လာမည့်နွေရာသီတွင် လေဗာကူဆင်အသင်း၌ နည်းပြ ရှာဘီအလွန်ဆို ဆက်ရှိနေမည်ဖြစ်ကြောင်း ဂျာမန်ဘောလုံးဂန္ထဝင် လိုသာမားသီးယက်စ်က ခန့်မှန်းခဲ့သည်။
အလွန်ဆိုသည် လေဗာကူဆင်အသင်းတွင် အံ့အားသင့်ဖွယ် စွမ်းဆောင်ထားနိုင်မှုကြောင့် သူ၏အသင်းဟောင်းများဖြစ်သည့် လီဗာပူးလ်နှင့် ဘိုင်ယန်မြူးနစ်အသင်းများက အလိုရှိနေသည်။
အလွန်ဆို၏လေဗာကူဆင်အသင်းသည် ဘွန်ဒစ်လီဂါသမိုင်းတစ်လျှောက် ပထမဆုံးအကြိမ် ဗိုလ်စွဲရန် နီးစပ်နေပြီး ဂျာမန်ဖလား ဆီမီးဖိုင်နယ်နှင့် ယူရိုပါလိဂ်(၁၆)သင်းအဆင့်သို့လည်း တက်ရောက်ထားပြီးဖြစ်သည်။