ဒုတိယသမ္မတများအဖြစ် ဦးထင်ကျော်၊ ဦးဟင်နရီဗန်ထီးယူနှင့် ရန်ကုန်တိုင်း ဝန်ကြီးချုပ် ဦးမြင့်ဆွေတို့အား သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့များက ရွေးချယ်တင်မြှောက်ခဲ့ပြီး နိုင်ငံတော်သမ္မတ အတွက် သတ်မှတ်ထားသည့် အရည်အချင်းများနှင့်  ပြည့်စုံခြင်း ရှိ မရှိ မတ် ၁၄ ရက်တွင် စိစစ်မည်ဖြစ်ကြောင်း သတင်းရရှိသည်။

NLD ပါတီမှ အမည်စာရင်း တင်သွင်းခဲ့သည့် ဦးထင်ကျော်နှင့် ဦးဟင်နရီဗန်ထီးယူတို့အား  ရွေးကောက်ခံ ပြည်သူ့လွှတ်တော် ကိုယ်စားလှယ်များ အစုအဖွဲ့နှင့် ရွေးကောက်ခံ အမျိုးသားလွှတ်တော် ကိုယ်စားလှယ်များ အစုအဖွဲ့တို့က ဒုတိယသမ္မတများအဖြစ် ရွေးချယ်တင်မြှောက်ခဲ့သည်။