စစ်ကိုင်းတိုင်းဒေသကြီး ကသာမြို့ ရပ်ကွက်(၁)တွင် မတ် ၁၆ ရက် ညနေပိုင်းက နေအိမ် ခုနှစ် လုံး မီးလောင် ဆုံးရှုံးခဲ့ကြောင်း မြို့ခံများထံမှ သိရသည်။
မတ် ၁၆ ရက် ညနေ ၄ နာရီခွဲတွင် မီးစတင်လောင်ကျွမ်းခဲ့ပြီး ညနေ ၆ နာရီတွင် မီးငြိမ်းသတ်နိုင်ခဲ့ကြောင်း ကသာမြို့ခံ အမျိုးသားတစ်ဦးက ပြောကြားသည်။
"ပျဉ်အိမ်တွေက စလောင်တာ။ပျဉ်အိမ်တွေတော့ ပြာကျသွားတယ်။သုံးထပ်တိုက်နှစ်ခုကတော့ မီး ဟပ်သွားတယ်ဗျ။ အားလုံး ၇ လုံးထိတယ်။ အဝတ်အစားပါ မရတဲ့ အိမ်တွေရှိတယ်။ လူညီလို့ မဟုတ်ရင် ဒီထက်လောင်နိုင်သေးတယ်"ဟု မီးငြိမ်းရာတွင် ပါဝင်သူကဆိုသည်။
မီးလောင်ရခြင်းအကြောင်းရင်းကို စုံစမ်းနေပြီး ဂက်(စ်)အိုး ပေါက်ကွဲခြင်းနှင့် အမှိုက်မီးရှို့ရာမှ စတင်လောင်ကျွမ်းသည်ဟု ဒေသခံများ၏ ပြောဆိုမှုများအရ သိရသည်။
