ပြင်သစ်ကစားသမားများ လူမျိုးရေးခွဲခြားသောသီချင်း သီဆိုသည့် ဗီဒီယိုဖိုင်တင်ခဲ့သော ချယ်လ်ဆီးကွင်းလယ်ကစားသမား အန်ဇိုဖာနန်ဒက်ဇ်အား အသင်းမှထုတ်ပယ်ရန် ချယ်လ်ဆီးပရိသတ်အချို့က တောင်းဆိုခဲ့ကြောင်း သိရသည်။

အန်ဇိုဖာနန်ဒက်ဇ်သည် ကိုပါအမေရိကပြိုင်ပွဲတွင် ဗိုလ်စွဲပြီးနောက် ပြင်သစ်ကစားသမားများအား လူမျိုးရေးခွဲခြားသည့်စာသားများ ပါဝင်သည့် သီချင်းသီဆိုထားသည့် ဗီဒီယိုကို Instagram တွင် တင်ခဲ့ခြင်း ဖြစ်သည်။

ယင်းအတွက် ဝေဖန်မှုများနှင့်ရင်ဆိုင်နေရပြီး ပြန်လည်တောင်းပန်ခဲ့ရသည်။

ယခုအခါ ချယ်လ်ဆီးပရိသတ်အချို့ က ၎င်းအား စာချုပ်ဖျက်သိမ်းပြီး အသင်းမှထုတ်ပယ်ရန်နှင့် ၎င်းဆက်ရှိနေမည်ဆိုပါက ချယ်လ်ဆီးအသင်းကို အားမပေးတော့ဟု လူမူကွန်ရက်များတွင် ရေးသားခဲ့ကြသည်။