မည်သည့်နည်းပြနှင့်မျှ မိမိတို့ ဆွေးနွေးမှု မရှိသေးဟု ဘိုင်ယန်မြူးနစ်အားကစားဒါရိုက်တာ ဆို
Photo: X
ဘိုင်ယန်မြူးနစ်အသင်း၏ အားကစားဒါရိုက်တာအသစ်ဖြစ်သူ မက်စ်အီဘာလ်က မိမိတို့အနေဖြင့် မည်သည့်နည်းပြနှင့်မျှ ဆွေးနွေးမှုမရှိသေးဟု ပြောကြားခဲ့သည်။
ဘိုင်ယန်မြူးနစ်အသင်းသည် ရာသီကုန်တွင် လက်ရှိနည်းပြ သောမတ်စ်တူဟယ်လ်နှင့် လမ်းခွဲမည်ဖြစ်၍ အစားထိုးရန် နည်းပြသစ်ရှာဖွေနေရာ လေဗာကူဆင်နည်းပြ ရှာဘီအလွန်ဆိုကို ခန့်အပ်ရန် ကြိုးပမ်းနေကြောင်း သတင်းထွက်နေသည်။
မက်စ်အီဘာလ်ကမူ ''ဘယ်သူနဲ့မှ ကျွန်တော်တို့ စကားမပြောရသေးပါဘူး။ တခြားအသင်းက နည်းပြတွေအကြောင်းလည်း မပြောချင်ပါဘူး။ ကျွန်တော်တို့ လေးစားမှုရှိပါတယ်''ဟု ဆိုခဲ့သည်။
