ပြီးခဲ့တဲ့ ဇန်နဝါရီလကုန်ပိုင်းမှာ လီဗာပူးလ်အသင်းရဲ့ ဂျာမန်လူမျိုးနည်းပြ ယာဂန်ကလော့ပ်နဲ့ ဘာစီလိုနာအသင်းရဲ့ စပိန်လူမျိုးနည်းပြ ဇာဗီတို့က လာမယ့်နွေရာသီမှာ သက်ဆိုင်ရာကလပ်အသင်းတွေနဲ့ လမ်းခွဲတော့မှာ ဖြစ်ကြောင်း ရှေ့ဆင့်နောက်ဆင့်ပဲ အတည်ပြုကြေညာသွားခဲ့တယ်။ သာမန်အရကြည့်ရင် ဘောလုံးလောကအတွက် ထူးခြားလှတဲ့ အခြေအနေမဟုတ်ပေမယ့် လီဗာပူးလ်နဲ့ ဘာစီလိုနာဆိုတဲ့ကလပ်အသင်း (၂)သင်းရဲ့ အရှိန်အဝါ၊ ကလော့ပ်နဲ့ ဇာဗီတို့ရဲ့ ပုံရိပ်တွေကြောင့် ဒီလမ်းခွဲသတင်းတွေက မီဒီယာစာမျက်နှာထက်ကို တောမီးလိုပဲ အလျင်အမြန်ကူးစက်လောင်ကျွမ်းသွားခဲ့တယ်။