ယူနိုက်တက်တိုက်စစ်မှူးအသစ် ဟွိုင်လန်းဟာ ရဲရင့်ခေါင်းဆောင်ပဲ။ သူ့အသက်က နှစ်ဆယ်ဝန်းကျင်ရှိသေးတယ်။ ဖိအားဒဏ်တွေ ကျော်ဖြတ်ပြီး ဒိန်းမတ်ရဲ့ ယူရို-၂၀၂၄ ခြေစစ်ပွဲအောင်မြင်ရေးခရီးစဉ်ကို ဦးဆောင်နေပြီ။ ဟွိုင်လန်းဟာ ဒိန်းမတ်အတွက် သွင်းဂိုးတွေသာမကဘဲ အောင်ပွဲခံစကားလုံးတွေနဲ့ပါ လှုံ့ဆော်ပေးနေတယ်။ ဖင်လန်အသင်းကို အနိုင်ရပြီးနောက် ဟွိုင်လန်းက အဝေးကွင်းအထိ တစ်ခဲနက်လာအားပေးတဲ့ ဒိန်းမတ်ပရိသတ်တွေရှိရာ ပွဲကြည့်စင်ရှေ့မှာ သူရဲကောင်းတစ်ဦးလို မတ်မတ်ရပ်၊ အသံချဲ့စက်ကိုင်ဆောင်ပြီး စိတ်ဓာတ်လှုံ့ဆော်ရေးစကားလုံးတွေ ပြောခဲ့တာပါပဲ။