မကွေးတိုင်းဒေသကြီး မင်းတုန်းမြို့နယ် ဇင်းကျန်ကျေးရွာအုပ်စု ရပ်ကျေးစာရေး ဦးအေးအောင်အား PDF များက ဇူလိုင် ၁၄ ရက်၌ သေနတ်ဖြင့် ပစ်ခတ်သတ်ဖြတ်ခဲ့ကြောင်း သိရသည်။
ဇူလိုင် ၁၄ ရက်ညပိုင်းက မင်းတုန်းမြို့နယ်၊ ပန်းတောကျေးရွာနေ ဇင်းကျန်ကျေးရွာ အုပ်စုစာရေးဖြစ်သူ ဦးအေးအောင်သည် ၎င်း၏နေအိမ်၌ရှိနေစဉ် PDF နှစ်ဦးက ဆိုင်ကယ်တစ်စီးဖြင့် ရောက်ရှိလာပြီး ဖမ်းဆီးခေါ်ဆောင်သွားကာ ထညောင့်တင်ကျေးရွာအနီး ပုသိမ်-မုံရွာကားလမ်းအနောက်ဘက်ရှိ ကျောက်တိုင်သစ်ဆိပ်ကွင်း၌ သေနတ်ဖြင့် ပစ်ခတ်သတ်ဖြတ်ခဲ့သဖြင့် ဦးအေးအောင်တွင် ကျည်ထိမှန်ဒဏ်ရာများရရှိကာ သေဆုံးခဲ့ကြောင်း သိရသည်။
ထိုသို့ သေဆုံးသွားသည့် ဦးအေးအောင်၏ ရုပ်အလောင်းအား သက်ဆိုင်ရာက ဇူလိုင် ၁၅ ရက် နံနက်ပိုင်းတွင် အခင်းဖြစ်နေရာသို့ သွားရောက်စစ်ဆေးခဲ့ကြောင်း သိရသည်။
အဆိုပါ လုပ်ကြံသတ်ဖြတ်မှုကျူးလွန်ခဲ့သူများအား ဖော်ထုတ်ဖမ်းဆီး၍ ဥပဒေနှင့်အညီ အရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက်ဆောင်ရွက်လျက်ရှိကြောင်း သိရသည်။
