မတ် ၁၂ ရက်က မွမ်ဘိုင်းတွင် စုဝေးဆန္ဒပြနေသည့် အိန္ဒိယလယ်သမားများကို တွေ့ရစဉ် (Photo: AFP)
ကောက်ပဲသီးနှံဈေးနှုန်း တိုးမြှင့်ပေးရန် နှင့် လယ်ယာအခွင့်အရေးများ ရရှိရန်အတွက် တောင်းဆိုရန် အိန္ဒိယလယ်သမား ထောင်ပေါင်းများစွာသည် မိုင်ပေါင်း ၁၀၀ ကျော် လမ်းလျှောက် ချီတက်လာခဲ့ပြီးနောက် မွမ်ဘိုင်းမြို့တွင် မတ် ၁၂ ရက်၌ ဆန္ဒပြခဲ့ကြကြောင်း သိရသည်။ ဦးထုပ်နီများဆောင်းပြီး အလံနီများ ကိုင်ဆောင်လာကြသော ယင်းလယ်သမားများသည် အိန္ဒိယဘဏ္ဍာရေး မြို့တော်၏မြောက်ဘက် ၁၆၅ ကီလိုမီတာ (၁၀၃ မိုင်) အကွာတွင်တည်ရှိသည့် နာရှက်မှ ခြောက်ရက်ကြာ လမ်းလျှောက်လာခဲ့ပြီး နောက် မွမ်ဘိုင်းသို့ ရောက်ရှိခဲ့ခြင်းဖြစ်သည်။
သက်ကြီးပိုင်း အမျိုးသမီးများနှင့် ကလေးငယ်များလည်းပါဝင်သော ယင်းချီတက်လာသူများသည် ၃၀၀၀၀ အထိရှိနိုင်သည်ဟု တာဝန်ရှိသူများက ခန့်မှန်းခဲ့ကြသည်။ ဆန္ဒပြသူများသည် မွမ်ဘိုင်းတောင်ဘက်ရှိ အေဇက်မိုင်ဒန်ကစားကွင်းတွင် စုဝေးခဲ့ကြပြီး တောင်းဆိုခဲ့ကြခြင်းဖြစ်သည်။ လူမျိုးစုလယ်သမားများက နှစ်ပေါင်းများစွာလုပ်ကိုင်လာခဲ့သော တောမြေများအား ၎င်းတို့ထံ ပြန်လည်လွှဲပြောင်းပေးရန် မွမ်ဘိုင်းတည်ရှိသော မဟာရက်ရှ်ထရာပြည်နယ်အစိုးရကို ၎င်းတို့ က တောင်းဆိုခဲ့ကြသည်။ ထို့ပြင် ၎င်းတို့ စိုက်ပျိုးထုတ်လုပ်သော ကောက်ပဲသီးနှံများ၏ ကုန်ကျစရိတ်၏ တစ်ဝက်ခွဲခန့်ကို ဈေးနှုန်းသတ်မှတ်ပေးရန်၊ လယ်ယာချေးငွေ အားလုံးကို အစိုးရက ပယ်ဖျက်ပေးရန်လည်း ၎င်းတို့က တောင်းဆိုခဲ့ကြသည်။
မဟာရက်ရှ်ထရာပြည်နယ်ဝန်ကြီးချုပ် က ၎င်းတို့အစိုးရသည် လယ်သမားများထံမှ ချေးငွေခန့်မှန်းခြေ ရူပီး ၃၀၅ ဘီလျံ (ဒေါ်လာ ၄ ဒသမ ၇၅ ဘီလျံ) ကို လျှော်ပေးမည်ဟု ပြီးခဲ့သောနှစ်တွင် ကြေညာခဲ့သည်။
