PSG အသင်းသည် မက်ဆီကို ခေါ်ယူရာတွင် FFPစည်းမျဉ်းနှင့်ကိုက်ညီရန်အတွက် ကစားသမား(၁၀)ဦး ရောင်းထုတ်၍ ဖြေရှင်းရန် စီစဉ်နေကြောင်း သိရသည်။

PSG အသင်းသည် လက်ရှိအချိန်တွင် ကစားသမားများအတွက် တစ်ရာသီလျှင် လစာပေါင်(၂၅၆)သန်း ပေးချေနေရလျက်ရှိသည်။

ထို့ကြောင့် မက်ဆီ ရောက်ရှိလာပါက လစာနှုန်းထား ပိုမိုမြင့်တက်လာမည်ဖြစ်သည်။

အခြားတစ်ဖက်တွင် ဘာစီလိုနာအသင်း၏ရှေ့နေအဖွဲ့က ဘဏ္ဍာရေးစည်းမျဉ်းဖြင့် တိုင်တန်းရန် စီစဉ်နေကြောင်းလည်း သိရသည်။

ယင်းအတွက် PSG အသင်းသည် အသင်းမှ ကစားသမား(၁၀)ဦးအထိ ရောင်းထုတ်ရန် ပြင်ဆင်နေပြီဟု Daily Mail သတင်းစာက ဖော်ပြခဲ့သည်။

အဆိုပါကစားသမားစာရင်း၌ အီကာဒီ၊ ဟာရဲရား၊ ဒီယာလို၊ ကယ်ဟာ၊ ဂေးယီ၊ ရာဖင်ညာတို့ ပါဝင်နေပြီး အငှားချမှုများလည်း ပြုလုပ်သွားဖွယ်ရှိကြောင်း သိရသည်။