BTS အဖွဲ့ဝင်ခုနစ်ဦးအနက် အာအမ်၊ ဗွီ ၊ ဂျီမင်နှင့် ဂျန်ကွတ်တို့ စစ်မှုထမ်းရန်ကျန်နေသေးပြီး ယခုသူတို့လေးဦး စစ်မှုစထမ်းမည့် နေ့ရက်များ ထွက်လာပြီဖြစ်သည်။
နိုဝင်ဘာ ၂၉ ရက်တွင် Star News Korea မီဒီယာက အာအမ်(၂၉ နှစ်)နှင့် ဗွီ(၂၇ နှစ်) တို့ ဒီဇင်ဘာ ၁၁ ရက်တွင် စစ်မှုထမ်းတော့မည်ဖြစ်ပြီး ဂျီမင်(၂၈နှစ်)နှင့် ဂျန်ကွတ် (၂၆ နှစ်)တို့က ဒီဇင်ဘာ ၁၂ ရက်တွင် စစ်မှု ထမ်းမည်ဟု ဖော်ပြခဲ့သည်။
သူတိ့ုလေးဦး စစ်မှုထမ်းရေးအတွက် စာရင်းပေးသွင်းမှုများ စတင်နေပြီဟု BTS အေဂျင်စီ Bit Hit Music က နိုဝင်ဘာ ၂၂ ရက်ကတည်းက ကြေညာထားသည်။ ထိုနေ့မှာပင် ဂျန်ကွတ်က “ အခုလာမယ့်ဒီဇင်ဘာမှာ ပရိသတ်တွေနဲ့ ခဏခွဲရပါမယ်။ စစ်မှုထမ်းတော့မှာပါ။ ပြန်လာတဲ့အခါ ကျွန်တော်အမြဲရှိ နေကျနေရာ(စတိတ်စင်ပေါ်)မှာပဲ ရှိနေမယ်လို့ ကတိပေးပါတယ်}}ဟု ပရိသတ်ကို အသိပေးခဲ့သည်။
အဖွဲ့ဝင်အချို့ စစ်မှုထမ်းနေသည့်အတွက် BTS အဖွဲ့လိုက်လှုပ်ရှားမှုများကို ခေတ္တရပ်ထားရပြီး အဖွဲ့ဝင်ခုနစ်ဦးစလုံး စစ်မှုထမ်းအပြီး၂၀၂၅ ခုနှစ် နှစ်လယ နောက်ပိုင်းမှသာ ဂီတလှုပ်ရှားမှုများ ပြန်မြင်ရဖွယ်ရှိသည်။
ဂျင်က၂၀၂၂ ခုနှစ်၊ ဒီဇင်ဘာ ၁၃ ရက်တွင် စစ်မှုစထမ်းပြီး သူက BTS အဖွဲ့တွင် အသက်အကြီးဆုံးလည်းဖြစ်၊ ပထမဆုံး စစ်မှုထမ်းသူလည်း ဖြစ်သည်။သူ့နောက်တွင် ဂျေဟုပ်နှင့်ရှူဂါတို့ စစ်မှုထမ်းလိုက်ကြသည်။
တိုကျိုတွင် လတ်တလောကျင်းပထားသည့် 2023 MA MA Awards တေးဂီတ ဆုပေးပွဲတွင် BTS က Worldwide Icon of the Year ဆုကို ဆွတ်ခူးထားပြီး ထိုဆုကို ခြောက်နှစ်ဆက်တိုက် သိမ်းပိုက်ထားခြင်း ဖြစ်သည်။
