အီရန်နှင့် ယီမင်နိုင်ငံမှလာသော အစ္စရေးသို့ ပစ်ခတ်သည့် ဒါဇင်နှင့်ချီသည့် ဒရုန်းများနှင့် ပဲ့ထိန်းဒုံးကျည် ခြောက်စင်းကို ဖျက်ဆီးနိုင်ခဲ့ကြောင်း အမေရိကန်ဗဟို စစ်ဌာနချုပ် (CENTCOM) က ဧပြီ ၁၅ ရက်တွင် ပြောကြားခဲ့သည်။
အမေရိကန်တပ်ဖွဲ့များသည် မြေပြင်တွင် ပစ်လွှတ်ရန် ပြင်ဆင်ထားသည့် တစ်ခါသုံး တိုက်ခိုက်ရေး ဒရုန်းအစင်း ၈၀ ကျော်ကို ဧပြီ ၁၃ ရက်နှင့် ဧပြီ ၁၄ ရက်က ဖျက်ဆီးနိုင်ခဲ့ကြောင်း CENTCOM က X လူမှုမီဒီယာတွင် ရေးသားဖော်ပြခဲ့သည်။
"အီရန်ရဲ့ မကြုံစဖူး ဆိုးရွားပြီး အဆင်အခြင်မရှိတဲ့ အပြုအမူတွေဟာ ဒေသတွင်းတည်ငြိမ်ရေး၊ အမေရိကန်နဲ့ ပူးပေါင်းတပ်ဖွဲ့တွေရဲ့ လုံခြုံရေးကို အန္တရာယ်ဖြစ်စေပါတယ်" ဟု CENTCOM က ပြောကြားခဲ့သည်။
မိမိတို့အနေဖြင့် ယခုကဲ့သို့ အီရန်၏ အန္တရာယ်များသည့် လုပ်ဆောင်မှုများကို ဆန့်ကျင်ပြီး အစ္စရေး၏ ကာကွယ်ရေးကို ဆက်လက်ထောက်ပံ့ပေးသွားမည်ဖြစ်ကြောင်း၊ မိမိတို့အနေဖြင့် ဒေသတွင်း လုံခြုံရေးကို မြှင့်တင်ရန် မိမိတို့၏ ဒေသတွင်း မဟာမိတ်များအားလုံးနှင့် ဆက်လက်ပူးပေါင်းလုပ်ဆောင် သွားမည်ဖြစ်ကြောင်း CENTCOM က ပြောကြားခဲ့သည်။
Source: Al Jazeera
