မန်စီးတီးအသင်းသည် နာပိုလီနောက်ခံလူ ကူလီဘလီကို ကြေးတိုးမြှင့်ကမ်းလှမ်းရန် စီစဉ်နေကြောင်း သိရသည်။
Sky Sport Italia အပါအဝင် မီဒီယာများ၏ ဖော်ပြမှုအရ မန်စီးတီးအသင်း၏ ယူရို(၆၃)သန်းဖြင့် ကမ်းလှမ်းမှုကို နာပိုလီအသင်းက ပယ်ချခဲ့ပြီး နာပိုလီအသင်းဥက္ကဋ္ဌ ဒီလော်ရန်တစ်က ယူရိုသန်း(၈၀)ရရှိရန် မျှော်လင့်နေသည်ဟု သိရသည်။
ထို့ကြောင့် မန်စီးတီးအသင်း သည် ကြေးတိုးမြှင့်၍ ဒုတိယအကြိမ် ကမ်းလှမ်းရန် စီစဉ်နေခြင်းဖြစ်ကြောင်း သိရသည်။
ကူလီဘလီကို ခေါ်ယူရန် ဥရောပထိပ်တန်းအသင်း များစွာက စိတ်ဝင်စားနေကြပြီး ယင်းထဲတွင် မန်စီးတီးအသင်း၏ မြို့ခံပြိုင်ဘက် မန်ယူအသင်းကလည်း ပါဝင်ကြောင်း သိရသည်။
အသက် (၂၉)နှစ်အရွယ်ရှိ ဆီနီဂေါနောက်ခံလူ ကူလီဘလီသည် နာပိုလီအသင်းအတွက် (၆)ရာသီတွင် ပြိုင်ပွဲစုံ (၂၄၆)ပွဲ ကစားထားပြီး (၁၀)ဂိုး သွင်းယူထားသည်။
