ထိုင်းတွင် စက်တင်ဘာ၂၇ ရက်ကဖမ်းဆီးခံရသော မြန်မာလုပ်သားများ (ဓာတ်ပုံ- ဆုန်ခလာခရိုင် နယ်ခြား​စောင့်တပ်ဖွဲ့ သတင်းပြန်ကြား​ရေး)

ကိုဗစ်လှိုင်းဂယက်​နဲ့ နိုင်ငံ​ရေးမငြိမ်သက်မှု​တွေ​ကြောင့် ပြည်တွင်းမှာ အလုပ်အကိုင်ရှားပါးမှု​ မြင့်တက်လာတာဟာ အလုပ်တစ်ခုအတွက် ပြည်ပကိုထွက်ခွာဖို့ တွန်းအားတစ်ခုဖြစ်လာပါတယ်။

ကိုဗစ်​ကြောင့် ပိတ်လိုက်ရတဲ့ စက်ရုံ အလုပ်ရုံ​တွေကို နှုတ်ဆက်ထွက်ခွာလာကြသူ​တွေဟာ မိသားစု​​တွေရဲ့ ဝမ်း​ရေးအတွက် ကူကယ်ရာ ရလိုရငြား ပွဲစား​တွေနဲ့ ချိတ်ဆက်ပြီး ထိုင်းနိုင်ငံကို သွား​ရောက်လုပ်ကိုင်ဖို့ စိုင်းပြင်း​လာကြပါတယ်။

ထိုင်းနိုင်ငံ၊ ခရိုင် ဒေသအလိုက် တာဝန်ရှိ နယ်ခြား​စောင့်တပ်ဖွဲ့​တွေကလည်း နယ်စပ် ဖြတ်​​ကျော်ဝင်​ရောက်မှုမရှိ​စေ​ရေး အထူး​စောင့်ကြပ်ဖမ်းဆီး​နေကြပါတယ်။

အ​ပြောကြွယ်သူ ပွဲစား​တွေရဲ့စကား အယုံလွယ်မိတဲ့ လူငယ်လူရွယ်တွေဟာ ​နေ့စဉ် လိုလို ဖမ်းဆီးခံ​နေရပါတယ်။

မြန်မာနိုင်ငံသား လူငယ်လူရွယ်​တွေ ဖမ်းဆီးခံရမှု​ လျော့ကျ​စေဖို့ နဲ့ အလုပ်အကိုင် အခွင့်အလမ်း​တွေ ပိုမိုရရှိလာ​စေဖို့အတွက် နှစ်နိုင်ငံ တာဝန်ရှိသူ​တွေ ညှိနိုင်းကာ MOU လုပ်သား​စေလွှတ်မှုကို ​ယခုနှစ် ​မေ ၁၀ ရက်​မှာ စတင်ခဲ့တာလည်းဖြစ်ပါတယ်။

နှစ်နိုင်ငံ သ​ဘောတူညီမှု စာချွန်လွှာ MOU လမ်း​ကြောင်းရှိ​ပါလျက် လူကယ်ရီပွဲစား​တွေနဲ့ ချိတ်ဆက်ပြီး ထိုင်းနိုင်ငံသို့ တရားမဝင် နယ်စပ်ဖြတ်​ကျော် ဝင်ရောက်လာလို့  ဖမ်းဆီး ခံရသူ​တွေလည်း အများအပြားရှိ​နေဆဲ။ ​နောင်လည်း ရှိ​နေဦးမည်ဖြစ်ပါတယ်။

နယ်စပ်ဖြတ်​ကျော် တရားမဝင်လမ်း​ကြောင်းက​နေ ထိုင်းနိုင်ငံဘက်သို့သွား​ရောက် ကြတာ၊ ဖမ်းဆီးခံရတာ​တွေဟာ  ယခင်သုံးလ အတွင်း ​လျော့ကျခဲ့​​ပေမဲ့ စက်တင်ဘာလအ တွင်းမှာ  ပြန်လည်များပြား လာတယ်လို့ဆိုပါ တယ်။ အများဆုံးက တာ့ခ်ပြည်နယ်မဲ​​ဆောက် နဲ့ ကန်ချနပူရီပြည်နယ်ဘက်က ပိုမိုဝင်​ရောက် ကြ​ကြောင်း၊ ​ငွေ​ကြေးအများအပြားပေးပြီး အလုပ်ရလား-မရလား မ​သေချာတဲ့အပြင် အသက်နဲ့ အ​လောင်းအစားထပ်ပြီး သွားရတဲ့ ​ရွှေ့ပြောင်းသွားလာခြင်းမျိုး မလုပ်သင့်​ကြောင်းလည်း အလုပ်သမားအ​ရေး​ဆောင် ရွက်​နေသူ (JACBA) ဥက္ကဋ္ဌ ဦးမိုးကြိုးက ​ပြောပါတယ်။

“ပြီးခဲ့တဲ့ ဇွန်၊ ဇူလိုင်၊ သြဂုတ်မှာ​တော့ မြန်မာနိုင်ငံဘက်မှ တရားမဝင်နယ်စပ်ဖြတ်​ကျော်မှု​တွေ​တော်​တော်နည်းသွားတယ်ဆို ပြီး​တော့  စိတ်​အေးလက်​အေး ဖြစ်​​တော့မယ့် အ​နေအထားမှာ ခု စက်တင်ဘာလမှာ တ​စ် ကျော့ပြန်  ပြန်များလာတယ်။ ဘယ်ဘက်က များလဲဆို​တော့ မဲ​ဆောက်အပါအဝင် တာ့ခ် ပြည်နယ်ဘက်မှာတစ်ချက်၊​ နောက် ထိုင်းနဲ့ မွန်ပြည်နယ်၊ ဘုရားသုံးဆူ နယ်စပ် ကန်ချနပူရီ ဘက်မှာ ယခုတ​လော အသုတ်လိုက် အသုတ် လိုက်ဝင်လာကြပြန်ပြီ။ ဝင်လာတိုင်းလည်း ဖမ်းဆီးခံ​နေရတယ်”လို့ ဦးမိုးကြိုးကဆိုပါ တယ်။

ထိုင်းနိုင်ငံဘက်ကို တရားမဝင် ဝင်​ရောက်မှု အများဆုံး စာရင်းမှာပါတဲ့ ဘုရား သုံးဆူနဲ့ ကန်ချနပူရီနယ်စပ်က စက်တင်ဘာလ ၂၇ ရက်​နေ့နဲ့ စက်တင်ဘာလ ၂၈ ရက်​နေ့ ဝင်​ရောက်ခဲ့ကြတဲ့  မြန်မာနိုင်ငံသား အမျိုး သား ၆၃ ဦး နဲ့ အမျိုးသမီး ၁၃ ဦးတို့ကို ကန်ချန ပူရီပြည်နယ် ထောင်ဖာ့ဖူ (မ်) မြို့နယ်၊ အုပ်စု (၁)၊ ထာ့ခနူကျေးရွာ နေရာနှစ်ခုမှာ လမ်းပြ နှစ်ဦးနဲ့အတူ  ပထမ​နေ့ ဖမ်းဆီးခံရသလို မောင်မြို့နယ်၊ အုပ်စု (၁၂)၊ ဘန့်ကောင်ကျေး ရွာမှာ အမျိုးသား ၁၀ ဦး၊ အမျိုးသမီး ၁၃ ဦးတို့ ဖမ်းဆီးခံခဲ့ရ​တယ်လို့ ထိုင်းနိုင်ငံဘက်ကလာ တဲ့ သတင်း​တွေအရ သိရပါတယ်။

မြန်မာနိုင်ငံနယ်စပ်မှတစ်ဆင့် ထိုင်းနိုင်ငံ ဘက်ကို ဝင်​ရောက်သူ​တွေ​ နေ့စဉ်ဖမ်းဆီးခံ​နေရသလို ထိုင်းနိုင်ငံ​တောင်ပိုင်းက တစ်ဆင့် မ​လေးရှားနိုင်ငံဘက်ကို သွား​ရောက်သူ​တွေ လည်း ထိုင်း-မ​လေးနယ်စပ်မှာ  ဖမ်းဆီးခံရမှု​တွေ ရှိ​နေပြန်ပါတယ်။

တရားမဝင် နယ်စပ်ဖြတ်​ကျော်သွား​ရောက်သူ​တွေဟာ အလုပ်အကိုင်တစ်ခုရဖို့၊​ နောက်ချန်မိသားစု​တွေ ဝမ်း​ရေးကို​ဖြေရှင်းဖို့ အတွက် အိမ်ခြံတွေ​ ပေါင်နှံလာရသူရှိသလို အတိုးကြီးကြီးနဲ့ ​ချေးငှားပြီး ပွဲစား​တွေကို ​ငွေ​ကြေး အ​မြောက်အမြား ​ပေးကြရပါတယ်။

“သူတို့​တွေက ထိုင်းနိုင်ငံအထိဆိုရင် တစ်​​​ယောက်ကို ဘတ် ၁၅၀၀၀ က​နေ ဘတ် ၃၀၀၀၀ အထိ ​ပေးရတယ်။ မ​လေးရှားနိုင်ငံ အထိ ဆိုရင် ဘတ် ၅၀၀၀၀ က​နေ ၆၀၀၀၀ အထိ​ပေးရတယ်။ အဲဒါက ထိုင်းနိုင်ငံမှာ အလုပ် တကယ် ရ-မရမှန်းလည်းမသိ။ မ​လေးရှားနိုင်ငံထဲအထိ ရောက်​အောင်လည်း သွားနိုင်ခြင်း ရှိ-မရှိ၊ လမ်းပိုင်းအ​နေအထား တကယ် အလုပ် ရ-မရလည်း မ​သေချာ။ အ​နေအထား​ပေါင်းစုံကို ​ထောက်ရှုပြီး​တော့  အဲသည်လို အသက်နဲ့အ​လောင်းအစားလုပ် ရတဲ့ အလုပ်မျိုးမလုပ်ကြပါနဲ့လို့ ​ပြော​ပေမယ် လို့ အခြားတစ်ဖက်မှာ MOU လမ်း​ကြောင်း ကလည်း အရင်ထက် မြန်​တော့မြန်လာတယ်။ အဲဒါတော့ လက်ခံရမယ်။ တနင်္လာနေ့က ​သောကြာ​နေ့အထိ ​နေစဉ် ရာနဲ့ချီ ထွက်ခွာ​နေတယ် ။ သို့​သော်လည်း ထိုင်းမှာသွားအလုပ် လုပ်ချင်တဲ့သူ ​သောင်းနဲ့ချီ ရှိ​နေတယ်။ ရာ ဂဏန်း​လောက်က ဆင့်ပါးစပ်နှမ်းပက်သလို ဖြစ်နေတာ​ပေါ့ဗျာ” လို့ မြန်မာပြည်သားများ အ​ရေး ပူးတွဲလှုပ်ရှားမှု​ကော်မတီ (JACBA)ဥက္ကဋ္ဌ ဦးမိုးကြိုးက​ ဆိုပါတယ်။

MOU လုပ်သား ​စေလွှတ်နိုင်ဖို့အတွက် ပြည်ပအလုပ်အကိုင်ရှာ​ဖွေ​ရေး ​အေဂျင်စီ​တွေရဲ့ ပြည်နယ်၊ တိုင်း၊ ခရိုင်၊ မြို့နယ်၊​ ကျေး လက်​တောရွာအထိ ဆင့်ပွားကိုယ်စားလှယ်  အဆင့်ဆင့် ဝန်​ဆောင်မှု​တွေ​ကြောင့် တစ်ဦး ကို ကျပ် ၁၃ သိန်းက​နေ ၁၈ သိန်းအထိကုန်ကျ​နေကြတယ်လို့ဆိုပါတယ်။

MOU လုပ်သားအဖြစ် တရားဝင်သွား​ရောက်အလုပ်လုပ်မယ်လို့ မြဝတီသို့ ​ရောက်ရှိ လာသူ လုပ်သားတစ်ဦးက “ကျွန်​တော် ထိုင်း ကို တရားဝင်သွားချင်တယ်။ ဒါ​ပေမဲ့ ကုန်ကျ မယ့် ငွေပမာဏကလည်းများမယ်။ အချိန် လည်း သုံး-လေးလ ထပ်​စောင့်ရမယ်ဆို​တော့ ပွဲစားနဲ့ ခိုးလမ်းကတက်ဖို့ စိတ်ကူးထားပါ တယ်”လို့ ဆိုပါတယ်။

ထိုင်းနိုင်ငံဘက်သို့ တရားမဝင် လုပ်သား ပို့ဆောင်တဲ့ လူကယ်ရီ ပွဲစား​တွေဟာ အကျင့် ပျက် ထိုင်းလုံခြုံ​ရေးတာဝန်ရှိသူ​တွေနဲ့ ညှိနှိုင်း ပို့ဆောင်ကြလို့ လုပ်ငန်းခွင်ရှိရာသို့​ရောက်ရှိ သွားသူ​တွေလည်းရှိပါတယ်။

“ကျွန်​တော်က နယ်စပ်မှာ တာဝန်ရှိတဲ့ သူ​တွေနဲ့ ​ပူးပေါင်းပြီး လုပ်သားတင်ပို့တာပါ” လို့ လူကယ်ရီလုပ်သူတစ်ဦးရဲ့​ပြောစကားကို ကြား​ယောင်မိပါတယ်။

အလားတူ မြန်မာ-ထိုင်းနယ်စပ်၊ မွန် ပြည်နယ် ဘုရားသုံးဆူ မြို့မှတစ်ဆင့် ထိုင်း နိုင်ငံ ကန်ချနပူရီခရိုင်အတွင်းသို့ စက်တင်ဘာ လ ၂၀ ရက်နဲ့ ၂၁ ရက်​နေ့က  တရားမဝင်  ဝင်​ရောက်ခဲ့တဲ့  မြန်မာနိုင်ငံသား ၃၀ ​ကျော်ကို ဖမ်းဆီးရမိခဲ့တယ်လို့  ထိုင်း​တော်ဝင် နယ်ခြား စောင့်တပ် သတင်းပြန်ကြား​ရေးက ထုတ်ပြန်ခဲ့ တယ်။ တရားမဝင် ​ဝင်​ရောက်ပြီး ဖမ်းဆီးခံရသူ  မြန်မာနိုင်ငံသား ၃၄ ဦးမှာ အမျိုးသား ၁၉ ဦး နဲ့ အမျိုးသမီး ၁၅ ဦး ပါဝင်​ကြောင်း ထုတ်ပြန် ချက်အရ သိရပါတယ်။

ဖမ်းဆီးခံရသူ​တွေဟာ မွန်ပြည်နယ် ​မော်လမြိုင်၊ ရန်ကုန်တိုင်း​ဒေသကြီးနှင့် ပဲခူး တိုင်း ဒေသကြီး၊ ရခိုင်ပြည်နယ်တို့မှ လာ​ရောက်ကြသူ​တွေလို့လည်း သိရပါတယ်။

လူကယ်ရီပွဲစား​တွေနဲ့ ချိတ်ဆက်ပြီး ​တနင်္သာရီတိုင်း​ဒေသကြီး ကော့​သောင်း ရ​နောင်းလမ်းက တရားမဝင် ဝင်​ရောက်သူ မြန်မာနိုင်ငံသား ၂၀ ဦးနဲ့ က​လေးငယ်သုံးဦး ဟာ  ရ​နောင်းခရိုင်အတွင်းမှာ ကား​မောင်းပို့ သူတစ်ဦးနဲ့ အတူ စက်တင်ဘာ ၂၀ ရက်​က ဖမ်းဆီးခံခဲ့ရပြန်ပါတယ်။

ဖမ်းဆီးခံရသူ​တွေဟာ လူကယ်ရီပွဲစားကို တစ်ဦးလျှင်ပွဲစားခ ဘတ် ၂၂၀၀၀ ​ပေး​ဆောင် ရပါတယ်။

တရားမဝင်လမ်း​​ကြောင်းက ထိုင်းနိုင်ငံ ကို ဝင်​ရောက်တာ တစ်ဦးလျှင်ဘတ်၂၀၀၀၀ ​ကျော်​ပေးရတာများလွန်းပြီး အန္တရာယ်ကင်း​တဲ့ ရွှေ့ပြောင်းသွားလာခြင်းမဟုတ်လို့ ​ရှောင် ရှားသင့်​ကြောင်း အလုပ်သမားအ​ရေးကူညီ​ဆောင်ရွက်​ပေး​နေသူတစ်ဦးက​ ဆိုပါတယ်။

“လုံခြုံစိတ်ချရတဲ့ လမ်း​ကြောင်းလည်း မဟုတ်ဘူး။ လုံခြုံစိတ်ချရတဲ့ MOU စနစ်ဆို တာရှိပါတယ်။ အဲဒီ MOU စနစ်နဲ့သွားရင် လည်း တရားဝင်​အေဂျင်စီအချို့ဟာ ကိုယ် ကျင့်တရားပိုင်းဆိုင်ရာ​တွေ၊ စာရိတ္တပိုင်းဆိုင် ရာ​တွေ၊ ​အေဂျင်စီရဲ့ကျင့်ဝတ်​တွေ​ဖောက်ဖျက် မှု​ကြောင့် မြန်မာ​ငွေသိန်း ၂၀  ဝန်းကျင်အထိ ​တောင်းခံ​နေတာကိုလည်းကြား​နေသိ​နေရ တယ်။ ဘာပဲပြော​ပြော ကမ္ဘာမီး​လောင်သား​ကောင်ချနင်း ​တော်​တော်ဖြစ်ချင်ကြတယ်။ MOU လမ်း​ကြောင်း​နှောင့်​နှေးကြန့်ကြာပြီး​တော့  ကုန်ကျစရိတ်ကလည်း ဆတူ​လောက်ရှိ တဲ့အခါကျ​တော့ တရားဝင်လမ်း​ကြောင်းကို​ရွေးချယ်သွားသူလည်းရှိတယ်။​ နောက်တစ်ခု က မြန်မာ လုပ်သား​တွေက ထိုင်းနိုင်ငံမှာ အလုပ်လုပ်ဖို့ တရားမဝင်သွားတာ ကျင့်သားရ​နေတဲ့သ​ဘောမှာရှိတယ်။ ပွဲစား​တွေရဲ့လိမ် လည်မှု​တွေနဲ့ မိမိအသက်နဲ့ အ​လောင်းအစား ထပ်ပြီး​ရွှေ့ပြောင်းသွားလာမှု၊ ယာဉ်မ​တော်တ ဆမှု​ကြောင့် ​သေဆုံးတာ၊ ဒဏ်ရာအနာတရ ဖြစ်တာ အဲဒီလိုသွားလာမှုကိုလုံးဝ မ​ရွေးချယ် ဖို့ ​ပြောချင်ပါတယ်”လို့ ​ဆိုပါတယ်။

သြဂုတ်လ ၁၇ ရက်​က တရားမဝင် ဝင်​ရောက်တဲ့  မြန်မာနိုင်ငံသား ၃၃ ဦး စီးနင်း လာတဲ့မော်​တော်ယာဉ်တစ်စီးဟာ ယာဉ်မ​တော်တဆဖြစ်ပြီး​တော့  မြန်မာနိုင်ငံသား သုံးဦး​သေဆုံး​ကာ ဒဏ်ရာရရှိသူ ငါးဦးအထိရှိ​ခဲ့ပါတယ်။ ယခင်ကလည်း ယာဉ်မ​တော်တဆ မှု​ကြောင့်​သေဆုံးသူ​တွေ၊ဒဏ်ရာရသူ​တွေ အများအပြားရှိခဲ့ပါတယ်။

“မေ ၁၀ ရက်​က စလို့  MOU လုပ်သား  ​စေလွှတ်ခဲ့တာဖြစ်ပါတယ်။ ခုဆိုရင် တနင်္လာ က​နေ ​သောကြာ​နေ့အထိ နေ့စဉ် ၇၀၀ နဲ့ ၈၀၀ အကြား ပို့​ဆောင်​နေတယ်လို့လည်းကြား သိရ ပါတယ်။ ထိုင်းနိုင်ငံကအလိုရှိနေတဲ့ လုပ်သား တစ်သိန်းခွဲခန့်ကိုအမြန်ဆုံးပြည့်မီအောင်မူဝါဒ ကောင်းရမယ်။ လုပ်ထုံးလုပ်နည်းက လည်း မြန်ဆန်သွက်လက်ရမယ်။ ဒါဆိုရင် အခွန်ထမ်းပြည်သူ​တွေဖြစ်တဲ့ MOU လုပ်ငန်း​တွေအတွက် သက်သာရာရမယ်။​ နောက်မမှန် မကန်လုပ်​ဆောင်​နေတဲ့၊ အလုပ်သမား ဝန်ကြီး ဌာနက သတ်မှတ်ထားတဲ့ ​ငွေ​ကြေးထက်ပိုမို​ကောက်ခံ​နေတဲ့ ​အေဂျင်စီ​တွေကိုလည်း ထိထိ​ရောက်​ရောက် အ​ရေးယူဖို့လိုတယ်။ ဘာလို့လဲ ဆို​တော့ အခွန်ထမ်းပြည်သူ​တွေ ဝန်ထုပ်ဝန် ပိုးဖြစ်​စေတဲ့ မည်သို့​သော လုပ်ရပ်မျိုးမဆို သက်ညှာ​ထောက်ထားစရာမလိုဘူး။ ထိထိ​ရောက်​ရောက်အ​ရေးယူဖို့လ်ိုအပ်ပါတယ်။ ကုန်ကျစရိတ်များပြားတာနဲ့ အချိန်ကြံကြာတာ​တွေက တရားမဝင် အလုပ်ရှာဖို့အတွက် တွန်း အားတစ်ခုဖြစ်​နေပါတယ်”လို့လည်း အလုပ် သမားအ​ရေးကူညီ​ဆောင်ရွက်​နေသူတစ်ဦး ကဆိုတယ်။

တရားမဝင်နယ်စပ်ဖြတ်​ကျော်သွားလာ ခြင်းဆိုတဲ့ မပြီးဆုံး​သေး​သော လမ်းခရီးရှိ​နေ သမျှ အလုပ်တစ်ခုရဖို့၊ မိသားစုဝမ်း​ရေးအ တွက်လုံးပန်း​နေသူ​တွေဟာ အ​ပြောချိုတဲ့ ပွဲစား​တွေရဲ့စကား အယုံလွယ်လို့ အရှိုက်ခက်​နေကြရဦးမှာ ဖြစ်သလို မကြာခဏဖြစ်ပွား​လေ့ရှိတဲ့ ယာဉ်တိုက်မှု၊ ယာဉ်မ​တော်တဆမှု​တွေ​ကြောင့် အသက်ဆုံးရှုံးရသူ​တွေအများ အပြား​ရှိ​နေခြင်းမှာ အလုပ်အကိုင်တစ်ခုရဖို့အ တွက်၊ မိသားစုဝမ်း​ရေးအတွက် ​​ငွေကုန်​ကြေး ကျခံကာ ဘဝကို အသက်နဲ့ အ​လောင်းအစား ထပ်ပြီး ရုန်းကန်​နေကြခြင်းရယ်ပါ။

■