မန်ချက်စတာယူနိုက်တက်အသင်းရဲ့ ဂိုးသမားနေရာဆိုတာက ကမ္ဘာပေါ်မှာ အခက်ခဲဆုံးနဲ့ ဖိအားအများဆုံးဆိုတဲ့ နေရာတွေထဲက တစ်ခုပဲ။ အိုနာနာရဲ့ ကစားဟန်ကလည်း သဲထိတ်ရင်ဖို ရှိလှတယ်။ မော်ဒန်ဘောလုံးနဲ့ တကယ့်ကို အံဝင်ခွင်ကျ ဂိုးသမားဆိုတဲ့ ချီးကျူးသံတွေရဲ့တစ်ဖက်မှာ မမှားသင့်ပဲ မှားခဲ့တဲ့အမှားတွေအတွက် ဝေဖန်သံတွေလည်း ရှိခဲ့ဖူးတယ်။ ဘယ်လိုပဲဖြစ်ဖြစ် ချန်ပီယံလိဂ်ဗိုလ်လုပွဲမှာ မန်စီးတီးရဲ့ Pressing ကို စိတ်အေးလက်အေး ရင်ဆိုင်ပြရင်း သူပေးပို့ခဲ့တဲ့ Passing ability နဲ့ Passing range ကတော့ အရမ်းဆွဲဆောင်မှုရှိခဲ့တာအမှန်ပဲ။