Lies Hidden in My Garden ဒရာမာ ဇာတ်လမ်းတွင် မင်းသမီးလင်ဂျီယွန်း၏ ပဲခေါက်ဆွဲအား အငမ်းမရစားနေသည့်ဇာတ်ဝင်ခန်းအပေါ် ပရိသတ်စိတ်ဝင်စားမှု မြင့်တက်ခဲ့သည်။

Lies Hidden in My Garden ဒရာမာ ထုတ်လွှင့်ခဲ့ပြီးချိန်၌ ဇွန် ၂၁ ရက်တွင် လူမှုမီဒီယာပလက်ဖောင်းများနှင့် “Lies Hidden in My Garden”နှင့် “Meal After Husband’s Death” အပါအဝင် အမျိုးမျိုးသော Keywords များ ရေပန်းစားလာခဲ့သည်။

ယင်းဒရာမာမှ လင်ဂျီယွန်းပါဝင်သရုပ်ဆောင်ထားသည့် ဇာတ်ကောင်ချူးဆန်အွန်းသည် ပဲခေါက်ဆွဲကို အငမ်းမရစားသောက်နေသည့် ဇာတ်ဝင်ခန်းအား အွန်လိုင်းတွင် ပို့စ်အမျိုးမျိုးဖြင့် တင်ခဲ့ကြခြင်းဖြစ်သည်။

ယင်းဇာတ်ဝင်ခန်း၌ ချူးဆန်အွန်းသည် ၎င်းအား ညှင်းပန်းနှိပ်စက်လေ့ရှိသည့် ခင်ပွန်းဖြစ်သူ သေဆုံးမှုအတွက် ရဲစခန်းတွင်သွားရောက်စစ်ဆေးမေးမြန်းမှုခံယူခဲ့ပြီးနောက် စားသောက်ဆိုင်တစ်ဆိုင်သို့သွားရောက်ကာ ပဲခေါက်ဆွဲ၊ ဝက်ချိုချဉ်နှင့် ဖက်ထုတ်များကို စားသောက်ခဲ့သည်။

ယင်းအပိုင်းကို ထုတ်လွှင့်ခဲ့ပြီးနောက် အင်တာနက်အသုံးပြုသူများက ၎င်းတို့သည် လင်ဂျီယွန်းမှာစားခဲ့သည့် အစားအစာများကို ဝယ်ယူစားသုံးခဲ့ကြောင်း ဓာတ်ပုံများကို လူမှုမီဒီယာများတွင်တင်ခဲ့သည်။

အင်တာနက်အသုံးပြုသူအများအပြားက လင်ဂျီယွန်း၏ စားသောက်ပုံကိုကြည့်၍ ၎င်းတို့သည်လည်း ယင်းအစားအစာများကို စားချင်စိတ်ပေါ်လာသည်ဟု ပြောကြားခဲ့သည်။

Lies Hidden in My Garden ရုပ်ရှင်သည် နေအိမ်ခြံဝန်းအနောက်ဘက်မှ ထူးဆန်းသည့်အနံ့တစ်ခုရရှိခဲ့ပြီးနောက် မတူညီသည့် ဘဝနှစ်ခုပိုင်ဆိုင်ထားသည့် အမျိုးသမီးနှစ်ဦး တွေ့ဆုံရန် အကြောင်းဖန်လာသည့်အကြောင်းကို ရိုက်ကူးထားခြင်းဖြစ်သည်။