Photo: AFP

နိုင်ငံရွှေ့ပြောင်းလုပ်သားများ၏ နေရပ် နိုင်ငံများသို့ ပြန်ပို့သည့်ငွေသည် မြင့်တက်လာကာ ၂၀၁၇ ခုနှစ်က စံချိန်သစ်တင်ခဲ့သည်ဟု ကမ္ဘာ့ဘဏ်က ဧပြီ ၂၃ ရက်တွင် ထုတ်ပြန်ခဲ့သည်။ သို့သော် ငွေလွှဲခများမှာလည်း မြင့်တက်လာသည်ဟု သိရသည်။

ဥရောပ၊ ရုရှား၊ အမေရိကန်တို့တွင် ဖွံ့ဖြိုးမှုများကြောင့် နေရပ်နိုင်ငံများသို ပြန်ပို့သည့်ငွေများသည် ခန့်မှန်းထားသည်ထက် ခိုင်မာစွာ မြင့်တက်လာခဲ့သည်ဟု ကမ္ဘာ့ဘဏ်က ဆိုသည်။ ထိုပြန်ပို့ငွေများသည် ဆင်းရဲသော နိုင်ငံအများအပြား၏ စီးပွားရေးအတွက် အဓိက ထောက်ပံ့ပေးနေသည့် အရာလည်းဖြစ်သည်။

၂၀၁၇ ခုနှစ်က ဝင်ငွေနိမ့်နှင့် ဝင်ငွေ အလယ်အလတ်ရှိသည့် နိုင်ငံများသို့ တရားဝင်ပြန်ပို့သည့် ငွေသည် စံချိန်တင် ဒေါ်လာ ၄၆၆ ဘီလျံ အထိခန့်မှန်းခြေရှိမည်ဖြစ်သည်။ ယင်းသည် ဒေါ်လာ ၄၂၉ ဘီလျံရှိသော ၂၀၁၆ ခုနှစ်ကထက် ၈ ဒသမ ၅ ရာခိုင်နှုန်းမြင့်တက် လာခြင်းဖြစ်သည်။ ယခုနှစ်တွင်မူ နောက်ထပ် လေးရာခိုင်နှုန်းမြင့်တက်မည်ဟု ခန့်မှန်းနေ ကြသည်။ ပြန်ပို့ငွေ အများဆုံးရရှိသည့်နိုင်ငံမှာ အိန္ဒိယဖြစ်ပြီး ဒေါ်လာ ၆၉ ဘီလျံရှိသည်။ ဒုတိယမှာ တရုတ်၊ ဒေါ်လာ ၆၄ ဘီလျံနှင့် တတိယမှာ ဖိလစ်ပိုင်၊ ဒေါ်လာ ၃၃ ဘီလျံ တို့ ဖြစ်ကြသည်။ ယင်းနောက်တွင် မက္ကဆီကို၊ နိုင်ဂျီးရီးယား၊ အီဂျစ်တို့ အသီးသီးရှိနေကြသည်။

၂၀၁၈ ခုနှစ် ပထမသုံးလပတ်အတွင်း က ဒေါ်လာ ၂၀၀ ၏ငွေလွှဲခသည် ၇ ဒသမ ၁ ရာခိုင်နှုန်းပျမ်းမျှရှိသည်။ သို့သော် အာဖရိ က ဆာဟာရအောက်ပိုင်းဒေသသည် ဈေး နှုန်းအမြင့်ဆုံးဖြစ်ပြီး ပျမ်းမျှငွေလွှဲခမှာ ၉ ဒသမ ၄ ရာခိုင်နှုန်းအထိရှိသည်။ ကမ္ဘာ့ ဘဏ်ကမူ ထိုစရိတ်များကို လျှော့ချရန် လုပ်နည်းလုပ်စဉ်များအား လွယ်ကူအောင် လုပ်ဆောင်ရေးအတွက် နိုင်ငံများကို ဆော်သြခဲ့သည်။