ထိုင်းနိုင်ငံ တောင်ပိုင်း အချုပ်ထောင်များတွင် ပြစ်ဒဏ်ကျခံခဲ့ရသည့် မြန်မာနိုင်ငံသား ၁၂၀ ဦး မှာ ဇွန်လ ၁၇ ရက်က ကော့သောင်းမြို့သို့ ပြန်လည်ရောက်ရှိလာကြောင်း သိရသည်။
မြန်မာနိုင်ငံသား (၁၂၀) ဦးမှာ ဇွန်လ ၁၇ ရက် က ထိုင်းနိုင်ငံ၊ ရနောင်းမြို့မှတဆင့်မြန်မာနိုင်ငံ၊ ကော့သောင်းမြို့သို့ ပြန်လည်ရောက်ရှိလာရာ တာဝန်ရှိသူများကကြိုဆိုနေရာချ ထားပေးခဲ့ကြောင်းသိရသည်။
ပြန်လည်ရောက်ရှိလာသည့် မြန်မာနိုင်ငံသားများတွင်အမျိုးသား (၁၀၀) ဦးနှင့်အမျိုးသမီး (၂၀) ဦးပါဝင်ကြောင်းသိရသည်။
မြန်မာနိုင်ငံသားများကိုထိုင်း တာဝန်ရှိသူများက ထိုင်းနိုင်ငံ၊ရနောင်းမြို့မှတဆင့် ပဲ့ချိတ်လှေများဖြင့်ကော့သောင်းမြို့သို့ ပို့ဆောင်ပေးခဲ့ခြင်းဖြစ်ကြောင်းသိ ရသည်။
မြန်မာနိုင်ငံသားများကိုကော့သောင်းမြို့မှတာဝန်ရှိသူ များက ကိုဗစ်- ၁၉ စစ်ဆေးခြင်း၊ကိုယ်ရေးအချက်အလက်စစ် ဆေးခြင်း၊အသိပညာပေးခြင်းများကိုဆောင်ရွက်ခဲ့ကြောင်း သိရသည်။ထိုင်းနိုင်ငံအနေဖြင့်မြန်မာနိုင်ငံသားများကို ကော့သောင်းမြို့သို့ ပြန်လည်ပို့ဆောင်ရာတွင်ဇွန်လအတွင်း(၂)ကြိမ်ရှိခဲ့ပြီး စုစုပေါင်း မှာ(၂၄၀) ဦးကိုပို့ဆောင်ခဲ့ပြီးဖြစ်ကြောင်းသိရသည်။
