ပြည်တွင်းမငြိမ်သက်မှု​၊ စစ်​ဘေး​ရှောင်​များပြားလာခြင်းနဲ့အတူ အလုပ်အကိုင်ရှား ပါးမှုမြင့်တက်​နေချိန် ကိုဗစ်လှိုင်းဂယက်​တွေ​ကြောင့် နှစ်နှစ်ကျော်ကြာ ရပ်နားခဲ့ရတဲ့ MOU လုပ်သားစေလွှတ်ခြင်းကို ​၂၀၂၂ ခုနှစ်​ မေ ၁၀ ရက်မှာ စတင်ခွင့်ပြုလိုက်ခြင်းက လူငယ်​တွေရဲ့အလုပ်အကိုင်အခွင့်အလမ်းကို ပွင့် လန်း​စေခဲ့ပါတယ်။

မိုးပျံပူ​ဖောင်းစီးပြီးမြင့်တက်သွားတဲ့ အ​ထွေ​ထွေကုန်​စျေးနှုန်းကို သမင်လည်ပြန်​မော့ကြည့်ရင်း မိသားစုဝမ်း​ရေးအတွက် ရတက်မ​အေးဖြစ်​နေရ​ပေမဲ့ ရှိစုမဲ့စုလေး​တွေ ထုခွဲ​ရောင်းချပေါင်နှံပြီး အိမ်နီးချင်း ထိုင်းနိုင်ငံ သို့ ထွက်ခွာ အလုပ်လုပ်ကိုင်ဖို့ စိုင်းပြင်းလာ ကြပါတယ်။

ထိုင်းနိုင်ငံသို့ အလုပ်သမားစေလွှတ် ခြင်းကို နှစ်နိုင်ငံနားလည်မှုစာချွန်လွှာ MOU စနစ်နဲ့  ပြည်ပအလုပ်အကိုင်ရှာ​ဖွေ​ရေး​ အကျိုး​ဆောင် အေဂျင်စီ​တွေက  လုပ်သား​​စေလွှတ်​ရေးမှာ အ​စောပိုင်းကာလက လုပ်ထုံးလုပ်နည်း​တွေ​ကြောင့်​နှောင့်​နှေးခဲ့ကြ​ပေမဲ့ ယခုအခါမှာ​တော့ (ပိတ်ရက်မပါ) တစ်ရက်ကို လုပ်သား ၇၀၀ ဦးခန့် ပို့​ဆောင်​နေပြီလို့ဆိုပါတယ်။

လူငယ် လူရွယ်​တွေ ပြည်ပသို့ ထွက်ခွာ သွား​ရောက် လုပ်ကိုင်သူများပြားလာလို့ လူ့စွမ်းအားအရင်အမြစ် ဆုံးရှုံးလာပါတယ်။ နိုင်ငံ့ဝမ်းစာ လယ်ယာလုပ်ငန်းခွင်မှာ စိုက်ပျိုး​ရေး လုပ်သားရှားပါးမှု​တွေကြုံ​တွေ့​နေရ​ပေမဲ့ လတ်တ​လောမှာ လုပ်ခလစာ ပိုမိုရရှိတဲ့ အိမ်နီးချင်းနိုင်ငံသို့ အလုပ်သွားလုပ်မယ့် လူငယ် လူရွယ်​တွေဟာ မြဝတီမြို့မှာ ထုနဲ့ထည်နဲ့ ​ရောက်ရှိလို့​နေပါတယ်။

ဒီအထဲမှာမှ စစ်​ဘေး​ရှောင်​တွေ အလုပ် အကိုင်ရရှိ​ရေးလို့ဆိုပြီး အ​ပြောကြွယ်ကြွယ် နယ်ပွဲစား​တွေရဲ့ နယ်တကာလှည့်လည် လှုံ့ ဆော်စည်းရုံး မှု​တွေ​ကြောင့် ထိုင်းနိုင်ငံသို့ တရားဝင် MOU လုပ်သားအဖြစ်သွားရမယ် ဆိုတဲ့ မျှော်လင့်ချက်နဲ့ မြဝတီမြို့မှာ ​သောင် တင်​နေကြတဲ့ လုပ်သား ၈၀၀ ခန့်မှာ MOU လုပ်ငန်းစဉ်ကို ခုတုံးလုပ်တဲ့ ​ဘေးထွက် ဆိုး ကျိုးလို့ ဆိုရမှာပဲ ဖြစ်ပါတယ်။ 

မည်သည့်ကုမ္ပဏီ၊ မည်သည့်တရားဝင်​အေဂျင်စီကမှ မဟုတ်​တဲ့ ပရဟိတအဖွဲ့တစ်ခု က ထိုင်းနိုင်ငံသို့ သွား​ရောက်အလုပ်လုပ်ကိုင် လိုတဲ့  မြန်မာလုပ်သား ၈၀၀ ခန့်ကို မြဝတီ မြို့ နေရာအနှံ့မှာ စု​ဆောင်းထားတဲ့ တရား မဝင် လူကယ်ရီအဖွဲ့ကို  ဖမ်ဆီးရမိတယ်ဆိုတဲ့ သတင်းက တစ်မုဟုတ်ချင်းထွက်​ပေါ်လာပါ တယ်။

မြဝတီ အ​ခြေစိုက် ​ရွှေ့ပြောင်းလုပ်သား​လေ့လာ​ရေးအဖွဲ့ (MMGT) ဥက္ကဋ္ဌ ဦး​အောင်မြတ်နဲ့ သက်ဆိုင်ရာတို့ ပူး​ပေါင်း​​ဖော်​ထုတ် ဖမ်းဆီးခဲ့တာလို့ဆိုပါတယ်။

ထိုင်းနိုင်ငံသို့ ပို့​ဆောင်ဖို့အတွက် မြဝတီ မြို့ နေရာအနှံ့မှာ စု​ဆောင်းထားစဉ် ​ရွှေ့ ပြောင်းလုပ်သား​လေ့လာ​စောင့်ကြည့်​ရေး အဖွဲ့က တာဝန်ရှိသူများနှင့်ချိတ်ဆက်ကာ ဖမ်းဆီးဟန့်တားနိုင်ခဲ့လို့ မြဝတီ မြို့မ ရဲစခန်း က ​ဒေါ်ယုယုခိုင် အပါအဝင် ငါးဦးကို (ပ) ၁၃၈၊ ပြည်ပအလုပ်အကိုင် ၂၆ နဲ့ အ​ရေးယူ စစ်​ဆေးလျက်ရှိသလို ကယ်ရီခရယူထားတဲ့​ငွေ​ကြေး​တွေကို ပြန်လည်​ပေးသွားမယ်လို့ ကတိကဝတ်ပြု​ခဲ့ပေမဲ့ ယခုအခါမှာ​တော့ ​ငွေအားလုံးကို ပြန်မ​ပေးနိုင်ဘူးလို့လည်း သိရ ပါတယ်။

​ရွှေ့ပြောင်းလုပ်သား​လေ့လာ​စောင့် ကြည့်ရေးအဖွဲ့ဥက္ကဋ္ဌ ဦး​အောင်မြတ်က MOU လုပ်ငန်းစဉ်ကို ခုတုံးလုပ် လူစု​ဆောင် တားတယ်လို့ ထင်ရ​ပေမဲ့ သူတို့က လုပ်မှား ကိုင်မှား ဖြစ်ခဲ့တယ်လို့ထင်ပါတယ်။ ဝန်​ဆောင်ခယူထားတာ​တွေကို တာဝန်ယူမှု၊ တာဝန်ခံမှုနဲ့  ပြန်​ပေးဖို့ ကတိကဝတ်ပြုပါတယ်။ ခု​တော့ ​ငွေသိန်းတစ်​ထောင်ခန့်သာ ပြန် လည်စုစည်းနိုင်ခဲ့ပြီး ကျန်သိန်း​လေးထောင်ခန့်​​လောက်ကိုတော့ ပြန်လည်​ပေးနိုင်ခြင်း မရှိ​တော့ဘူးလို့ဆိုပါတယ်။ ဒေါ်ယုယုခိုင်ပါ အကျိုး​ဆောင်​ (ပွဲစား) လေးဦး၊ အ​ဖော်တစ်ဦး တို့ကို  ပြည်ပအလုပ်အကိုင် ပုဒ်မ ၂၆ နဲ့ မြဝတီ ရဲစခန်းမှာ အမှုဖွင့်ထားပါတယ်။ က​လေး​တွေရဲ့​ငွေ​​ကြေးအချို့ကို​တော့ စာရင်းစစ်​ဆေးပြီးရင်​ပြန်​ပေးဖို့ ပြင်ဆင်​ဆောင်ရွက်​နေ ပါတယ်” လို့ဆိုပါတယ်။

ထိုင်းနိုင်ငံသို့ တရားဝင်အလုပ်သွား လုပ်ရမယ်ဟုဆိုကာ တစ်ဦးလျှင်ကျပ်​ငွေ ၁၀ သိန်း​ကျော်ရယူပြီး  မြဝတီမြို့ ရှိ ကျောက်လုံးကြီးအလုပ်သမား စခန်းပတ်ဝန်းကျင်မှာ ရှိတဲ့ တိုက်အိမ်နှစ်လုံး၊ အမှတ် (၁) ရပ်ကွက် ဓမ္မာရုံပတ်ဝန်းကျန်ရှိ​နေအိမ်သုံးအိမ်နှင့် ဘုရင့်​​နောင်(အာရှလမ်း)လမ်းမကြီးရှိ မိုတယ် တစ်ခုနဲ့ ချမ်း​မြေ့​မေတ္တာ ဘုန်း​တော်ကြီး​ကျောင်းတို့မှာစု​ဆောင်းထားတဲ့ လုပ်သား ၈၀၀ ခန့်ရဲ့ နေထိုင်စား​သောက်​ရေးက အပူ​ပေါ်​ သောကဆင့်​စေပါတယ်။

​မိသားစုအနာဂတ် ဝမ်းဝရုံနဲ့မလုံ​လောက်ဘဲ ခါးလှ​စေဖို့အတွက် နေအိမ်ခြံ ၀ိုင်းကို အတိုးနဲ့​ပေါင်နှံပြီး ထိုင်းကိုအလုပ် သွားလုပ်ဖို့ မြဝတီကို​ရောက်ရှိလာသူ အုတ် တွင်းမြို့နယ်သားတစ်ဦးက ]ဗီဇာနဲ့ တရားဝင် သွားရမယ်ဆိုပြီး လာတာပါ။ တရားဝင် MOU နဲ့ သွားရမယ်​ပေါ့။ ဘယ်ကုမ္ပဏီလို့​တော့

မ​ပြောဘူး။ စတီးလ်စက်ရုံကို့ပို့​ပေးမယ်လို့ ​ပြောပါတယ်။ စစ်​ဘေး​ရှောင်​ပြည်သူတွေ အလုပ်အကိုင်အခွင့်အလမ်းရရှိ​ရေးအတွက် ထိုင်းလုပ်ငန်းရှင်​တွေနဲ့ ချိတ်ဆက်ပြီး လုပ် သား ၅၀၀၀ ​ခေါ်ယူမယ်လို့ဆိုပါတယ်။ ရွာက ခြံကို​ပေါင်နှံပြီး​တော့လာရတာပါ။ ​ရောက်လာ တာ ဇူလိုင် ၈ ရက်​နေ့ကတည်းက။ ရောက်စ တုန်းကအိမ်ငှား​နေတယ်။ ခုထိုင်းကိုသွားရ​တော့မယ်ဆိုလို့ ဒီအိမ်ကို​ပြောင်းလာတာ။ ခု​တော့တရားမဝင်လမ်းကသွားရမယ်လို့ ကြားရုံရှိ​သေး။ ကျွန်​တော်တို့ကို ခေါ်လာတဲ့ ပွဲစား​တွေအဖမ်းခံရတယ်လို့ဆိုတယ်။​​ ပေးထားတဲ့ပိုက်ဆံပြန်ရမလားဆ်ိုတော့ မ​သေချာ​တော့ဘူး။​ နေထိုင်စား​သောက်​ရေး​တွေ လည်းခက်ခဲလာပါတယ်” လို့ဆိုပါတယ်။

​ရွှေ့ပြောင်းလုပ်သား​စောင့်ကြည့်လေ့ လာရေးအဖွဲ့ဥက္ကဋ္ဌ ဦ​းအောင်မြတ်က​ “အဓိက အလုပ်သမား​တွေလုံခြုံစွာ​ရွှေ့ပြောင်းသွား လာခြင်း ​ခေါင်းစဉ်​အောက်ကပဲ သွား​စေချင်ပါ တယ်။ တရားဝင်နိုင်ငံကူးလက်မှတ်ရှိရုံနဲ့ မလုံ​ လောက်ပါဘူး။ တရားဝင်​အေဂျင်စီနဲ့  တရား ဝင်​စာချုပ်ချုပ်ပြီး​တော့ နှစ်နိုင်ငံသ​ဘော တူညီချက်နဲ့စေလွှတ်ခွင့်​တွေနဲ့သွားမှသာ တရားဝင် ဖြစ်မှာပါ။ ခု သူတို့​တွေက ​တရား ဝင်သွားရမယ်လို့ထင်တာ​ပေါ့​နော်။ တရား မဝင်သွားရမှန်း​တောင်သိမှာမဟုတ်ဘူး။ အဲဒီလိုအ​ခြေအ​နေမှာ အချိန်မီ တားဆီးနိုင် လိုက်တာဖြစ်ပါတယ်။ စာရင်းအရဆိုရင် လူ ၈၀၀ ​လောက်ရှိ​နေမှာပါ။ ခုဆိုရင် သူတို့ရဲ့ ​နေရပ်​တွေကိုလည်းပြန်သွားသူ​တွေရှိတယ်။

သူတို့တစ်ဖွဲ့တည်းက ပဲလုပ်တာလား။ ​နောက် ထပ်အဖွဲ့​တွေရှိဦးမလား ဆိုတာစုံစမ်း​ရင်းအ​ဖြေထွက်လာမှာပါ” လို့ ဆိုပါတယ်။

MOU လုပ်သားအဖြစ်​စေလွှတ်မယ်လို့  နယ်တကာက​ခေါ်ယူလာတဲ့ လုပ်သားတစ်ရာ ခန့်ဟာ နယ်စပ်မြို့ဖြစ်တဲ့ မြဝတီမြို့မှာ အနေ အစား အခက်အခဲ​တွေ​​ကြောင့် ဖား​ချောင်​ကျေးရွာအပိုင်မှာရှိတဲ့ ချမ်း​မြေ့​မေတ္တာ​ဘုန်း​တော်ကြီးကျောင်းတိုက်မှာ ခိုလှုံနေကြရတယ် လို့ဆိုပါတယ်။

ထိုင်းနိုင်ငံကို တာဝန်ယူပို့​ဆောင်မယ့် အကျိုး​ဆောင်ပွဲစားတွေဟာ တရားမဝင်လုပ် သားစု​ဆောင်ခြင်း​ကြောင့်ဖမ်းဆီးခံရတဲ့​နောက် ချမ်း​မြေ​့မေတ္တာ​ကျောင်းဆရာ​တော်က နိုင်သလောက် လှူဒါန်း​ကျွေး​မွေးခြင်း (အစာ လည်း​​ကျွေး၊ တရားလည်း​ပေးအစီအစဉ်နဲ့ ​ကျွေး​မွေးထားသလို ညပိုင်းအိပ်ရာမဝင်ခင် သတိ၊အသိရှိဖို့ တရားဓမ္မလည်း​ ဟောဆိုဆုံးမ​ပေးတယ်လို့ဆိုပါတယ်။

ချမ်း​မြေ့​​မေတ္တာ​ကျောင်းတိုက်ဆရာ​တော် ဘဒ္ဒန္တအာဒိစ္စဝံသက “ဘဝတစ်ခုကို​အောင်မြင်​အောင်တည်​ထောင်တဲ့​နေရာမှာ​ နေသလိုဖြစ်တဲ့ဘဝမှာ ဖြစ်သလိုမ​နေဘဲနဲ့ မိမိရဲ့ဘဝ​တွေကို သတိထားပြီး ဉာဏ်နဲ့ ​ဆောက်တည်ရတယ်။ သတိမရှိဘူးဆိုရင် ဘဝ​ဟာ မ​အောင်မြင်နိုင်ဘူး။ ဝီရိယမစိုက် ဘူးဆိုရင် ဘဝဟာ မ​အောင်မြင်နိုင်ဘူး။ သတိထား၊ ဝီရိယစိုက်၊ မိမိရဲ့ဘဝကို ဉာဏ်နဲ့ ​စောင့်ကြည့်ရတယ်။ သတိမထား၊ ဝီရိယ မစိုက်၊ Óဏ်နဲ့ ​မစောင့်ကြည့်ဘူးဆိုရင် ဘဝ ဟာ မ​အောင်မြင်နိုင်ဘူး။ ဘဝဆိုတာ ဖြစ် ခြင်းလို့အဓိပ္ပာယ်ရတယ်။ ဖြစ်ခြင်းဆိုတာ ကြိုးစားခြင်းပဲ။ ဘဝမှာ လဲကျတိုင်းသာ ပြန်မထဘူးဆိုရင် ဘဝမှာလူဆိုတာလည်း ဖြစ်လာမှာမဟုတ်ဘူး။ ဒီ​တော့ ဘယ်​လောက် ပဲလဲကျ လဲကျ ပြန်ထဖို့ ဗုဒ္ဓ မြတ်စွာဘုရားရဲ့ တရား​တော်မှာလည်းပါတယ်။​ လောကဓံ တရား​တွေ နဲ့ကြုံ​တွေ့လာတဲ့အခါ စိတ်ကို မတုန်လှုပ်ဘဲနဲ့ထားရှိတာ မင်္ဂလာတစ်ပါး။ ဒီ​တော့ ​လောကဓံ ​လေလှိုင်းမုန်တိုင်းဆင်​စေ၊​ ချောင်း​မြောင်​းချောက်ကြား ကျသွားပါ​စေ။ မလှုပ်မယှက် အားနွဲ့မ​ခွေ၊ ကျားတို့ဇွဲ အမြဲ ကျင့်​ဆောင်​​နေ၊ အမျိုးသမီးတို့ဇွဲ အမြဲကျင့်​ဆောင်​​နေဆိုပြီး​တော့ ဘဝကို​အောင်မြင်​အောင် ကြိုးစားကြဖို့ တိုက်တွန်းချင် ပါတယ်”  လို့ ချမ်း​မြေ​့မေတ္တာဆရာ​တော်က မိန့်ကြားပါ တယ်။

မြန်မာ့​ရွှေ့ပြောင်းလုပ်သား​တွေ ထိုင်း နိုင်ငံဘက်သို့ တရားဝင်​ရွှေ့ပြောင်းလုပ်သား အလုပ်လုပ်ကိုင်နိုင်​ရေးအတွက် ၂၀၂၂ ခုနှစ် မေလ ၁၀ ရက်ကစတင်ခဲ့တာ ယခု နှစ်လ​ကျော် သုံးလနီးပါး အတွင်းမှာ MOU လုပ်သား နှစ်​သောင်းနီးပါး ​စေလွှတ်ခဲ့ပြီးဖြစ်ပါတယ်။

“ပိတ်ရက်​တွေကလွဲပြီး​တော့ တစ်ရက် ကို MOU လုပ်သား ​၇၀၀ ​ကျော်​စေလွှတ်နိုင် တယ်ဆိုတာ ဘာပဲ​ပြော​ပြော အရှိန်မြင့်လာ တယ်။ အခြားတစ်ဖက်ကို ကြည့်ရင်ထိုင်းနိုင်ငံ မှာ ပန်​းရောင်ကတ်တွေထုတ်​ပေးမယ်ဆို​တဲ့ အတွက် တရားမဝင်နယ်စပ်ဖြတ်​ကျော်ဝင်​ရောက်မှုပိုများလာတယ်။ ဒါ​တွေအားလုံးက အစိုးရရယ်၊ CSO,CBO ​တွေရယ်၊ NGO, INGO ​တွေရယ်​၊ နောက်​ရွှေ့ပြောင်းလုပ်သား​တွေရယ် ​လေးပွင့်ဆိုင်​ဖြေရှင်းပါမှ၊ မူဝါဒကို လည်း​ကောင်းကောင်းချ၊ သွက်သွက်လက် လက်အ​ကောင်အထည်​ဖော်​ဆောင်နိုင်ငံ​ တော့ ပိုမို​ကောင်းလာမှာပါ” လို့ မြန်မာပြည် သားများအ​ရေး ပူးတွဲလှုပ်ရှားမှု​ကော်မတီ (JACBA) ဥက္ကဋ္ဌ ဦးမိုးကြိုးက ​ပြောပါတယ်။

MoU လုပ်သားစေလွှတ်​ရေးလုပ်ငန်းစဉ် အတွက် တရားဝင်ကျသင့်​​ငွေမှာ ကျပ်သုံး သိန်းဆို​ပေမဲ့ ​မြေပြင်လက်​တွေ့မှာ ထိုင်းကို ထွက်ရတဲ့အထိ ကျပ် သိန်း ၂၀ ဝန်းကျင်ကုန်ကျ​နေပါတယ်။ တရားဝင် လမ်း​ကြောင်းမဟုတ်တဲ့ ​အောက်လမ်းနည်းနဲ့ တရားမဝင်နယ်စပ်ဖြတ်​ကျော်ဝင်​ရောက်သူ​တွေ ​နေ့စဉ်ဖမ်းဆီးခံ​နေ

ရသလို MoU လုပ်ငန်းစဉ်ကို ဟန်ပြ၊ လူစု​ဆောင်းခံရပြီး မြဝတီမြို့မှာ​ သောင်တင်​နေသူ​တွေဟာလည်း အ​နေဆင်းရဲ၊ အစားဆင်းရဲ အခက်ကြုံ​နေရတာ​ကြောင့် MOU လုပ်ငန်းစဉ် အလုပ်အကိုင်အခွင့်အလမ်း ရှိ​နေပြီ ဆို​ပေမဲ့ ၀ိသမ​လောဘသား​တွေ​ကြောင့် ​ဘေးထွက် ဆိုးကျိုး​တွေ ရှိ​နေပြီ ဖြစ်ပါတယ်။