ကမ္ဘာ့အပူဆုံးမြို့ ၁၅ မြို့တွင် မကွေး တိုင်းချောက်မြို့မှာ ထိပ်ဆုံးသို့ ပြန်ရောက် လာပြီး အပူချိန် ၄၇ ဒီဂရီစင်တီဂရိတ်တွင် ရှိ နေကြောင်း မိုးလေဝသ သတင်းများဖော်ပြ လျက်ရှိသည့် Eldorado Weather ၌ ဖော်ပြ ထားသည်။

ဧပြီ ၂၇ ရက် မြန်မာ စံတော်ချိန် မွန်းတည့် တစ်နာရီတွင်  ထုတ်ပြန်ထားသည့် စာရင်းအရ ကမ္ဘာ့အပူဆုံးမြို့ ၁၅ မြို့တွင် မြန် မာနိုင်ငံမှ ချောက်မြို့နှင့် ညောင်ဦးမြို့များ ပါ ဝင်နေပြီး ချောက်မြို့မှာ အပူချိန် ၄၇ ဒသမ ၁ ဒီဂရီစင်တီဂရိတ်ဖြင့် နံပါတ် ၂ နေရာသို့ ပြန်လည်ရောက်ရှိလာခြင်းဖြစ်သည်။ 

ညောင်ဦးမြို့မှာ ၄၄ ဒသမ ၇ ဒီဂရီစင်တီ ဂရိတ်ဖြင့် နံပါတ် ၈ နေရာတွင် ရောက်ရှိနေ သည်ကို တွေ့ရသည်။

ချောက်မြို့မှာ ဧပြီ ၂၆ ရက်က အဆင့် ၄ သို့ ပြန်လည်ကျဆင်းခဲ့ရာမှ နောက်တစ်ရက် တွင် အပူချိန်ပြန်လည်မြင့်တက်လာကာ အဆင့် ၂ သို့ ပြန်လည်ရောက်ရှိလာခြင်းလည်း ဖြစ်သည်။

သို့သော် ဧပြီလပိုင်းမှစတင်ကာ ကမ္ဘာ့အ ပူဆုံးမြို့များစာရင်းတွင် ချောက်မြို့မှာပါဝင် လာခဲ့ပြီး ထိပ်ဆုံးနေရာတွင် တည်ရှိခဲ့သည်မှာ ဧပြီတစ်လလုံးနီးပါးရှိခဲ့သည်ဟု ဆိုရမည်ဖြစ် သည်။

မြန်မာနိုင်ငံ မိုးလေဝသနှင့် ဇလဗေဒ ညွန်ကြားမှုဦးစီးဌာန၏ ထုတ်ပြန်ချက်များအ ရ ဧပြီလ တတိယပတ်အတွင်း မြန်မာနိုင်ငံအ လယ်ပိုင်းဒေသများတွင် ဧပြီလ ပျမ်းမျှအပူ ချိန်၏ ၁ ဒသမ ၅ ဒီဂရီ ဆဲလ်စီးယပ်နှင့်အထက် နေ့အပူချိန်ပိုနိုင်ကြောင်း ထုတ်ပြန်ခဲ့သည်။

နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသ ကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသ ကြီး၊ ဧရာဝတီတိုင်းဒေသကြီး၊ တနင်္သာရီတိုင်း ဒေသကြီး၊ ရှမ်းပြည်နယ်၊ ကယားပြည်နယ် နှင့် မွန်ပြည်နယ်တို့တွင် ဧပြီလ ပျမ်းမျှအပူ ချိန်၏ ၁ ဒသမ ၅ ဒီဂရီဆဲလ်စီးယပ်နှင့်အထက် ပိုနိုင်ပြီး ကချင်၊ ချင်း၊ ရခိုင်နှင့် ကရင်ပြည် နယ်တို့တွင် ဧပြီလ ပျမ်းမျှအပူချိန်ခန့်သာ ရှိနိုင်ကြောင်း မိုးဇလက ထုတ်ပြန်ခဲ့သည်။

မြန်မာနိုင်ငံ မိုးလေဝသနှင့် ဇလဗေဒ ညွန်ကြားမှုဦးစီးဌာန၏ ထုတ်ပြန်ချက်အရ မကွေးတိုင်းဒေသကြီး ချောက်မြို့သည်  ဧပြီ ၆ ရက်တွင် နှစ်ပေါင်း ၅၆ နှစ်အတွင်း အပူ ချိန် စံချိန်သစ်တင်ခဲ့သည်ဟု သိရသည်။

နှစ်ပေါင်း ၅၆ နှစ်အတွင်း အမြင့်ဆုံးအပူ ချိန် စံချိန်ဟောင်း ၄၇ ဒီဂရီဆဲလ်စီးယပ်မှ အမြင့်ဆုံးအပူချိန် စံချိန်သစ် ၄၇ ဒသမ ၄ ဒီဂရီဆဲလ်စီးယပ်အထိ စံချိန်သစ်တင်ခဲ့ ကြောင်း၊ အလားတူ ညောင်ဦးမြို့၌ စခန်းဖွင့် သည့်နှစ်မှစ၍ နှစ်ပေါင်း ၅၉ နှစ်အတွင်းအ မြင့်ဆုံးအပူချိန်စံချိန်ဟောင်း ၄၅ ဒီဂရီ ဆဲလ် စီးယပ်မှ အမြင့်ဆုံးအပူချိန်စံချိန်သစ် ၄၅ ဒသမ ၂ ဒီဂရီဆဲလ်စီးယပ်အထိ စံချိန်သစ် တင်ခဲ့ကြောင်း မိုးလေဝသနှင့် ဇလဗေဒ ညွန် ကြားမှု ဦးစီးဌာန၏ ထုတ်ပြန်ချက်အရ သိရ သည်။ အလားတူ ဟဲဟိုးမြို့၌ စခန်းဖွင့်သည့်နှစ် မှစ၍ နှစ်ပေါင်း ၄၅ နှစ်အတွင်း အမြင့်ဆုံးအပူ ချိန်စံချိန်ဟောင်း ၃၇ ဒသမ ၄ ဒီဂရီဆဲလ်စီး ယပ်မှ အမြင့်ဆုံးအပူချိန်စံချိန်သစ် ၃၇ ဒသမ ၈ ဒီဂရီဆဲလ်စီးယပ်အထိ စံချိန်သစ်တင်ခဲ့ ကြောင်း၊ လွိုင်လင်မြို့၌ စခန်းဖွင့်သည့်နှစ်မှ စ၍ နှစ်ပေါင်း ၅၇ နှစ်အတွင်း အမြင့်ဆုံးအပူ ချိန်စံချိန်ဟောင်း ၃၆ ဒီဂရီဆဲလ်စီးယပ်မှ အမြင့်ဆုံးအပူချိန်စံချိန်သစ် ၃၆ ဒသမ ၆ ဒီဂရီဆဲလ်စီးယပ်အထိ စံချိန်သစ်တင်ခဲ့ ကြောင်း သိရသည်။

ဧပြီလဆန်းပိုင်းမှ စတင်ကာမြန်မာနိုင်ငံ ရှိ မြို့များတွင် အပူချိန်များမြင့်တက်မှုကြောင့် လူသေဆုံးမှုများလည်း ရှိလာခဲ့သည်။