မိခင်တစ်ဦးကသမီးဖြစ်သူ၏  ပန်းနာရင်ကျပ်ရောဂါကို ကုသနိုင်ရန် အထောက်အကူဖြစ်စေလိမ့်မည်ဟူသည့် မျှော်လင့်ချက်ဖြင့် သမီးဖြစ်သူအား ပါးစပ်ကိုဟစေခဲ့ကာ ငါးအရှင်တစ်ကောင်ကို ဆေးနှင့်ရော၍ မျိုချစေခဲ့ သည်။

နှစ်စဉ်နှစ်တိုင်း ဗေဒင်တွက်ချက်မှုအရ နေ့ကောင်းနေ့မြတ်ဟု ယူဆသောနေ့တစ်ရက်တွင် မိသား စုတစ်စုတည်းကသာ ဖန်တီးနိုင်သော လျှို့ဝှက်ဆေးဘက်ဝင်အပင်များ ပါးစပ်တွင် သွပ်ထားသော သေး ငယ်သည့် ငါးအရှင်တစ်ကောင်ကို မျိုချရန်အတွက် ပန်းနာရင်ကျပ်ရောဂါနှင့် အခြားအသက်ရှူလမ်း ကြောင်းဆိုင်ရာ ရောဂါခံစားနေရသူများသည် အိန္ဒိယနိုင်ငံတောင်ပိုင်း ဟိုက်ဒရာဘတ်ပြည်နယ်ရှိ မြို့တစ်မြို့သို့ လာရောက်လေ့ရှိကြသည်။

၁၈၄၅ ခုနှစ်က လှည့်လှည်သွားလာနေသော သူတော်စင်တစ်ဦးသည် ဟိုက်ဒရာဘတ်ပြည်နယ်၏ မြို့ဟောင်းတစ်မြို့တွင် နေထိုင်သော ဗီရန်နာဂိုးဒ်အမည်ရှိ အမျိုးသားတစ်ဦးကို လျှို့ဝှက်ဆေးနည်း တစ်ခုပေးခဲ့ကာ ယင်းဆေးနည်းဖြင့် ပန်းနာရင်ကျပ်လူနာများကို အခမဲ့ကုသပေးရန် ညွှန်ကြားခဲ့သည်။

ထိုအချိန်ကတည်းက ဘာသီနီမိသားစုဟု လူသိများသည့် ဂိုးဒ်၏ သားစဉ်မြေးဆက်သည် လျှို့ဝှက် ဆေးဖော်စပ်မှုပညာကို အမျိုးသားများကသာ ဆက်လက်လက်ဆင့်ကမ်း အမွေဆက်ခံလာခဲ့ကြသည်။

“ကျွန်မရဲ့ ဘိုးဘေးဖြစ်တဲ့ ဗီရန်နာဂိုးဒ်ဟာ ဒီလျှို့ဝှက်ဖော်မြူလာကို သူ့ရဲ့သားဆီ အမွေပေးခဲ့ပါတယ်။ အဲဒီကမှတစ်ဆင့် သားဖြစ်သူတွေက ဆက်လက်လက်ဆင့်ကမ်းလာခဲ့ရာကနေ ကျွန်မတို့ကတော့ ဒီအမွေကို လက်ခံရတဲ့ ငါးဆက်မြောက်မျိုးဆက်ဖြစ်ပါတယ်”ဟု ကာကာနာ အယ်ကာနန်ဒါက ပြောကြားခဲ့ကာ သူသည် ဖော်မြူလာအတွက် အမွေဆက်ခံခွင့်မရှိသော်လည်း ဆေးကုသမှုကိုကြီးကြပ်ရာတွင် ဝင်ရောက်ကူညီပေး လျက်ရှိသည်။

ငါးသည် လည်မြိုတစ်လျှောက် ဆင်းသွားကာ ချွဲ၊သလိပ် သို့မဟုတ်  ဆို့ပိတ်နေမှုများကို သက်သာရာရ စေလိမ့်မည်ဟု ဆိုသည်။

“ကျွန်မအမေက ဒီကုသမှုကို နှစ်အတော်ကြာခံယူခဲ့ပါတယ်။အခုတော့ သူအများကြီး သက်သာနေပါပြီ။ အသက်ရှူရတာ ပိုလွယ်ကူလာပါတယ်“ဟု နယူးဒေလီမြို့တော်မှ မိသားစုနှင့်အတူနာရီ ၂၀ ကြာရထားစီး၍ လာခဲ့သော အက်ရှ်မိုဟာ မက်က ပြောပြခဲ့သည်။

အယူသီးသောယုံကြည်ချက်များကို တွန်းလှန်ရန် လုပ်ဆောင်သော ဒေသခံအဖွဲ့အစည်းတစ်ခုသည် ယင်းကုသမှုကို “ဆေးဖြစ်ဝါးဖြစ်”ဟု ခေါ်ဆိုမှုအား တားမြစ်ပေးရန် တရားစွဲဆိုမှုတွင် အနိုင်ရရှိခဲ့ပြီး နောက်ဘာသီနီမိသားစုက ယင်းကုထုံးကို “prasadam”ဟုခေါ်ဆိုခဲ့ကာ “လှူဒါန်းမှု”ဟု အဓိပ္ပာယ်ရသည်။

ယင်းကုသမှုနောက်ကွယ်တွင် သက်သေအထောက်အထားမရှိကြောင်း၊ သန့်ရှင်းမှုမရှိဟုပင်ခေါ်ဆိုကာ သိပ္ပံပညာရပ်ဆိုင်ရာအဖွဲ့များနှင့် အခြားသူများ၏ ကန့်ကွက်မှုများရှိသော်လည်း ယင်းအလေ့အထကို လိုက်နာလုပ်ဆောင်သူများ ဆက်လက်ရှိနေကြသေးသည်။

လူအများသည် ယင်းနေရာ၌ ရောင်းချနေသော အစိုးရငါးလုပ်ငန်းဌာနဆိုင်မှ ငါးများကိုဝယ်ယူခဲ့ကြသည်။ ယင်းကုသမှုသည် အခမဲ့ဖြစ်သော်လည်း ငါးတစ်ကောင်ကို ရူပီး ၄၀ သို့မဟုတ် ၅၀ ခန့်ပေး၍ ဝယ်ယူကြရ သည်။ ရေထည့်ထားသော ပလတ်စတစ်အိတ်တစ်အိတ်ဖြင့် ငါးအရှင်ကို ဝယ်ယူခဲ့ပြီးနောက် လူတစ်ဦးချင်းစီ သည် ဘီသီနီမိသားစုတွင် အလုပ်လုပ်ကိုင်နေသူတစ်ဦးကို  ယင်းငါးထည့်ထားသော အိတ်အား ပေးရသည်။

ထိုအခါ ၎င်းက ငါး၏ပါးစပ်ထဲသို့ အဝါရောင်ဆေးဘက်ဝင် အနှစ်တစ်မျိုးကို ထည့်ခဲ့ပြီးနောက် ထိုငါးကို မြိုချစေခဲ့သည်။

စီစဉ်သူများ၏ ပြောကြားချက်အရ ယခုနှစ်တွင် ကုထုံးကိုလာရောက်ခံယူသူ လူပေါင်းထောင်ချီရှိ သည်ဟုဆိုသည်။

ဒေသခံအစိုးရက လာရောက်ကုသသူများအတွက် ယာယီနေထိုင်ရန် နေရာများကို တည်ဆောက်ပေးကာ လုံခြုံရေးနှင့် မိလ’ာစနစ်စီမံချက်များကို ကြီးကြပ်ဆောင်ရွက်ပေးလျက်ရှိသည်။        

Ref:AP