လိုက်ပ်ဇစ် - မိန့်ဇ် (မြန်မာစံတော်ချိန် မတ်လ ၃၀ ရက် ည ၉:၀၀ နာရီ)
လိုက်ပ်ဇစ်အသင်း ဘွန်ဒစ်လီဂါတစ်ခုတည်းကိုပဲ လုံးလုံးလျားလျား အာရုံစိုက်ချိန်မှာ ရလဒ်တွေကောင်းလာပြီး နိုင်ပွဲ ဆက်နေတယ်။ အဝေးကွင်းမှာ ရှုံးပွဲဆက်နေတဲ့ မိန့်ဇ်ကို လိုက်ပ်ဇစ် ဂိုးပြတ်နိုင်ဖို့များတယ်။
လေဗာကူဆင် - ဟော်ဖန်ဟင်မ် (မြန်မာစံတော်ချိန် မတ်လ ၃၀ ရက် ည ၉:၀၀ နာရီ)
လေဗာကူဆင်အသင်း ကြားရက်မှာ ဂျာမန်ဖလား ဆီမီးဖိုင်နယ်ပွဲ ကစားဖို့ရှိပေမဲ့ ဘွန်ဒစ်လီဂါ-၂ ပွဲဖြစ်နေလို့ အခုပွဲကိုပဲ လူစုံတက်စုံ ကစားလိမ့်မယ်။ လေဗာကူဆင်ရဲ့ နောက်ဆုံး ဘွန်ဒစ်လီဂါနိုင်ပွဲ (၉)ပွဲမှာ ဘိုင်ယန်တစ်သင်းကိုပဲ သုံးဂိုးပြတ် အနိုင်ရခဲ့တယ်။ ဟော်ဖန်ဟင်မ်ကလည်း အဝေးကွင်းမှာ စွမ်းဆောင်ရည်တွေ တဖြည်းဖြည်းကျဆင်းလာတယ်။ လေဗာကူဆင် ဂိုးတော့ပြတ်လိမ့်မယ်။
ဖရန့်ဖတ် - အူန်ယွန်းဘာလင် (မြန်မာစံတော်ချိန် မတ်လ ၃၀ ရက် ည ၉:၀၀ နာရီ)
ဖရန့်ဖတ်အသင်းက ဘိုင်ယန်ကို အနိုင်ကစားခဲ့တာအပါအဝင် အိမ်ကွင်း(၆)ပွဲဆက် ရှုံးပွဲမရှိခဲ့ဘူး။ ဒီပွဲလည်း ဖရန့်ဖတ်ကိုပဲ ရွေးချယ်ချင်တယ်။
မိုချန်ဂလာဘတ် - ဖရိုင်းဘတ် (မြန်မာစံတော်ချိန် မတ်လ ၃၀ ရက် ည ၉:၀၀ နာရီ)
မိုချန်ဂလာဘတ်အသင်း အမှတ်ပေးပွဲ (၃)ပွဲဆက်တို်က် သရေကျထားခဲ့တယ်။ ဒီပွဲလည်း မိုချန် သရေထပ်ဖြစ်ခဲ့ရင်တော့ အံ့ဩစရာမရှိပါဘူး။
၀ါဒါဘရီမင် - ဝုလ်ဖ်ဘတ် (မြန်မာစံတော်ချိန် မတ်လ ၃၀ ရက် ည ၉:၀၀ နာရီ)
ဝါဒါဘရီမင်အသင်း နောက်ဆုံး(၃)ပွဲဆက် အရေးနိမ့်ထားသလို၊ ဝုလ်ဖ်ဘတ်ကလည်း (၁၁)ပွဲဆက် နိုင်ပွဲပျောက်ထားတယ်။ အိမ်ရှင် မရှုံးလောက်ဘူး။
ဘိုင်ယန်မြူးနစ် - ဒေါ့မွန် (မြန်မာစံတော်ချိန် မတ်လ ၃၀ ရက် ည ၁၂:၀၀ နာရီ)
လက်ရှိအနေအထားမှာ ဒေါ့မွန်အသင်းကတောင် အမှတ်ပိုလိုအပ်နေတယ်။ နိုင်ပွဲဆက်နေတဲ့ ဒေါ့မွန်အသင်းက အက်သလက်တီကိုနဲ့ ချန်ပီယံလိဂ် ကွာတားဖိုင်နယ်မကစားခင် ဘိုင်ယန်မြူးနစ်၊ စတုဂတ်အသင်းတွေနဲ့ ဆက်တိုက်ကစားရမှာဖြစ်လို့ အမှတ်လျော့မှာတော့ ရာခိုင်နှုန်းများနေပါတယ်။ ဒါ့အပြင် ဘိုင်ယန်နဲ့ ထိပ်တိုက်တွေ့ဆုံမှုတွေမှာလည်း ဒေါ့မွန်အသင်း နိုင်ပွဲမရတာ အတော်ကြာနေပြီး ၂၀၁၉ ခုနှစ်က စူပါဖလားမှာ နောက်ဆုံးအနိုင်ရခဲ့တာဖြစ်တယ်။ ဘိုင်ယန်အသင်းမှာတော့ ဟာရီကိန်း ပြန်ကစားနိုင်ဖို့ရှိတယ်။ ဘိုင်ယန်ပဲ ရွေးချယ်ချင်တယ်။