ပရီးမီးယားလိဂ်ချန်ပီယံဆုရယူပြီး ကမ္ဘာ ကြီးကို လက်စတာအသင်း တုန်လှုပ်စေခဲ့တာ (၈) နှစ်ကျော်ခဲ့ပါပြီ။ အခုတော့ ဂျပန်အဆင့်မြင့်တန်း ပြိုင်ပွဲမှာ လက်စတာအသင်းထက် ပိုပြီးမဖြစ်နိုင်တဲ့ ပုံပြင်တစ်ပုဒ်ကို ရေးမယ့်အသင်းတစ်သင်း ရှိနေပါတယ်။ အဲဒီအသင်းက မာချီဒါဇယ်လ်ဗီယာတဲ့။ ၁၉၈၉ ခုနှစ်မှာ တည်ထောင်ခဲ့တဲ့ မာချီဒါဇယ်လ်ဗီယာအသင်းဟာ ၂၀၀၉ ခုနှစ်ထိ အပျော်တန်းအဆင့်မှာ ရှိနေခဲ့တာပါ။ အခုတော့ သူတို့က ၂၀၂၄ ဂျပန်အဆင့်မြင့်တန်းဖြစ်တဲ့ J1 League ပြိုင်ပွဲပြီးဆုံးဖို့ (၁၄)ပွဲအလိုမှာ အမှတ်ပေးဇယားကို (၅)မှတ်ဖြတ်ပြီး ဦးဆောင်နေပါတယ်။ မာချီဒါဇယ်လ်ဗီယာအသင်းဟာ အသင်းသမိုင်းတစ်လျှောက် J1 League ပြိုင်ပွဲမှာ ဘယ်တုန်းကမှ ကစားဖူးခြင်းမရှိဘဲ ဒီရာသီမှာမှ ပထမဆုံးအကြိမ်ကစားခွင့်ရခဲ့တာပါ။