လီဗာပူးလ်နည်းပြ အာနယ်ဆလော့က အခုရာသီဟာ သူ့ရဲ့ နည်းပြသက်တမ်းတစ်လျှောက် အခက်ခဲဆုံးရာသီနဲ့ ရင်ဆိုင်နေရခြင်းဖြစ်ကြောင်း ဝန်ခံပြောကြားခဲ့ပါတယ်။
နယ်သာလန်နည်းပြ အာနယ်ဆလော့ဟာ ၂၀၂၄ နွေရာသီမှာ ဖီယင်နုကနေ လီဗာပူးလ်အသင်းကို ပြောင်းရွှေ့ကိုင်တွယ်ခဲ့သူဖြစ်ပြီး ပွဲဦးထွက်ရာသီမှာ ပရီးမီးယားလိဂ်ချန်ပီယံဆု ရရှိခဲ့ပေမဲ့ ဒီရာသီမှာတော့ ချန်ပီယံလိဂ်ဝင်ခွင့်ရရှိဖို့တောင် ရုန်းကန်ရဖွယ်ရှိနေပါတယ်။
အာနယ်ဆလော့က လာမယ့်ရာသီမှာ ချန်ပီယံလိဂ်ဝင်ခွင့် ရယူနိုင်ခြင်းမရှိခဲ့ရင် လီဗာပူးလ်အသင်းရဲ့ နည်းပြထိုင်ခုံပေါ် ဆက်ရှိဖို့ မသေချာကြောင်းလည်း ပြောကြားခဲ့ပါတယ်။
အသက်(၄၇)ရှိပြီဖြစ်တဲ့ အာနယ်ဆလော့ဟာ ၂၀၁၆ ခုနှစ်မှာ နည်းပြလောကကို စတင်ဝင်ရောက်ခဲ့ပြီး အယ်လ်ခမာ၊ ဖီယင်နုအသင်းတွေကတစ်ဆင့် လီဗာပူးလ်အသင်းကို ရောက်ရှိခဲ့တာပါ။
''ကျွန်တော် နည်းပြခဲ့တဲ့ တခြားရာသီတွေအားလုံး အပေါင်းလက္ခဏာဆောင်ခဲ့ပါတယ်။ ကျွန်တော် နှစ်ပွဲဆက် မရှုံးခဲ့ဖူးဘူးလို့လည်း ထင်ပါတယ်။ အဲဒါက ကျွန်တော့်အတွက် ခြွင်းချက်တစ်ခုဖြစ်ပြီး ကျွန်တော်နဲ့ အကျွမ်းတဝင်မရှိပါဘူး။ ကျွန်တော်တို့ နောက်ဆုံး(၁၇)ပွဲမှာ (၂)ပွဲပဲ ရှုံးထားတယ်လို့ မခံစားပါဘူး။ သရေပွဲကို ရှုံးပွဲလိုပဲ ခံစားရပါတယ်။ ဒါဟာ လီဗာပူးလ်အသင်းရဲ့ အဆင့်အတန်းမဟုတ်ဘူးဆိုတာ ကစားသမားတွေ သိထားကြပြီး အဲဒီအဆင့်အတန်းမျိုး မစွမ်းဆောင်နိုင်တဲ့အတွက်လည်း သူတို့ စိတ်ပျက်နေကြပါတယ်'' လို့ အာနယ်ဆလော့က ပြောကြားခဲ့ပါတယ်။
