အီရတ်နိုင်ငံတွင် အီရန်လိုလားသည့် လက်နက်ကိုင် ညွန့်ပေါင်းအဖွဲ့ တပ်စွဲထား သည့် စစ်စခန်းတစ်ခုသည် ဧပြီ ၁၉ ရက် ညပိုင်းက ဗုံးကြဲတိုက်ခိုက်ခံခဲ့ရသဖြင့် လူအ ချို့ဒဏ်ရာရရှိခဲ့ကြောင်း လုံခြုံရေးသတင်း ရင်းမြစ်နှစ်ခုက ဧပြီ ၂၀ ရက် အစောပိုင်းတွင် ပြောကြားခဲ့သည်။
အီရတ်၏ Popular Mobilization သို့ မဟုတ် Hashed al-Shaabi ညွန့်ပေါင်းတပ်ဖွဲ့ဝင်များ တပ်စွဲထားသည့် ဘဂ္ဂဒက်မြို့တော်တောင်ပိုင်း ဘေဘီလုံပြည်နယ်ရှိ ကယ်လ်ဆို စစ်စခန်းတွင် ပေါက်ကွဲမှုဖြစ်ပွားခဲ့ခြင်းဖြစ် ကြောင်း ပြည်ထဲရေးဝန်ကြီးဌာန၏ သတင်းရင်းမြစ်တစ်ခုနှင့် စစ်တပ်အရာရှိတစ်ဦးက ပြောကြားခဲ့သည်။
လေကြောင်းမှ ဗုံးကြဲတိုက်ခိုက်ခဲ့သည့် အဆိုပါ ဖြစ်စဉ်တွင် လူတစ်ဦးသေဆုံးကာ ရှစ်ဦးဒဏ်ရာရရှိခဲ့ကြောင်း ပြည်ထဲရေးဝန်ကြီးဌာန၏ အရာရှိတစ်ဦးက ပြောကြားခဲ့ပြီး စစ်တပ်၏သတင်းရင်းမြစ်တစ်ခုကမူ ထို တိုက်ခိုက်မှုတွင် အီရတ်စစ်မှုထမ်းသုံးဦး ဒဏ်ရာရရှိခဲ့ကြောင်း ပြောကြားခဲ့သည်။
Hashed al-Shaabi အဖွဲ့က ထုတ်ပြန် သည့် အစီရင်ခံစာတွင် ပေါက်ကွဲမှုကြောင့် ပစ္စည်းများ ပျက်စီးခဲ့ပြီး ထိခိုက်၊သေဆုံးမှုများ ရှိခဲ့ကြောင်း ဖော်ပြထားသော်လည်း ထိခိုက်၊ သေဆုံးသူအရေအတွက်ကို ဖော်ပြခဲ့ခြင်းမရှိပေ။
၎င်းင်းတို့၏ စစ်စခန်းဝင်းအတွင်း တိုက် ခိုက်ခံခဲ့ရကြောင်း Hashed al-Shaabi အဖွဲ့က အတည်ပြုခဲ့ပြီး စုုံစမ်းစစ်ဆေးသူများကို စေလွှတ်ခဲ့ကြောင်း ပြောကြားခဲ့သည်။
ထိုတိုက်ခိုက်မှုကို မည်သူက လုပ်ဆောင်ခဲ့သည်ဆိုခြင်းနှင့် ထိုတိုက်ခိုက်မှုသည် ဒရုန်း ဖြင့် တိုက်ခိုက်ခံရခြင်းဟုတ် မဟုတ်ကို လုံခြုံရေးသတင်းရင်းမြစ်များက အသေးစိတ်ပြောကြားခဲ့ခြင်းမရှိပေ။
Ref: AFP