ပါတီစာရင်းများ လာရောက်အစစ်ဆေး ခံရန် မြန်မာ့လူ့ဘောင်သစ်ဒီမိုကရက်တစ်ပါတီနှင့် ရခိုင်ဒီမိုကရေစီအဖွဲ့ချုပ်ပါတီကို ပြည် ထောင်စုရွေးကောက်ပွဲကော်မရှင်(UEC)က အကြောင်းကြားခဲ့ပြီး လိုက်နာခြင်းမရှိပါက ပါတီမှတ်ပုံတင်ခြင်းဥပဒေအရ အရေးယူ မည် ဖြစ် ကြောင်း UEC က သတင်းထုတ်ပြန်သည်။
ယင်းထုတ်ပြန်ချက်တွင် ပြည်ထောင်စုရွေးကောက်ပွဲကော်မရှင်အနေဖြင့် နိုင်ငံရေး ပါတီများ၏ ပါတီရန်ပုံငွေ၊ငွေကြေး၊ပစ္စည်း စာရင်း များနှင့်စပ်လျဉ်း၍ ဥပဒေ၊ နည်းဥပဒေ များနှင့်အညီ စနစ်တကျဆောင်ရွက် ထားရှိမှု များကို စစ်ဆေးခံနိုင်ရေး ပြင်ဆင်ဆောင်ရွက် ထားရှိရန် အကြောင်းကြားထားပြီးဖြစ်ကြောင်း ဖော်ပြထားသည်။
ထို့ပြင် ၂၀၂၂ ခုနှစ် မတ် ၇ ရက်မှ ၁၁ ရက်အထိ မြန်မာ့လူ့ဘောင်သစ်ဒီမိုကရက်တစ် ပါတီကိုလည်းကောင်း၊ ၂၀၂၂ ခုနှစ် မတ် ၁၀ ရက်မှ ၁၂ ရက်အထိ ရခိုင်ဒီမိုကရေစီအဖွဲ့ချုပ် ပါတီကိုလည်းကောင်း ပါတီစာရင်းများ စစ်ဆေးခံရန် အသိပေးအကြောင်း ခဲ့သော် လည်း ယင်းပါတီများအနေဖြင့် လာ ရောက် အစစ်ဆေးခံရန် ပျက်ကွက်ခဲ့ကြောင်း UEC ၏ ထုတ်ပြန်ချက်တွင် ဖော်ပြထားသည်။
ထို့ကြောင့် မြန်မာ့လူ့ဘောင်သစ်ဒီမိုကရက်တစ်ပါတီနှင့် ရခိုင်ဒီမိုကရေစီအဖွဲ့ချုပ် ပါတီတို့သည် ပါတီပိုင် ရန်ပုံငွေ၊ ငွေကြေး၊ ပစ္စည်းစာရင်းများနှင့်စပ်လျဉ်း၍ ၂၀၂၂ ခုနှစ် ဧပြီ ၂၅ ရက် မတိုင်မီ ဖိတ်ကြားစာပါနေရာသို့ လာရောက်အစစ်ဆေးခံနိုင်ရေး ဆောင်ရွက် သွားရန် နိုင်ငံရေးပါတီမှတ်ပုံတင်ခြင်းဥပဒေ ပုဒ်မ ၂၄ (က)နှင့်အညီ ညွှန်ကြားကြောင်း UEC ၏ ထုတ်ပြန်ချက်တွင် ဖော်ပြထားသည်။
အဆိုပါ ညွှန်ကြားချက်အား လိုက် နာဆောင်ရွက်ခြင်းမရှိပါက နိုင်ငံရေးပါတီများ မှတ်ပုံတင်ခြင်းဥပဒေ ပုဒ် ၂၄ (ဂ)၊ (ဃ)နှင့် (င) တို့နှင့်အညီ အရေးယူဆောင်ရွက်သွားမည်ဖြစ်ကြောင်း UEC ၏ ထုတ်ပြန်ချက်တွင် ဖော်ပြထားသည်။
