အဆိုတော်ဂျက်စတင်ဘီဘာက ၎င်းပုံနှင့်သီချင်းစာသားများပါသည့် ဖက်ရှင်ထည်များကို H&M ကုမ္ပဏီက ခွင့်ပြုချက်မယူဘဲ ရောင်းချနေမှုအပေါ် ဝေဖန်ထားသည်။

လက်လီဖြန့်ချိသူ ဆွီဒင်ဖက်ရှင်ကုမ္ပဏီ H&M ၏လုပ်ရပ်သည် အပေါစားဆန်ပြီး ၎င်းင်းဘက်က သဘောမတူဟု ဘီဘာက ဒီဇင် ဘာ ၁၉ ရက်တွင် အင်စတာဂရမ်စတိုရီ၌တင်လိုက်ကာ H&M ရောင်းကုန်များကိုမဝယ်ရန်လည်း ဖော်လိုဝါသန်း ၂၇၀ ကို မေတ္တာရပ်ခံခဲ့သည်။

ကုမ္ပဏီဘက်ကမူ ဘီဘာနှင့်သက်ဆိုင်သည့် ထုတ်ကုန်များကို ရောင်းချမှုရပ်ထားကာ အွန်လိုင်းစတိုးများတွင်လည်း မြင်ရတော့မည်မဟုတ်ဟု တုံ့ပြန်ဖြေရှင်းထားသည်။

အသစ်ထွက်လာသည့်ဒီဇိုင်းများတွင်ဘီဘာမျက်နှာပုံပါသည့် အမျိုးသမီးဝတ်အထည်နှင့် လက်ဆွဲအိတ်များပါပြီး အချို့ထုတ်ကုန်များက I miss you more than life ဆို သည့်စာတန်းများပါသည်။ ၎င်းက ဘီဘာ၏  ၂၀၂၁ သီချင်း Ghost တွင်ပါသည့် စာသား ဖြစ်သည်။

H&M သည် ယခင်ကတည်းက ဂျက်စတင်ဘီဘာအတွက် ပရိုမိုးရှင်းသဖွယ် ဖက်ရှင်ထည်များရောင်းပေးလာခဲ့သည်။ ၂၀၁၆ ခုနှစ်တွင် ဘီဘာ၏ Purpose Tour ကမ္ဘာလှည့်ဖျော်ဖြေမှုအတွက်၊ ၂၀၁၇ ခုနှစ်တွင် Stadium Tour အတွက်၊ ၂၀၂၀ ခုနှစ်တွင် Changes တေးအယ်လ်ဘမ်အတွက် ကြော် ငြာသည့်အနေဖြင့် ဖက်ရှင်ထည်များထုတ် ခဲ့သည်။သို့သော်ယခုကဲ့သို့ လူသိရှင်ကြား သပိတ်မှောက်ဝေဖန်မှုကို ဘီဘာကမလုပ် ခဲ့ပေ။

ဘီဘာတွင် ၎င်းင်း၏ကိုယ်ပိုင်ထုတ်ကုန် များကိုရောင်းချနေသည့် တရားဝင်ဝက်ဘ် ဆိုဒ်ရှိပြီး ဟူဒီခေါင်းစွပ်ထည်များ၊ တီရှပ်များလည်းပါသည်။

ထို့ပြင် Drew House ဟုအမည်ရသည့် အဝတ်အထည်လုပ်ငန်းတစ်ခုလည်းရှိပြီး ထိုလုပ်ငန်းကို၂၀၁၉ ခုနှစ်တွင် ဘီဘာက မန်နေဂျာရိုင်ယန်ဂွတ်နှင့် တည်ထောင်ခဲ့ခြင်း ဖြစ်သည်။

ဘီဘာသည် ၎င်း၏ Drew အထည်များကို မကြာမကြာဝတ်လေ့ရှိပြီး ပြီးခဲ့သည့် ရက်ပိုင်းကလည်း ဇနီးဟေလီဘီဘာနှင့် လမ်းထွက်စဉ် Drew ဟူဒီခေါင်းစွပ်ဝတ်ထားခဲ့သည်။ Drew ၏သင်္ကေတက အဝါရောင် smiley face လေးဖြစ်သည်။