■ နောက်ခံလူ ဂျွန်စတုန်းစ်ကို မန်စီးတီးအသင်း (၅)နှစ်သက်တမ်းတိုးစာချုပ် ချုပ်ဆို
Photos : AFP, Manchester City
မန်စီးတီးအသင်းသည် အင်္ဂလန်နောက်ခံလူ ဂျွန်စတုန်းစ်ကို (၅)နှစ်သက်တမ်းတိုးစာချုပ် ချုပ်ဆိုခဲ့ကြောင်း အတည်ပြုကြေညာခဲ့သည်။
မန်စီးတီးအသင်းသည် ဂျွန်စတုန်းစ်ကို လွန်ခဲ့သည့်(၅)နှစ်က အဲဗာတန်အသင်းထံမှ ခေါ်ယူပြီး (၆)နှစ်စာချုပ် ချုပ်ဆိုခဲ့သည်။
ယခုအခါ ၂၀၂၆ ခုနှစ်အထိ အသင်းတွင်ဆက်ရှိနေမည့် သက်တမ်းတိုးစာချုပ်သစ်ချုပ်ဆိုခဲ့ခြင်းဖြစ်သည်။
စာချုပ်သစ်အရ ဂျွန်စတုန်းစ်သည် တစ်ပတ်လျှင် ပေါင်(၂၅၀၀၀၀)အထိ တိုးမြင့်ရရှိသွားမည်ဖြစ်ကြောင်း သိရသည်။
ဂျွန်စတုန်းစ်သည် မန်စီးတီးအသင်းနှင့်အတူ ပြည်တွင်းဆုဖလားအားလုံး ရယူထားနိုင်ခဲ့ပြီး ချန်ပီယံလိဂ်ဖလားရယူနိုင်ရန်သာ လိုအပ်တော့သည်။
၎င်းသည် မန်စီးတီးအသင်းအတွက် ပြိုင်ပွဲစုံ(၁၆၈)ပွဲကစားပြီး (၁၀)ဂိုး သွင်းယူပေးထားသည်။
