အေစီမီလန်အသင်းသည် လာမည့်နွေရာသီတွင် လက်ရှိနည်းပြ ပီအိုလီနှင့် လမ်းခွဲပြီး နည်းပြအပြောင်းအလဲပြုလုပ်ရန် စီစဉ်နေရာ နည်းပြသစ်အဖြစ် ခန့်အပ်ရန် ရည်ရွယ်ထားသည့် လျာထားစာရင်းတွင် နိုက်စ်နည်းပြ ဖာရီအိုလီလည်း ပါဝင်လာကြောင်း သိရသည်။
ပီအိုလီသည် ၂၀၂၁-၂၂ ရာသီတွင် အေစီမီလန်အသင်းကို စီးရီးအေ ချန်ပီယံဆုရရှိအောင် စွမ်းဆောင်ပေးနိုင်ခဲ့သော်လည်း လက်ရှိအချိန်တွင် ၎င်း၏ ဦးဆောင်မှုကို အေစီမီလန်အသင်းတာဝန်ရှိသူများက သဘောကျခြင်း မရှိတော့သည့်အတွက် အပြောင်းအလဲပြုလုပ်ရန် စီစဉ်နေခြင်းဖြစ်ကြောင်း သိရသည်။
အေစီမီလန်အသင်းသည် ပီအိုလီ၏နေရာတွင် အစားထိုးရန်အတွက် လိုပယ်တယ်ဟီ၊ ဖွန်ဆီကာ၊ ဗန်ဘွန်မဲလ်၊ တယ်ဒက်စ်ကို စသည့် နည်းပြများနှင့်အတူ ဖာရီအိုလီကိုလည်း လျာထားစာရင်းတွင် ထည့်သွင်းလာခဲ့ခြင်းဖြစ်ကြောင်း သိရသည်။
ဖာရီအိုလီ(၃၅ နှစ်) သည် ဘောလုံးသမားအဖြစ် ဖြတ်သန်းခဲ့ဖူးသူမဟုတ်ဘဲ ၂၀၂၁ ခုနှစ်တွင် နည်းပြလောကသို့ စတင်ဝင်ရောက်ခဲ့သူဖြစ်သည်။
နိုက်စ်အသင်းကို ရလဒ်ကောင်းများ ရယူပေးနိုင်ခဲ့ခြင်းကြောင့် အေစီမီလန်က ၎င်းကို မျက်စိကျနေခြင်းဖြစ်ကြောင်း သိရသည်။
အေစီမီလန်အသင်း၏ နည်းပြသစ် လျာထားစာရင်းတွင် ဖာရီအိုလီ ပါဝင်လာ
Most Read
Most Recent
8 hours ago
8 hours ago
8 hours ago