်။

မိတ္ထီလာမြို့ရှိ ကရ၀ိတ်ဖောင်တော်ဦးစေတီတော် ဗုဒ္ဓပူဇနိယပွဲတော်အား ၁၃၈၀ ပြည့်နှစ် တော်သလင်းလဆန်း ၈ ရက်မှ လပြည့်ကျော် ၂ ရက်အထိ (စက်တင်ဘာ ၁၇ ရက်မှ စက်တင်ဘာ ၂၆ ရက်) အထိ ၁၀ ရက်တိုင် ကျင်းပလျက်ရှိသည်။

မူးယစ်ဆေးဝါးမှုဖြင့် ဖမ်းဆီးခံထားရသည့် အမျိုးသမီးကျန်းမာရေးဝန်ထမ်း၏အမှု အမြန်ဆုံးနှင့် အမှန်ဆုံး ဆောင်ရွက်ပေးရန် ဂန့်ဂေါခရိုင်အတွင်းရှိ ကျန်းမာရေးဝန်ထမ်းများက ကြေညာချက်ထုတ် တောင်းဆိုခဲ့ပြီး ထူးခြားမှု မရှိခဲ့ပါက ဆန္ဒထုတ်ဖော် သွားမည်ဟု သိရ

မူးယစ်ဆေးဝါးမှုဖြင့် ဖမ်းဆီးခံထားရသည့် အမျိုးသမီးကျန်းမာရေးဝန်ထမ်း၏အမှုကို အမြန်ဆုံးနှင့် အမှန်ဆုံး ဆောင်ရွက်ပေးရန် ဂန့်ဂေါခရိုင်အတွင်းရှိ ကျန်းမာရေးဝန်ထမ်းများက ကြေညာချက် ထုတ်တောင်းဆိုခဲ့ပြီး ထူးခြားမှု မရှိခဲ့ပါက ဆန္ဒထုတ်ဖော် သွားမည်ဟု သိရသည် ။

“ကျွန်တော်တို့ စုံစမ်းသိရသလောက်ရယ် အားလုံး အရပ်ဘက် အဖွဲ့အစည်းတွေရယ်၊ ပြည်သူလူထု တော်တော်များများကရော ယုံကြည်နေကြတာက ဒီဟာက တရားသေပြောလို့ မရသေးပေမဲ့ သံသယဖြစ်စရာကောင်းတဲ့ အမှုလို့ သူတို့က ယူဆကြတယ်။ သံသယဖြစ်စရာ ဆိုတာ ထောင်ချောက်ဆင် လုပ်ကြံခံရသလား ဆိုတဲ့ သံသယဖြစ်စရာ ကောင်းတယ်လို့ ယူဆကြလို့ ကျွန်တော်တို့ဘက်က ပြင်ဆင်တာပါ။ ကျွန်တော်တို့က ကျန်းမာရေးနဲ့ အားကစား ပြည်ထောင်စုဝန်ကြီး ဒေါက်တာမြင့်ထွေး ဆီလည်း ပို့ပါတယ်။ နေပြည်တော်က ကျန်းမာရေးဦးစီးဌာန၊ နေပြည်တော်က သူနာပြုနဲ့ သားဖွားကောင်စီ၊ စစ်ကိုင်းတိုင်းဒေသကြီး အစိုးရအဖွဲ့ဝန်ကြီးချုပ်ဆီ၊ မကွေးတိုင်းဒေသကြီး အစိုးရအဖွဲ့နဲ့ ၀န်ကြီးချုပ် ဒေါက်တာ အောင်မိုးညို ဆီကို ပို့ပါတယ်။ မကွေးတိုင်း ကျန်းမာရေးဦးစီး၊ မကွေးတိုင်း သူနာပြုနဲ့ သားဖွားကောင်စီ၊ စစ်ကိုင်းတိုင်း ကျန်းမာရေးဦးစီးနဲ့ စစ်ကိုင်းတိုင်း သူနာပြုနဲ့ သားဖွားကောင်စီ စတဲ့ဆီတွေကို ပို့ထားပါတယ်။ ဒီအခြေအနေအထိမှ ကျွန်တော်တို့ ထင်သလောက် မသိရသေးဘူး။ ဒီအတိုင်း စောင့်ကြည့်နေလို့ အချိန်ကြာပြီး ထူးခြားမှုမရှိဘူးဆိုရင် ကျန်းမာရေးဝန်ထမ်းတွေ အနေနဲ့ ဆန္ဒထုတ်ဖော်မယ်လို့ စိတ်ကူးပါတယ်။ အဓိကက အမှုမှန်ကို အမြန်ဆုံး ပေါ်စေချင်လို့ ဆန္ဒထုတ်ဖော်မှာပါ” ဟု ဂန့်ဂေါမြို့နယ် ပြည်သူ့ဆေးရုံကြီးမှ သူနာပြု ဦးတော်မီအောင်က ပြောကြားသည်။

ကျန်းမာရေးဝန်ထမ်း ဒေါ်သန်းသန်းမြင့် ကို မူးယစ်ဆေးဝါးအမှုဖြင့် ဖမ်းဆီးထားခြင်းနှင့် ပတ်သက်၍ ဂန့်ဂေါမြို့နယ်အတွင်းရှိ ကျန်းမာရေးဝန်ထမ်းများက လက်မှတ်ရေးထိုး၍ သဘာထားကြေညာချက် ထုတ်ပြန်ခဲ့သည်။

အဆိုပါ ထုတ်ပြန်ပြန်ချက်တွင် “ ကလေးဝမြို့နယ် သစ်ချောက် ကျေးလက်ကျန်းမာရေးဌာနတွင် တာဝန်ထမ်းဆောင်နေသော အမျိုးသမီးကျန်းမာရေးဆရာမ ဒေါ်သန်းသန်းမြင့်သည် နေပြည်တော်တိုင်းမ် ဂျာနယ်၏ အယ်ဒီတာချုပ် ဦးဝရိန်မိုးကို ကာမလိမ်လည် ရယူမှုဖြင့် တရားစွဲဆိုခဲ့ကြောင်း၊ စက်တင်ဘာ ၁၁ ရက်၌ တရားလိုပြ သက်သေထွက်ဆိုပြီး ဂန့်ဂေါမြို့နယ် တရားရုံးမှ အပြန်လမ်းတွင် ဆရာမ ဒေါ်သန်းသန်းမြင့်၏ ဆိုင်ကယ်ရှေ့ ခွက်ထဲတွင် စိတ်ကြွဆေးပြား ၁၈ ပြား တွေ့ရှိမှုဖြင့် ဖမ်းဆီးထိန်းသိမ်းခြင်း ခံလိုက်ရကြောင်း ဖော်ပြထားသည်။

ဆရာမ ဒေါ်သန်းသန်းမြင့်သည် ယခင်က စိတ်ကြွဆေးပြားနှင့် ပတ်သက်၍ နာမည်ဆိုးကျော်ဇောမှု မရှိခဲ့သလို သုံးစွဲခြင်းလည်း မရှိခဲ့ကြောင်း ဆရာမ၏ လုပ်ဖော်ကိုင်ဖက်များ၊ ကျေးရွာအုပ်ချုပ်ရေးမှူးများနှင့် မိတ်ဆွေများထံမှ စုံစမ်းသိရှိရကြောင်း၊ ယင်းကြောင့် ဆရာမ ဒေါ်သန်းသန်းမြင့်သည် မတရားအမှုဆင် ဖမ်းဆီးထိန်းသိမ်းခြင်း ခံရသည်ဟု နီးစပ်ရာ ဆွေမျိုးအသိုင်းအ၀ိုင်းများ၊ အရပ်ဖက် အဖွဲ့အစည်းများနှင့် သတင်းမီဒီယာများမှ သံသယရှိကြသကဲ့သို့ မိမိတို့ ကျန်းမာရေး ၀န်ထမ်းများမှလည်း ထိုကဲ့သို့ ယူဆမိပါသည်ဟု ဆက်လက် ဖော်ပြထားသည်။

ဆရာမ ဒေါ်သန်းသန်းမြင့် ဖမ်းဆီးထိန်းသိမ်းခြင်း ခံရသော စက်တင်ဘာ ၁၁ ရက်မှ ယနေ့အချိန်အထိ အမှုနှင့်ပတ်သက်၍ ထူးခြားချက် တစ်စုံတစ်ရာ မသိရှိရသောကြောင့် ကျန်းမာရေးဝန်ထမ်းများ အနေဖြင့် အထူးပင် စိုးရိမ်ပူပန်မိကြောင်း၊ အလားတူဖြစ်ရပ်မျိုးကို ကျန်းမာရေးဝန်ထမ်းများသာမက အခြားဌာနဆိုင်ရာ ၀န်ထမ်းများပါ ကြုံတွေ့နိုင်သည် ဖြစ်ရာ အမှုမှန်အမြန်ဆုံး ပေါ်ပေါက်ရန်မှာ အထူးပင် အရေးကြီးသည်ဟု ယူဆမိကြောင်း၊ ယင်းကြောင့် ဆရာမ ဒေါ်သန်းသန်းမြင့်၏ အမှုကို အမှန်ကန်ဆုံးနှင့် အမြန်ဆုံးဖြစ်အောင် သက်ဆိုင်ရာ တာဝန်ရှိသူများက ဆောင်ရွက်ပေးပါရန် ဂန့်ဂေါခရိုင်အတွင်းရှိ ကျန်းမာရေး ၀န်ထမ်းများက မေတ္တာရပ်ခံ တိုက်တွန်းအပ်ကြောင်း ဖော်ပြထားသည် ။

ဂန့်ဂေါမြို့နယ် မွှေ့လည်ကျေးရွာတွင် ငါးနှစ်ခန့် တာဝန် ထမ်းဆောင်ခဲ့ပြီး ကလေးဝမြို့နယ် သစ်ချောက်ကျေးရွာ ကျန်းမာရေးဌာနသို့ ပြောင်းရွှေ့ တာဝန်ထမ်းဆောင်ခဲ့သည့် ဒေါ်သန်းသန်းမြင့်သည် စက်တင်ဘာ ၁၁ ရက်က တရားရုံးတွင် ကာမလိမ်လည်မှုနှင့် နေပြည်တော်တိုင်းမ် ဂျာနယ် အယ်ဒီတာချုပ် ဦးဝရိန်မိုးအား တရားစွဲဆိုထားသော အမှုကို ရင်ဆိုင်အပြီး ပြန်လာစဉ် ဂန့်ဂေါ – ကလေးလမ်း စိုင်ဒူးတံတားအနီး မြို့အ၀င်ဂိတ်တွင် ရဲတပ်ဖွဲ့က သတင်းအရဟုဆိုကာ ၎င်းစီးနင်းလာသော ဆိုင်ကယ်အား ရှာဖွေရာမှ စိတ်ကြွဆေးဝါးများ ဖမ်းဆီးရမိခဲ့ခြင်းဖြစ်ပြီး ယင်းကဲ့သို့ ဖမ်းဆီးခံရခြင်းမှာ လုပ်ကြံခံရခြင်းဖြစ်ကြောင်း ဒေသခံများက ပြောကြားသည်။

“ ကျွန်တော်တို့က ဘာလို့ ဒီလိုလုပ်သလဲ ဆိုရင် ကျန်းမာရေးဝန်ထမ်း တော်တော်များများ ပြည်သူ့ကျန်းမာဘက်က သားဖွားဆရာတွေ အမျိုးသမီးကျန်းမာရေး ဆရာမတွေက နယ်တွေကို ဆင်းရတယ်။ သွားရတယ်။ ဆေးအိတ်တွေနဲ့ ခရီးသွားရတယ်။ အဲဒီလို သွားရလာရတဲ့ လမ်းတွေမှာ အခုလို ဆရာမ ဒေါ်သန်းသန်းမြင့် ဖြစ်သလိုမျိုး ဥပမာ ထောင်ချောက်ဆင်တာမျိုး နောက်ထပ် မဖြစ်နိုင်ဘူးလား။ အဲဒီလိုမျိုးတွေ ထပ်မဖြစ်စေချင်တော့ဘူး။ ဒီလိုမျိုးသာဆိုရင် လူတိုင်းလူတိုင်း ကိုယ်မုန်းတဲ့သူတွေ ကိုယ်မတည့်တဲ့ သူတွေကို အလွယ်တကူ ထောင်ချောက်ဆင် ဆေးပစ်ပြီးတော့ ဖမ်းလို့ရတဲ့ ပုံစံမျိုးဖြစ်နေတယ်ဗျ။ ကျွန်တော်တို့က အဲဒါကို မလိုလားလို့ပါ” ဟု ဂန့်ဂေါဆေးရုံကြီးမှ သူနာပြု ဦးတော်မီအောင်က ဆက်လက် ပြောကြားသည်။

ဂန့်ဂေါမြို့နယ်အတွင်း ကျန်းမာရေးဝန်ထမ်း အမျိုးသမီးအား မူးယစ်ဆေးဝါးမှုနှင့် ဖမ်းဆီးခြင်းမှာ လုပ်ကြံဖန်တီးမှုဟု ဆွေမျိုးများနှင့် နီးစပ်သူများက ပြောကြားပြီး နိုင်ငံတော်သမ္မတ၊ နိုင်ငံတော်၏ အတိုင်ပင်ခံပုဂ္ဂိုလ်တို့ထံ တိုင်ကြားမည်ဟု ၎င်း၏ ဆွေမျိုးဖြစ်သူများက ပြောကြားထားသည်။

 

ရန်ကုန်တိုင်းကို နေချင်စဖွယ် မြို့တော်ဖြစ်စေရန်အတွက် မူဝါဒများ ချမှတ် ဆောင်ရွက်နေကြောင်း စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်း ပြောကြား

ရန်ကုန်မြို့ တစ်နေရာကို တွေ့ရစဉ် (ဓာတ်ပုံ-ကြည်နိုင်)

ရန်ကုန်တိုင်းဒေသကြီးအား နေချင်စဖွယ် မြို့တော်ဖြစ်ရန် မူဝါဒချမှတ် ဆောင်ရွက်နေကြောင်း ရန်ကုန်တိုင်းဒေသကြီး အစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက စက်တင်ဘာ ၂၄ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် သတ္တမပုံမှန် အစည်းအဝေး အဋ္ဌမနေ့တွင် ၂၀၁၈-၂၀၁၉ ဘဏ္ဍာရေးနှစ် ရန်ကုန်တိုင်းဒေသကြီး၏ ဒေသန္တရစီမံကိန်း ဥပဒေကြမ်းအား လွှတ်တော်သို့ ရှင်းလင်းတင်ပြရာတွင် ထည့်သွင်း ပြောကြားသည်။

“ရန်ကုန်တိုင်းဒေသကြီးရဲ့ ဒေသန္တရစီမံကိန်းကို ရည်မှန်းရာ အဆိုပြုချက်များကို နိုင်ငံတော်၏ စီးပွားရေးမူဝါဒ ၁၂ ချက်နဲ့အညီ ပြည်သူကို ဗဟိုပြုတဲ့ တိုင်းဒေသကြီးအတွင်း ဘက်စုံဖွံ့ဖြိုးတိုးတက်မှု စဉ်ဆက်မပြတ် ဖြစ်ပေါ်စေပြီးတော့ အုပ်ချုပ်မှု ကောင်းမွန်စေဖို့အတွက် ရှေးဟောင်းအမွေအနှစ်များ၊ အခြေခံအဆောက်အအုံနဲ့ ပြည့်စုံတဲ့ တည်ငြိမ်အေးချမ်းတဲ့ စိမ်းလန်းပြီး နေချင်စဖွယ်ဖြစ်လာဖို့အတွက် မူဝါဒချမှတ်ပြီးတော့ အကောင်အထည်ဖော် ဆောင်ရွက်လျက် ရှိပါတယ်”ဟု ၀န်ကြီး ဦးမြင့်သောင်းက ပြောကြားသည်။

ထို့ပြင် ရန်ကုန်တိုင်းဒေသကြီးအတွင်း ကျေးလက်၊ မြို့ပြ ဟန်ချက်ညီရေး၊ မျှတစွာ ဖွံ့ဖြိုးတိုးတက်ရေး၊ စက်မှုဇုန်များ၊ အသေးစားအလတ်စား စက်မှုလက်မှုလုပ်ငန်းများ ဖွံ့ဖြိုးတိုးတက်ရေး၊ ပြည်သူ့ဘဏ္ဍာ စီမံခန့်ခွဲမှု ပွင့်လင်းမြင်သာမှု ရရှိရေးစသည့် ဦးတည်ချက်များဖြင့် ၂၀၁၈-၂၀၁၉ ဘဏ္ဍာရေးနှစ် ရန်ကုန်တိုင်းဒေသကြီး၏ ဒေသန္တရ စီမံကိန်းအဆိုပြုချက်များကို ရေးဆွဲခဲ့ကြောင်း ၀န်ကြီး ဦးမြင့်သောင်းက ပြောကြားသည်။

“အဆိုပြုချက်များကို နိုင်ငံတော်က ခွင့်ပြုပေးနိုင်တဲ့ ဘဏ္ဍာရေး အရင်းအမြစ်များ ချိန်ထိုးပြီးတော့ ရင်းနှီးမြှုပ်နှံမှု လျာထားချက်ကို ရေးဆွဲခဲ့ပါတယ်။ အခု ၂၀၁၈-၂၀၁၉ ဘဏ္ဍာရေးနှစ်အတွက် ပြုစုရာမှာ အောက်ခြေကနေ စတင်ရေးဆွဲတဲ့ စနစ်ကို မြို့နယ်စီမံကိန်း ရေးဆွဲ အကောင်အထည်ဖော်ရေးကော်မတီများကနေပြီးတော့ ဆောင်ရွက်ခဲ့ပါတယ်”ဟု ၀န်ကြီး ဦးမြင့်သောင်းက ပြောကြားသည်။

ရန်ကုန်တိုင်းဒေသကြီး အစိုးရ၏ ဘတ်ဂျက်အား ပြည်သူအခြေပြု ဘတ်ဂျက်စနစ်ဖြင့် စတင်ကျင့်သုံးရန် စီစဉ်ခဲ့ကြောင်း၊ တိုင်းဒေသကြီး၏ ဘဏ္ဍာငွေ၊ ရန်ပုံငွေ၊ ဆောင်ရွက်မည့် လုပ်ငန်းစီမံကိန်းများအတွက် ကျပ် ၄၇၃ ဒသမ ၅ ဘီလျံခန့် သုံးစွဲရန် လျာထားခဲ့ကြောင်း၊ တိုင်းဒေသကြီး ဘဏ္ဍာရန်ပုံငွေတွင် ပါဝင်သုံးစွဲမည့် ပြည်သူ့အတွက် လိုအပ်သော လမ်းတံတား၊ လျှပ်စစ်မီး၊ သောက်သုံးရေတို့အတွက် ဒေသန္တရစီမံကိန်း ဥပဒေကြမ်းတွင် ကဏ္ဍအလိုက် စုစည်းဖော်ပြထားကြောင်း ၀န်ကြီး ဦးမြင့်သောင်းက ပြောကြားသည်။

“၂၀၁၈-၂၀၁၉ ဘဏ္ဍာနှစ်မှာ ရန်ကုန်တိုင်းရဲ့ ဒေသန္တရစီမံကိန်း ဥပဒေကြမ်းမှာ ကဏ္ဍအလိုက် စီးပွားရေးဖွံ့ဖြိုးတိုးတက်ဖို့ ရည်မှန်းချက်များ တိုင်းဒေသကြီးရဲ့ ကုန်ထုတ်လုပ်မှုနဲ့ ၀န်ဆောင်မှုတန်ဖိုး GDP တိုးတက်မှုတို့ကိုလည်း ဖော်ပြထားပါတယ်” ဟု ၀န်ကြီး ဦးမြင့်သောင်းက ပြောကြားသည်။

ရန်ကုန်တိုင်းဒေသကြီး၏ GDP အား ပုံမှန်ဈေးနှုန်းများအရ ၉ ဒသမ ၈ ရာခိုင်နှုန်း တိုးတက်ရရှိစေရန် ရည်မှန်းထားကြောင်း၊ လယ်ယာကဏ္ဍသည် ၂ ဒသမ ၉ ရာခိုင်နှုန်း၊ သားငါးကဏ္ဍသည် ၄ ရာခိုင်နှုန်း၊ သစ်တောကဏ္ဍသည် ၁၉ ဒသမ ၆ ရာခိုင်နှုန်း၊ စွမ်းအင်ကဏ္ဍသည် ၁၈ ဒသမ ၅ ရာခိုင်နှုန်း၊ စက်မှုလက်မှုကဏ္ဍသည် ၁၂ ဒသမ ၁ ရာခိုင်နှုန်း၊ ထုတ်လုပ်ရေးကဏ္ဍသည် ၈ ဒသမ ၇ ရာခိုင်နှုန်းနှင့် ပို့ဆောင်ရေးကဏ္ဍသည် ၉ ဒသမ ၉ ရာခိုင်နှုန်း တိုးတက်ရန် ရည်မှန်းချက်များ ချမှတ်ထားကြောင်း ၀န်ကြီး ဦးမြင့်သောင်းက ပြောကြားသည်။

“ ၂၀၁၈-၂၀၁၉ ဘဏ္ဍာရေးနှစ် ရန်ကုန်တိုင်းဒေသကြီး၏ ဒေသန္တရစီမံကိန်း ဥပဒေကြမ်းမှာ ရန်ကုန်တိုင်းဒေသကြီးရဲ့ GDP တန်ဖိုးက နှစ်အလိုက် ဈေးနှုန်းများအရ ကျပ် ၂၇၁၄၂ ဒသမ ၉ ဘီလျံနဲ့ ပုံမှန်ဈေးနှုန်းများအရ ၂၂၃၈၇ ဒသမ ၁၂၅ ဘီလျံ ဖြစ်ပါတယ်။ ဒီနှစ် ၂၀၁၈-၂၀၁၉ ဘဏ္ဍာနှစ်အတွက် GDP တိုးတက်မှုနှုန်းကို ၉ ဒသမ ၈ ရာခိုင်နှုန်း ရည်မှန်းထားပါတယ်” ဟု ၀န်ကြီး ဦးမြင့်သောင်းက ပြောကြားသည်။

ကချင်ပြည်နယ်ရှိ ဌာနေတိုင်းရင်းသားများ ဖြစ်ကြသည့် ကချင်ခြောက်မျိုး၊ ရှမ်းငါးမျိုးတို့အတွက် ဒေသန္တရသင်ရိုး ရေးဆွဲ

ကချင်ပြည်နယ်အတွက် ဌာနေ တိုင်းရင်းသားများ ဖြစ်ကြသည့် ကချင်ခြောက်မျိုး၊ ရှမ်းငါးမျိုးတို့၏ ရိုးရာဝတ်စုံ၊ အစားအစာ၊ အသုံးအဆောင်နှင့် မြစ်ချောင်းအင်းအိုင် စသည့်ကဏ္ဍများ ပါဝင်သော ဒေသန္တရသင်ရိုး ရေးဆွဲနေကြောင်း သိရသည်။

သင်ရိုး ရေးဆွဲရာတွင် ပါဝင်သည့် ကချင်ပြည်နယ် ပညာရေးဌာနမှ ပြည်နယ် လက်ထောက် ညွှန်ကြားရေးမှူး ဦးလှညွန့်က “အခု မူကြမ်းက Grade 1 ကနေ 3 အထိပေါ့။ Grade 1 တော့ပြီးပြီ။ ကျန်တာရေးဆွဲဆဲပါ။ ကချင်ပြည်နယ်မှာက ကချင်တိုင်းရင်းသား ခြောက်မျိုး၊ ရှမ်းတိုင်းရင်းသား ငါးမျိုးကို အခြေတည်ပြီး ရေးဆွဲတာပါ။ ရိုးရာဝတ်စုံ၊ အစားအစာ၊ အသုံးအဆောင်၊ မြစ်ချောင်းအင်းအိုင်၊ အထင်ကရပုဂ္ဂိုလ်ပေါ့။ တိုင်းရင်းသား တစ်မျိုးစီရဲ့ အထင်ကရ ပုဂ္ဂိုလ်က ၁၁ ဦးစီဆိုတော့ Grade 3 အထိဆိုရင် ၃၃ ဦးပါမယ်။ ဒေသကို၊ မျိုးနွယ်ကို ချစ်ခင်လေးစားလာအောင်၊ တိုင်းရင်းသားတွေရဲ့ ဓလေ့၊ ထုံးတမ်းတွေကို မြတ်နိုးတတ်အောင် သင်တာပါ။ မြန်မာစကားနဲ့ပဲ သင်မှာ။ တွဲဖက်သင်ရိုး အနေနဲ့ပေါ့။ တစ်ပတ်မှာ ငါးကြိမ်ပေါ့။ တိုင်းရင်းသား ဘာသာစကားက သုံးချိန်၊ ဒေသန္တရသင်ရိုးက နှစ်ကြိမ်ပေါ့”ဟု ပြောကြားသည်။

မြန်မာနိုင်ငံတွင် ကချင်၊ ကယား၊ ကရင်၊ ချင်း၊ မွန် စသည့် ပြည်နယ်များတွင် ဒေသန္တရ သင်ရိုးများ ရေးဆွဲနေပြီး ဒီဇင်ဘာလတွင် သင်ကြားမည့် ဆရာ၊ ဆရာမများကို မွမ်းမံသင်တန်းများ ပေးမည်ဖြစ်သည်။

စစ်ကိုင်းတိုင်းဒေသကြီး သစ်တောဦးစီးဌာန၏၂၀၁၃ ခုနှစ် စာရင်းကောက်ယူချက်အရ သစ်တောကြိုးဝိုင်း၊ ကြိုးပြင် ကာကွယ်တောများတွင် ကျူးကျော် လုပ်ကိုင်နေသည့် တောင်ယာဧက သုံးသိန်းကျော်အထိ ရှိကြောင်း တိုင်းဒေသကြီး သစ်တောညွှန်ကြားရေးမှူး ဦးသန်းစိုး ပြောကြား

စစ်ကိုင်းတိုင်းဒေသကြီး သစ်တောဦးစီးဌာန၏ ၂၀၁၃ ခုနှစ် စာရင်းကောက်ယူချက်အရ သစ်တောကြိုးဝိုင်း၊ ကြိုးပြင် ကာကွယ်တောများတွင် ကျူးကျော် လုပ်ကိုင်နေသည့် တောင်ယာဧက သုံးသိန်းကျော်အထိ ရှိပြီး ယင်းဧကအနက် အစုအဖွဲ့ပိုင် သစ်တောအဖြစ် ဧကကိုးသောင်းကျော်ကို တည်ထောင်ထားကြောင်း တိုင်းဒေသကြီး သစ်တောညွှန်ကြားရေးမှူး ဦးသန်းစိုးက ပြောကြားသည်။

ထို့ပြင် ကျူးကျော်မြေဧကများကို အစုအဖွဲ့ပိုင် သစ်တောအဖြစ် ဖွဲ့စည်း တည်ထောင်ရန်အတွက် ကျန်ရှိနေသည့် ဧကများသည် နှစ်သိန်းကျော် ကျန်ရှိနေသေးကြောင်း၊ ကျန်ရှိနေသည့် ကျူးကျော်ဧကများကို ဆက်လက်ပြီး အကောင်အထည်ဖော် ဆောင်ရွက်ရမည် ဖြစ်ကြောင်း၊ ဒေသခံများသည် ၎င်းတို့၏ သဘောဆန္ဒအရ အစုအဖွဲ့ပိုင် ထူထောင်ရန်အတွက် လာရောက် လျှောက်ထားသူ ၇၀၀ ကျော်အထိ ရှိကြောင်း ၎င်းက ဆိုသည်။

“ ကျွန်တော်တို့ စစ်ကိုင်းတိုင်းမှာ ဒေသခံ ပြည်သူအစုအဖွဲ့ သစ်တော တည်ထောင်နေတဲ့ လုပ်ငန်းမှာ အပိုင်းနှစ်ပိုင်း ရှိပါတယ်။ တစ်ပိုင်းကတော့ ၂၀၁၃ ခုနှစ်မှာ ကျွန်တော်တို့ စာရင်းကောက်ထားတဲ့ သစ်တောကြိုးဝိုင်းတွေမှာ ကျူးကျော်နေတဲ့ တောင်ယာတွေ ရှိတယ်။ အဲဒီတောင်ယာတွေမှာ ကျွန်တော်တို့က ကျူးကျော်အစုအဖွဲ့ပိုင် သစ်တောထူထောင်နေခြင်း လုပ်နေတာ ရှိတယ်။ နောက်တစ်ခုကတော့ ဒေသခံပြည်သူတွေရဲ့ သူတို့ ဆန္ဒအလျှောက် ကြိုးဝိုင်းတောတွေနဲ့ ကြိုးပြင် ကာကွယ်တောတွေမှာ အစုအဖွဲ့ပိုင် သစ်တော တည်ထောင်ချင်လို့ ရှိရင်လည်း ကျွန်တော်တို့က ဆောင်ရွက်ပေးနေတာ ရှိပါတယ်။ ကျွန်တော်တို့ စစ်ကိုင်းတိုင်းကြီးထဲမှာ၂၀၁၃ ခုနှစ်က စာရင်းကောက်တဲ့အရ သစ်တောကြိုးဝိုင်းတွေနဲ့ ကြိုးပြင် ကာကွယ်တောတွေထဲမှာ ကျူးကျော်ယာပေါင်းက ၃၂၆၉၉၉ ဧက ရှိပါတယ်” ဟု စစ်ကိုင်းတိုင်းဒေသကြီး သစ်တောဦးစီးဌာနမှ တိုင်းဒေသကြီး သစ်တော ညွှန်ကြားရေးမှူး ဦးသန်းစိုးက ပြောကြားသည်။

ယခုနှစ်၌ ကျူးကျော်နေသည့် တောင်ယာဧက ၃၀၀၀၀ ကျော်ကို အစုအဖွဲ့ပိုင် သစ်တောအဖြစ် အကောင်အထည်ဖော် ဆောင်ရွက်သွားမည် ဖြစ်ကြောင်း၊ ကျန်ရှိသည့် ဧက ၂၀၀၀၀၀ ကျော်အား တစ်ဆယ်စီမံကိန်း ရေးဆွဲထားကြောင်း၊ ယင်းစီမံကိန်းသည်၂၀၂၇ ခုနှစ်အထိ အပြီးဆောင်ရွက်သွားမည် ဖြစ်ကြောင်း၊ စစ်ကိုင်းတိုင်းဒေသကြီး၌ သစ်တောကြိုးဝိုင်း၊ ကြိုးပြင် ကာကွယ်တောပေါင်း ၂၅၉ ခုအထိ ရှိကြောင်း ဦးသန်းစိုးက ဆက်လက် ပြောကြားသည်။

စစ်ကိုင်းတိုင်းဒေသကြီး ဧရိယာ၏ ၃၉ ရာခိုင်နှုန်းအထိ သစ်တောကြိုးဝိုင်း၊ ကြိုးပြင် ကာကွယ်တောအဖြစ် ဖွဲ့စည်းထားကြောင်း၊ တိုင်းဒေသကြီး သစ်တောဦးစီးဌာနအနေဖြင့် သဘာဝထိန်းသိမ်းရေး နယ်မြေများနှင့် သစ်တောဦးစီးဌာနက ထိန်းသိမ်းထားသည့် သစ်ထုတ်လုပ်နေသော ဧရိယာများအတွင်း၌ အစုအဖွဲ့ပိုင် သစ်တောထူထောင်ခြင်း လုပ်ငန်းများ၊ ဒေသခံ ပြည်သူများသည် ၎င်းတို့၏ ဆန္ဒအလျောက် ကြိုးဝိုင်းကြိုးပြင် ကာကွယ်တောများတွင် အစုအဖွဲ့ပိုင် သစ်တော တည်ထောင်ခြင်း လုပ်ငန်းများအား ခွင့်ပြုမည် မဟုတ်ကြောင်း စစ်ကိုင်းတိုင်းဒေသကြီး သစ်တောဦးစီးဌာနမှ တိုင်းဒေသကြီး သစ်တောညွှန်ကြားရေးမှူး ဦးသန်းစိုး၏ ပြောကြားချက်အရ သိရသည်။

တစ်ပတ်ပေါင် (၅၀၀၀၀၀)ရရှိနေသော်လည်း အသင်းအတွက် အကျိုးမပြုနိုင်သည့် ဆန်းချက်ဇ်ဘက်မှ ပေါ့ဘာ ကာကွယ်

မန်ယူအသင်း၏ ကွင်းလယ်လူ ပေါ့ဘာသည် ပရီးမီးယားလိဂ်တွင် လစာငွေအများဆုံးအဖြစ် တစ်ပတ်ပေါင် (၅၀၀၀၀၀)ရရှိနေသော်လည်း ခြေစွမ်းပြနိုင်ခြင်းမရှိသည့် အလက်ဆစ်ဆန်းချက်ဇ်ဘက်မှ ကာကွယ်ပြောဆိုမှုများပြုလုပ်သွားခဲ့သည်။

အလက်ဆစ်ဆန်းချက်ဇ်သည် ၀ုလ်ဗ်အသင်းနှင့် ကစားခဲ့သည့်ပွဲစဉ်တွင် ခြေစွမ်းမပြနိုင်သဖြင့် လူစားလဲခံခဲ့ရသလို၊ ယင်းပွဲစဉ်တွင် ဂိုးမသွင်းနိုင်ခဲ့သည့်အတွက် ပရီးမီးယားလိဂ်ပွဲစဉ်များတွင် ဂိုးပေါက်ပျောက်ဆုံးမှုမှာ မိနစ် (၈၃၀)ကျော်အထိရှိလာခဲ့ပြီ ဖြစ်သည်။

ယင်းအတွက်ကြောင့် ဝေဖန်ပြစ်တင်မှုများနှင့် ရင်ဆိုင်နေရရာ ပေါ့ဘာက ” အလက်ဆစ်ဟာအလွန် ကြိုးစားတဲ့သူပါ။ လေ့ကျင့်ရေးကွင်းမှာလည်း သူအရမ်းကောင်းပါတယ်။ သူက အသင်းကို အမြဲတမ်းကူညီချင်တဲ့ ကစားသမားဖြစ်ပြီး အသင်းပိုကောင်းလာဖို့အတွက် ဆွေးနွေးမှုတွေ အမြဲတမ်းပြုလုပ်လေ့ရှိပါတယ်။ ခင်ဗျားကိုယ်တိုင်လည်း ကစားဟန်မတူတဲ့ အသင်းတစ်သင်းမှာ နှစ်ပေါင်းများစွာ ကစားလာတဲ့အခါ ပုံစံသစ်မှာ အံဝင်ခွင်ကျဖြစ်ဖို့ အချိန်လိုအပ်ပါတယ်။ အလက်ဆစ်ဆန်းချက်ဇ်အတွက်လည်း အချိန်လိုအပ်ပါတယ်။ မကြာခင်မှာ သူ့ရဲ့အကောင်းဆုံးပုံစံကို အားလုံး မြင်တွေ့ရပါလိမ့်မယ် ” ဟု ပြောကြားခဲ့သည်။

မန်စီးတီး-ချယ်လ်ဆီး-လီဗာပူးလ်တို့၏ ပတ်လည်ရလဒ်များက ချန်ပီယံဆုအတွက် အဆုံးအဖြတ်ဖြစ်နိုင်ဟု ဂွန်ဒိုဂန် သုံးသပ်

မန်စီးတီးအသင်း၏ ကွင်းလယ်လူ ဂွန်ဒိုဂန်က ယခုနှစ် ပရီးမီးယားလိဂ်ချန်ပီယံဆုအတွက် အပြိုင်လုရနိုင်သည့် အသင်း (၃)သင်းကို ပြောကြားခဲ့ရာ မန်ယူ၊ စပါး၊ အာဆင်နယ်တို့ မပါဝင်ခဲ့ဘဲ မန်စီးတီး-ချယ်လ်ဆီး-လီဗာပူးလ်တို့၏ ထိပ်တိုက်တွေ့ဆုံမှုရလဒ်များက အဆုံးအဖြတ်ဖြစ်လာနိုင်သည်ဟု သုံးသပ်ပြောကြားခဲ့သည်။

လက်ရှိအချိန်တွင် အမှတ်ပေးဇယားထိပ်ဆုံး၌ လီဗာပူးလ်၊ မန်စီးတီးနှင့် ချယ်လ်ဆီးအသင်းတို့က အစဉ်လိုက်ရပ်တည်လျက်ရှိနေပြီး လာမည့်ပွဲစဉ်များတွင် ယင်း(၃)သင်းအကြား ထိပ်တိုက်တွေ့ဆုံမှုများကိုတွေ့မြင်ရတော့မည်ဖြစ်သည်။

ဂွန်ဒိုဂန်က ” ကျွန်တော့်အမြင်မှာတော့ မကြာမီရင်ဆိုင်ရတော့မယ့် ကျွန်တော်တို့အသင်း (၃)သင်းအကြား ထိပ်တိုက်တွေ့ဆုံမှုရလဒ်တွေက အရမ်းအရေးကြီးပါတယ်။ ကျွန်တော်တို့အသင်းဟာ  မကြာခင်မှာ လီဗာပူးလ်အသင်းနဲ့ ကစားရတော့မှာဖြစ်ပြီး အန်ဖီးလ်ကွင်းမှာ ကစားရမယ့်ပွဲဟာ ကျွန်တော်တို့အတွက် တကယ့်စမ်းသပ်မှုအစစ်အမှန်လည်းဖြစ်ပါတယ်။ လက်ရှိအချိန်မှာ လီဗာပူးလ်အသင်းဟာ အလွန်တောင့်တင်းတဲ့အသင်းဖြစ်သလို၊ ချယ်လ်ဆီးအသင်းကလည်း အလွန်တောင့်တင်းတဲ့အသင်းတစ်သင်းပါ။ ကျွန်တော်တို့နဲ့ လီဗာပူးလ်ကစားမယ့်ပွဲလိုပဲ ချယ်လ်ဆီး-လီဗာပူးလ်ပွဲကလည်း ချန်ပီယံဆုအတွက် အရေးကြီးပါတယ်။ ရာသီကုန်ချိန်မှာ ကျွန်တော်တို့ (၃)သင်း ရဲ့ ပတ်လည်တွေ့ဆုံမှုတွေက ချန်ပီယံဆုကို အဆုံးအဖြတ်ပေးနိုင်တယ်လို့ ကျွန်တော်ယုံကြည်ပါတယ် ” ဟု ပြောကြားခဲ့သည်။

ဂွန်ဒိုဂန်သည် ကာဒစ်ဖ်အသင်းနှင့်ပွဲတွင် အသင်းအတွက်ပွဲ (၃၀၀)ပြည့်ပွဲစဉ်ကို ၀င်ရောက်ကစားသွားခဲ့သည့် အဂွဲရိုးကိုလည်း ချီးကျူးပြောဆိုမှုများ ပြုလုပ်ခဲ့သည်။

ပြည်တွင်း ရေကြောင်းပို့ဆောင်ရေးမှ ၀ါးတန်း-ဒလ ကူးတို့ခရီးစဉ်တွင် ကူးတို့ရေယာဉ် တစ်စင်းအား အောက်တိုဘာ ၁ ရက်တွင် စတင်ကာ ထပ်မံတိုးချဲ့ပြေးဆွဲပေးမည်

ပြည်တွင်းရေကြောင်း ပို့ဆောင်ရေးမှ ၀ါးတန်း-ဒလ ကူးတို့ခရီးစဉ် ပြေးဆွဲနေသည့် ကူးတို့ရေယာဉ်အား တွေ့ရစဉ်

ပြည်တွင်းရေကြောင်းပို့ဆောင်ရေးမှ ၀ါးတန်း-ဒလ ကူးတို့ခရီးစဉ်တွင် ကူးတို့ရေယာဉ် တစ်စင်းအား အောက်တိုဘာ ၁ ရက် တွင် စတင်ကာ ထပ်မံတိုးချဲ့ပြေးဆွဲပေးမည် ဖြစ်ကြောင်း သတင်းရရှိပါသည်။

ပြည်တွင်းရေကြောင်းပို့ဆောင်ရေး၊ မြစ်ဝကျွန်းပေါ်ဌာနခွဲမှ ၀ါးတန်း-ဒလ ကူးတို့ရေလမ်းတွင် ၀ါးတန်း မော်တော်ယာဉ် ဇက်ကူးတို့ဆိပ်မှ တစ်ဆင့် တစ်ဖက်ကမ်း ဒလသို့ ဇက်ရေယာဉ်များကို အသုံးပြု သွားလာနေသည့် ခရီးသည်များ ပိုမိုလွယ်ကူစွာ သွားလာနိုင်ရန် လက်ရှိပြေးဆွဲနေသည့် ဇက်ရေယာဉ် တစ်စင်းအပြင် နောက်ထပ် ဇက်ရေယာဉ် တစ်စင်းကို လာမည့် အောက်တိုဘာ ၁ ရက်မှစတင်ကာ ထပ်မံတိုးချဲ့ပြေးဆွဲပေးမည် ဖြစ်ကြောင်း သိရသည်။

“အောက်တိုဘာ ၁ ရက်ကစပြီး ၀ါးတန်း-ဒလ ကူးတို့ရေလမ်းမှာ ဇက်ရေယာဉ်တစ်စင်းကို ထပ်မံတိုးချဲ့ ပြေးဆွဲပေးသွားမှာပါ။ လက်ရှိက ဇက်ရေယာဉ် တစ်စင်းတည်းနဲ့ ပြေးဆွဲပေးနေတာဖြစ်လို့ နောက်ထပ် ရေယာဉ်တစ်စင်း ထပ်မံတိုးချဲ့ ပြေးဆွဲပေးတာ ဖြစ်ပါတယ်” ဟု ပြည်တွင်းရေကြောင်း ပို့ဆောင်ရေးမှ တာဝန်ရှိသူတစ်ဦးက ပြောပြခဲ့သည်။

ပြည်တွင်းရေကြောင်းပို့ဆောင်ရေးဌာနသည် ပို့ဆောင်ရေးနယ်မြေအလိုက် ခရီးသည်နှင့် ကုန်စည်ပို့ဆောင်ရေးဌာနခွဲ ၆ ခု ဖြင့် ဖွဲ့စည်းထားပြီး ဌာနပိုင် ရေယာဉ်များဖြင့် ကူးတို့လမ်းများ အပါအ၀င် ခရီးသည်နှင့် ကုန်စည်ပို့ဆောင်ရေး ခရီးလမ်းများ ပြေးဆွဲခြင်း၊ ကုန်စည်သီးသန့် ပို့ဆောင်ခြင်း လုပ်ငန်းများကို ဆောင်ရွက်နေကြောင်း သိရသည်။

ယင်းပြင် ဌာနပိုင် ရေယာဉ်/တွဲယာဉ်များ အသစ်တည်ဆောက်ခြင်းနှင့် ပြုပြင်ခြင်းများ ဆောင်ရွက်ရန် ဌာနပိုင် သင်္ဘောကျင်း ခြောက်ကျင်းရှိပြီး အဆိုပါ သင်္ဘောကျင်းများတွင် ဌာနပိုင် ရေယာဉ်နှင့် တွဲယာဉ်များသာမက ပုဂ္ဂလိကပိုင် ရေယာဉ်များကို သတ်မှတ်နှုန်းထားများဖြင့် အသစ် တည်ဆောက်ခြင်းနှင့် ပြုပြင်ခြင်းများကို ဆောင်ရွက်နေကြောင်း သိရသည်။

ပြည်တွင်းရေကြောင်းပို့ဆောင်ရေးဌာန အနေဖြင့် နိုင်ငံတကာ အထောက်အပံ့နှင့် ဆောင်ရွက်သည့်လုပ်ငန်း အနေဖြင့် ဂျပန်အစိုးရ၏ ကူညီမှုဖြင့် ရခိုင်ပြည်နယ် တောင်ပိုင်းဒေသ ရေလမ်းခရီး၌ အသုံးပြုရန် ဂျပန်နိုင်ငံတွင် အသုံးပြုဆဲ ခရီးသည်တင် အမြန်ရေယာဉ် နှစ်စီးနှင့် ဂျပန်နိုင်ငံတွင် အသစ်တည်ဆောက်မည့် ခရီးသည်တင် အမြန်ရေယာဉ် တစ်စင်း၊ စုစုပေါင်း ရေယာဉ်သုံးစီး ပေးအပ်ခဲ့ကြောင်း သိရသည်။

အဆိုပါ ရေယာဉ်သုံးစီးအနက် ပထမတစ်စင်း ဖြစ်သည့် ကစ္ဆပနဒီ ၁ ခရီးသည်တင် အမြန်ယာဉ်အား ၂၀၁၇၊ မတ်လတွင် လည်းကောင်း၊ ဒုတိယ တစ်စင်းဖြစ်သည့် ကစ္ဆပနဒီ ၁ ခရီးသည်တင် အမြန်ယာဉ်အား ၂၀၁၇၊ ဇူလိုင်တွင် လည်းကောင်း လက်ခံရရှိခဲ့ကြောင်း သိရသည်။ ဆက်လက်၍ ကျန်ရှိ ခရီးသည်တင် ရေယာဉ်တစ်စင်းဖြစ်သည့် ကစ္ဆပနဒီ ၃ ခရီးသည်တင် ရေယာဉ်အား ဂျပန်နိုင်ငံတွင် အသစ်တည်ဆောက်နေပြီး ၂၀၁၉၊ ဧပြီလခန့်တွင် မြန်မာနိုင်ငံသို့ ရောက်ရှိမည်ဟု သိရသည်။