တောင်ကိုရီးယား ရက်ပ်ဂီတအဆိုတော် CL သည် နွေရာသီတွင် သီချင်းအသစ်တစ်ပုဒ်နှင့်အတူ ပြန်လာမည်ဖြစ်ပြီး သြဂုတ်လလယ်ပိုင်းတွင် ပြန်လာရန်ရည်မှန်းထားသည်ဟု Xportsnews က ဇူလိုင် ၂၃ ရက်တွင် ဖော်ပြခဲ့သည်။

အဆိုပါနေ့နှောင်းပိုင်းတွင် CL ၏တေးသံသွင်းဖြစ်သည့် Very Cherry က နွေရာသီတွင် သီချင်းသစ်ထွက်နိုင်ရန် CL ပြင်ဆင်နေကြောင်းလည်း Newsen သို့ အတည်ပြုခဲ့သည်။

Wish You Were Here အမည်ရှိသည့် သီချင်းကို ဖေဖော်ဝါရီတွင် ထွက်ရှိပြီးကတည်းက ယခု comeback တွင် CL ကို ပထမဆုံးအကြိမ် ပြန်မြင်ရမည်ဖြစ်သည်။

ယခုလအစောပိုင်းတွင်လည်း တောင်ကိုရီးယား အဆိုတော် Kang Daniel ၏ KONNECT Entertainment အေဂျင်စီနှင့် CL တို့ စာချုပ်ချုပ်ဆိုထားပြီး အဆိုပါစာချုပ်သည် သူမ၏ အသစ်ထွက်ရှိလာမည့် “ALPHA” တေးအယ်လ်ဘမ်သစ် ပရိုမိုးရှင်းနှင့် တောင်ကိုရီးယားနိုင်ငံအတွင်း သူမ၏လှုပ်ရှားမှုများအတွက်ဟု သိရသည်။