မန်စီးတီးအသင်းသည် အသင်းနည်းပြ ဂွါဒီယိုလာနှင့် တိုက်စစ်မှူး အဂွဲရိုးတို့အား စာချုပ်သစ်ချုပ်ဆိုရန် စီစဉ်နေကြောင်း သိရသည်။
ဂွါဒီယိုလာနှင့် အဂွဲရိုးတို့မှာ မန်စီးတီးအသင်းနှင့် စာချုပ်သက်တမ်း (၁၀)လကျန်ရှိတော့ပြီး စာချုပ်သက်တမ်းကုန်ဆုံးပါက အသင်းတွင် ဆက်ရှိရန် မသေချာကြောင်း သိရသည်။
အသက် (၃၂)နှစ်အရွယ်ရှိ အာဂျင်တီးနားဝါရင့်တိုက်စစ်မှူး အဂွဲရိုးသည် ၂၀၁၁ ခုနှစ်တွင် အက်သလက်တီကိုအသင်းမှ မန်စီးတီးအသင်းသို့ ပြောင်းရွှေ့လာခဲ့ပြီး အသင်းနှင့်အတူ ဆုဖလား (၁၃)လုံးအထိ ရယူထားသူဖြစ်သည်။
စပိန်လူမျိုးနည်းပြ ဂွါဒီယိုလာ(၄၉ နှစ်)သည် မန်စီးတီးအသင်းကို ၂၀၁၆ ခုနှစ်တွင် စတင်ကိုင်တွယ်ခဲ့ပြီး အသင်းကို ဆုဖလား (၈)လုံးအထိ ရယူပေးထားသူဖြစ်သည်။
မန်စီးတီးအသင်းဥက္ကဋ္ဌ မူဘာရက်ခ်က မိမိတို့အနေဖြင့် အသင်းနည်းပြ ဂွါဒီယိုလာနှင့် အဂွဲရိုးတို့ကို စာချုပ်သစ်ချုပ်ဆိုရန် ကြိုးပမ်းနေပြီး ၎င်းတို့နှစ်ဦးစလုံး အသင်းတွင် ဆက်ရှိနေမည်ဟု ယုံကြည်ကြောင်း ပြောကြားခဲ့သည်။
