လက်ဘနွန်မှ အစ္စရေးသို့ ဒုံးကျည် ၅၅ စင်းကျော် ပစ်လွှတ်ခဲ့သည်ဟု အစ္စရေး တပ်မတော် ပြောရေးဆိုခွင့်ရှိ သူ၏ ပြောကြားချက်အရ သိရကြောင်း CNN သတင်းဌာနက ဖော်ပြခဲ့သည်။

ဧပြီ ၁၂ ရက်တွင် လက်ဘနွန်တောင်ပိုင်းမှ အစ္စရေးသို့ ဒုံးကျည် ၄၀ ခန့် ပစ်လွှတ်ခဲ့ပြီး ၊ ဧပြီ ၁၃ ရက်တွင် ဒုံးကျည် ၅၅ စင်းကျော်ကို ပစ်လွှတ်ခဲ့ခြင်းဖြစ်သည်။

မကြာသေးမီက အစ္စရေး၏တိုက်ခိုက်မှုများကိုလည်းကောင်း၊ ဂါဇာ၌ ပါလက်စတိုင်းပြည်သူများကို ထောက်ခံသည့်အနေဖြင့်လည်းကောင်း တုံ့ပြန်သည့်အနေဖြင့် အစ္စရေး စစ်ဘက်နေရာများကို ဒုံးကျည်များဖြင့် ပစ်ခဲ့သည်ဟု ဟစ်ဇဘိုလာအဖွဲ့က ပြောကြားခဲ့သည်။

အောက်တိုဘာ ၇ ရက်တွင် အစ္စရေး-ဟားမာ့စ် စစ်ပွဲစတင်ကတည်းက အစ္စရေးနှင့်နယ်နိမိတ်ထိစပ်နေသော လက်လနွန်တောင်ပိုင်း၌ အစ္စရေးနှင့်ဟစ်ဇဘိုလာတို့၏ပဋိပက္ခမြင့်တက်လာခဲ့သည်။

အီရန်ကျောထောက်နောက်ခံပြုထားသော လက်ဘနွန်လက်နက်ကိုင်အုပ်စု ဟစ်ဇဘိုလာသည် ‌အစ္စ‌ရေးနယ်စပ်အနီးရှိ လက်လနွန်တောင်ပိုင်းတွင် ပင်မ စစ်ဆင်ရေး နယ်မြေရှိထားသည်။

ဟစ်ဇဘိုလာသည် အောက်တိုဘာ ၇ ရက်ကတည်းက အစ္စရေးကို ဒုံးကျည်များဖြင့် မကြာမကြာ ပစ်ခတ်ခဲ့သည်။ အစ္စရေးကလည်း လေကြောင်းတိုက်ခိုက်မှုများ အပါအဝင် တုံ့ပြန်ပစ်ခတ်မှုများရှိခဲ့သည်။ အစ္စရေးသည် လက်ဘနွန်နယ်စပ်တစ်လျှောက်ရှိ မြို့ရွာများမှပြည်သူများ ဘေးလွတ်ရာသို့ ရွှေ့ကြရန် ညွှန်ကြားထားသည်။

Ref:CNN

Photos:CNN,Al Jazeera