တရုတ်နိုင်ငံမြောက်ပိုင်းတွင် မိုးသည်းထန်စွာ ရွာသွန်းမှုကြောင့် တံတားတစ်စင်းပြို ကျခဲ့ပြီး လူ ၁၁ ဦးသေဆုံးခဲ့ကာ လူ ၃ဝကျော် ပျောက်ဆုံးလျက်ရှိသည်ဟု နိုင်ငံပိုင်မီဒီယာ တွင် ဇူလိုင် ၂၀ ရက်၌ဖော်ပြခဲ့သည်။
ရှန်ဇီပြည်နယ်ရှန်လောင်မြို့ရှိ မြစ်တစ်စင်းကိုဖြတ်၍ တည်ဆောက်ထားသော ထိုတံတားသည်ဇူလိုင် ၁၉ ရက် ဒေသစံတော်ချိန် ည ၈ နာရီ၄၀ တွင် ရုတ်တရက် သည်းထန်စွာရွာသွန်းသော မိုးနှင့် ရေကြီးမှုကြောင့် ပြိုကျခဲ့ခြင်းဖြစ်သည် ဟု ပြည်နယ်ပြည်သူ့ဆက်ဆံရေးဌာန၏ပြော ကြားချက်ကို ကိုးကား၍ ဆင်ဟွာသတင်းတွင် ဖော်ပြထားသည်။
အဝေးပြေးလမ်းတံတားသည် မြစ်အတွင်းသို့ ပြိုကျခဲ့ပြီးနောက်မော် တော်ယာဉ်အစီး ၂၀ နီးပါးနှင့် လူ ၃ဝကျော် ဆက်လက်ပျောက်ဆုံးလျက်ရှိသည်ဟု နိုင်ငံ ပိုင် CCTV သတင်းတွင်ဖော်ပြထားသည်။
မြစ်အတွင်းမှ ပြန်လည်ဆယ်ယူရရှိခဲ့သော မော်တော်ယာဉ် ငါးစင်းအတွင်းမှ သေဆုံးသူ ၁၁ ဦးကို တွေ့ရှိခဲ့ကြောင်း အတည်ပြုခဲ့သည်။
မျက်မြင်တွေ့ရှိသူတစ်ဦးက သူသည်တံတား ကို အသုံးပြုခါနီးအချိန်တွင် အခြားယာဉ် မောင်းတစ်ဦးက ၎င်းကို အော်ဟစ်သတိပေး ခဲ့ခြင်းကြောင့် ကားကို အချိန်မီရပ်တန့်နိုင်ခဲ့ သည်ဟုဆိုသည်။
“ကျွန်တော်ရှေ့က ကုန်တင် ကားကတော့ မရပ်ဘဲ ဆက်မောင်းတဲ့အတွက် ရေထဲ ထိုးကျခဲ့ပါတယ်” ဟု ၎င်းကဆိုသည်။
တရုတ်သမ္မတ ရှီကျင်းပင်က ပျောက်ဆုံးနေ သူများကို ပြန်လည်တွေ့ရှိရန် အတတ်နိုင်ဆုံး ကြိုးပမ်းဆောင်ရွက်သွားရန်တိုက်တွန်းထား သည်။
Ref: AFP