နာပိုလီအသင်း၏ နည်းပြသစ်ဖြစ်သူ ကွန်တီသည် အသင်း၏ဂျော်ဂျီယာကြယ်ပွင့်တောင်ပံကစားသမား ခွါရတ်စကယ်လီယာ (၂၃ နှစ်)အား လုံးဝရောင်းချမည်မဟုတ်ကြောင်း အတည်ပြုပြောကြားခဲ့သည်။
ခွါရတ်စကယ်လီယာသည် နာပိုလီအသင်းနှင့်အတူ အကောင်းဆုံးခြေစွမ်းပြနေနိုင်သူဖြစ်ပြီး ၂၀၂၂-၂၃ ရာသီအသင်း၏ သမိုင်းဝင်စကူဒက်တို ချန်ပီယံအောင်ပွဲတွင် အဓိကနေရာမှ ပါဝင်ခဲ့သူဖြစ်သည်။
လက်ရှိတွင်ခွါ ရတ်စကယ်လီယာအားခေါ်ယူရန်အတွက် ပြင်သစ်ထိပ်သီးကလပ် PSG အသင်းကစိတ်ဝင်စားနေပြီး ချဉ်းကပ်မှုများပြုလုပ်နေခြင်းအပေါ် နာပိုလီအသင်းနည်းပြ ကွန်တီက တုံ့ပြန်ခဲ့ခြင်း ဖြစ်သည်။
ကွန်တီက "ဒါဟာ (ခွါရတ်စကယ်လီယာ၏ အနာဂတ်နှင့်ပတ်သက်၍) အငြင်းပွားဖွယ်ရာမရှိပါဘူး။ အဖြေကရိုးရှင်းပါတယ်။ ခွါရတ်ဟာ ဒီအသင်းမှာပဲ ဆက်ရှိနေမှာပါ" ဟိုဆိုခဲ့သည်။ ခွါရတ်စကယ်လီယာသည် နာပိုလီအသင်းအတွက် (၂)ရာသီအတွင်းပြိုင်ပွဲစုံ (၈၈)ပွဲကစားရာတွင် (၂၅) ဂိုးသွင်းယူပေးထားနိုင်သည်။
