မင်းသမီး မားဂေါ့ရော့ဘီနှင့် မင်းသား ရိုင်ယန်ဂေါ့စလင်းတို့ တွဲဖက်သရုပ်ဆောင်ထားသည့် Barbie ဇာတ်ကားက မြောက်အမေရိကတွင် ဝင်ငွေအကောင်းဆုံး ရုံတင်ဇာတ်ကားဖြစ်နေသည်မှာ သုံးပတ်ဆက်တိုက်ရှိပြီ ဖြစ်သည်။ပြီးခဲ့သည့်သောကြာ၊စနေ၊တနင်္ဂနွေ သုံးရက်အတွင်း Barbie ရုံတင်ပြသမှုမှ ဝင်ငွေ အမေရိကန်ဒေါ်လာ ၅၃ သန်းရခဲ့ပြီး ဇူလိုင် ၂၁ ရက်တွင် ဇာတ်ကားစတင်ရုံတင်ပြီးနောက် ကမ္ဘာတစ်ဝန်း ဝင်ငွေဒေါ်လာတစ်ဘီလျံကျော် ရခဲ့သည်။
Variety အဆိုအရ Barbie ဇာတ်ကားသည် ကိုဗစ်ကပ်ဘေးဆိုက်ပြီးနောက်ပိုင်း ဝင် ငွေဒေါ်လာတစ်ဘီလျံကျော်ရှာနိုင်သည့် ခြောက်ကားမြောက် ဇာတ်ကားဖြစ်သည်။ပြီးခဲ့သည့်တစ်ပတ် လူကြည့်အများဆုံး နံပါတ်(၂)ရုံတင်ဇာတ်ကားက Meg 2: The Trench ဖြစ်ပြီး Oppenheimer ကနံပါတ်(၃) ၊ အန်နီးမေးရှင်းဇာတ်ကား Teenage Mutant Ninja Turtles: Mutant Mayhem က နံပါတ်(၄)၊ Haunted Mansion က နံပါတ်(၅)ဖြစ်သည်။
