ဇွန် (၂၅) ရက်နေ့က ယှဉ်ပြိုင်ခဲ့တဲ့ ၂၀၂၄ ကိုပါအမေရိက အုပ်စုပွဲစဉ် (၁)မှာ ကော်စတာရီကာအသင်းကို ဂိုးမရှိသရေသာ ကစားနိုင်ခဲ့ပြီးတဲ့နောက် ဘရာဇီးလ်လက်ရွေးစင်အသင်းအပေါ် ဝေဖန်ပြစ်တင်မှုတွေ၊  စိတ်ပျက်ဝမ်းနည်းမှုတွေ ဖုံးလွှမ်းသွားခဲ့တယ်။ တောင်အမေရိကရဲ့ ဂုဏ်သိက္ခာအကြီးဆုံးပြိုင်ပွဲမှာ ဘရာဇီးလ်လို တောင်အမေရိကရဲ့ ဥသျှောင်အသင်းတစ်သင်းက ကိုယ့်ထက်အစစအရာရာအားနည်းတဲ့ မြောက်အမေရိကဇုန်အသင်းတစ်သင်းကို ဂိုးတစ်ဂိုးတောင်မသွင်းနိုင်ခဲ့တာက တကယ်ကိုနာကျင်စရာပါပဲ။ ဒီအတွက်လည်း ဘရာဇီးလ်ရဲ့ လက်ရှိခြေစွမ်းအပေါ်၊ ဘရာဇီးလ်ကစားသမားတွေရဲ့ ခံယူချက်နဲ့ ပေးဆပ်လိုမှုတွေအပေါ် ပရိသတ်တွေကစလို့ ဂန္ထဝင်ကစားသမားကြီးတွေအဆုံး အားမလိုအားမရဖြစ်ကြတယ်။