ကော့သောင်းမြို့ပင်လယ်ပြင်ဘက်တွင်ငွေကျပ် ၄၅.၄၃ ဘီလျံတန်ဖိုးရှိ ICE မူးယစ်ဆေးဝါးများ ဖမ်းဆီးရမိကြောင်းသိရသည်။
ဖြစ်စဉ်မှာ တနင်္သာရီတိုင်းဒေသကြီး၊ကော့သောင်းမြို့၊အနောက်မြောက်ဘက် ၁၉၃ မိုင်ခန့်အကွာ ပင်လယ်ပြင်၌ ငွေကျပ် ၄၅ . ၄၃ ဘီလျံတန်ဖိုးရှိ အိုက်စ်(မက်သ်အဖက်တမင်း) ၁.၂၉၈ တန် ဖမ်းဆီးရမိကြောင်း CCDAC Myanmar ၏ဖော်ပြချက်အရ သိရှိရသည် ။
မြန်မာ့တပ်မတော် ( ရေ) မှ ဖေဖော်ဝါရီ ၁၇ ရက်တွင်ပင်လယ်ပြင်အတွင်းလုံခြုံရေးဆောင်ရွက်နေစဉ် ကော့သောင်းမြို့၏ အနောက်မြောက်ဘက် ၁၉၃ မိုင်ခန့်အကွာ၊ ပင်လယ်ပြင်၌ “မင်းထက်သာ-၃”အမည်ရှိ စက်လှေအား စစ်ဆေးရှာဖွေခဲ့ကြောင်းသိရသည်။
အဆိုပါစက်လှေပေါ်တွင် ငြိမ်းချမ်းလွင်၊ ကျော်လင်းထွန်း(ခ)ကျော်ကြီး၊ လှမြင့်ထွန်းနှင့် ရဲကျော်သူ(ခ)ကိုရဲတို့ ၄ ဦးအား ဒေသကာလတန်ဖိုးငွေကျပ် ၄၅ .၄၃ ဘီလျံတန်ဖိုးရှိ ICE(မက်သ်အဖက်တမင်း) ၁ . ၂၉၈ တန်နှင့်အတူ ဖမ်းဆီးရမိခဲ့ကြောင်းသိရသည်။
စစ်ဆေးဖော် ထုတ်ချက်အရသိမ်းဆည်းရမိသည့် အိုက်စ်(မက်သ်အဖက်တမင်း)များမှာ ရှမ်းပြည်နယ်မှ ရန်ကုန်တိုင်းဒေသကြီးသို့ သယ် ဆောင်ပြီး ရန်ကုန်မြစ်ဝမှတစ်ဆင့် ပင်လယ်ရေကြောင်းကိုအသုံးပြီး မလေးရှားနိုင်ငံ ရေပိုင်နက်သို့သယ်ဆောင်လာခြင်းဖြစ်ကြောင်းသိရသည်၊အဆိုပါဖြစ်စဉ်နှင့်ပတ်သက်ပြီး ဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေး ဖော်ထုတ်လျက်ရှိကြောင်းသိရသည်၊
မြန်မာ့ပင်လယ်ပြင်တွင် ICE မူးယစ်ဆေးဝါးများကိုစက်လှေများ ဖြင့်မလေးရှားနိုင်ငံသို့ သယ်ယူသည့်ဖြစ်စဉ်များဖြစ်ပေါ်နေပြီး မြိတ်မြို့ရှိလုပ်ငန်းရှင်များ ပါဝင်ပတ်သက်မှုရှိနေကြောင်းဖမ်း ဆီးရမိသည့်သတင်း ဖော်ပြချက်များအရသိရှိရသည်။
