w ဗြိတိသျှကုန်သည်ကြီးများအသင်း (မြန်မာ) အနေဖြင့် မန္တလေးတိုင်းဒေသကြီးအတွင်းရှိ စီးပွားရေးလုပ်ငန်းရှင်များနှင့် ပူးပေါင်းဆောင်ရွက်နိုင်ရန် ဆွေးနွေးပွဲများပြုလုပ် - Eleven Media Group <

ဗြိတိသျှကုန်သည်ကြီးများအသင်း (မြန်မာ) အနေဖြင့် မန္တလေးတိုင်းဒေသကြီးအတွင်းရှိ စီးပွားရေးလုပ်ငန်းရှင်များနှင့် ပူးပေါင်းဆောင်ရွက်နိုင်ရန် ဆွေးနွေးပွဲများပြုလုပ်

ဗြိတိသျှကုန်သည်ကြီးများအသင်း (မြန်မာ) ၏ ဆွေးနွေးပွဲသို့ တက်ရောက်လာသူများကို တွေ့ရစဉ်

ဗြိတိသျှကုန်သည်ကြီးများအသင်း (မြန်မာ) အနေဖြင့် မန္တလေးတိုင်းဒေသကြီးအတွင်းရှိ စီးပွားရေးလုပ်ငန်းရှင်များကို ယူကေကုမ္ပဏီများနှင့် အကျိုးတူပူးပေါင်းလုပ်ဆောင်နိုင်ရန် ဆွေးနွေးပွဲကို ဖေဖော်ဝါရီ ၁၃ ရက် မွန်းလွဲ ၁ နာရီတွင် မန္တလေးတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်ကြီးများအသင်းတွင် ပြုလုပ်ခဲ့ကြောင်း သိရသည်။

“ဗြိတိသျှကုန်သည်ကြီးများအသင်းက သူတို့နိုင်ငံက ကုမ္ပဏီကဘာတွေလုပ်မယ်။ ဒီမြန်မာပြည်ဘက်က ဘာလုပ်ချင်လဲဆိုတာတွေ ပထမဆုံးခြေလှမ်းအနေနဲ့ ဆွေးနွေးတာပါ။ အသင်းသူအသင်းသားတွေကလည်း ဒီကပစ္စည်းတွေကို ဘယ်လိုတင်ပို့ရမလဲ။ သူတို့ဆီက နည်းပညာတွေကို ဘယ်လိုမျှဝေမလဲဆိုတာတွေကို ပူးပေါင်းဆောင်းရွက်နိုင်ဖို့ ဆွေးနွေးကြတာဖြစ်ပါတယ်” ဟု မန္တလေးတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်ကြီးများ အသင်းဥက္ကဋ္ဌ ဦးကျော်မင်းက ပြောကြားသည်။

ဗြိတိသျှကုန်သည်ကြီးများအသင်း (မြန်မာ) အနေဖြင့် မန္တလေးတိုင်းဒေသကြီးအတွင်းရှိ စီးပွားရေးလုပ်ငန်းရှင်များကို ယူကေကုမ္ပဏီများနှင့် အကျိုးတူပူးပေါင်းဆောင်ရွက်ပြီး စီးပွားရေးလုပ်ငန်းများကို တိုးချဲ့ဆောင်ရွက်နိုင်ရန်၊ ယူကေမှ ကုန်ပစ္စည်းများကို တင်ပို့နိုင်ရန်၊ မြန်မာနိုင်ငံတွင် လာရောက်ရင်းနှီးမြှုပ်နှံရန် စိတ်ဝင်စားသော ယူကေကုမ္ပဏီများနှင့် ပူးပေါင်းဆောင်ရွက်နိုင်ရန် ဆောင်ရွက်ပေးသွားမည်ဖြစ်ကြောင်း သိရသည်။

ဗြိတိသျှကုန်သည်ကြီးများအသင်း (မြန်မာ) နှင့် မန္တလေးတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်ကြီးများအသင်းတို့ ပူးပေါင်းဆွေးနွေးခြင်းသည် ၂၀၁၇-၂၀၂၀ အလုပ်အမှုဆောင်သက်တမ်းတွင် ပထမဆုံးအကြိမ်အဖြစ် ပူးပေါင်းဆောင်ရွက်ခြင်းဖြစ်ပြီး အခြားစီးပွားရေးလုပ်ငန်းဆိုင်ရာ ဆွေးနွေးခြင်းများကို ဆက်လက်လုပ်ဆောင်သွားမည်ဖြစ်ကြောင်း သိရသည်။

ဗြိတိသျှကုန်သည်ကြီးများအသင်းသည် စီးပွားရေးလုပ်ငန်းဆိုင်ရာ အသိုင်းအ၀ိုင်းများအတွက် အခွင့်အလမ်းများကို ချိတ်ဆက်ပေးခြင်း၊ မြှင့်တင်ပေးခြင်း၊ ပံ့ပိုးပေးခြင်း စသည့်လုပ်ငန်းများကိုလုပ်ဆောင်ရန် ယူကေနိုင်ငံမှ Jardines, Prudential, Shell နှင့် Standard Chartered Bank တို့မှ တည်ထောင်ဖွဲ့စည်းထားသော အသင်းဖြစ်ကြောင်း သိရသည်။

February 13, 2018














Copy Protected by Chetan's WP-Copyprotect.