နိုင်ငံတကာပြိုင်ပွဲကြီးတွေပြီးဆုံးဖို့ နီးကပ်လာတာနဲ့အမျှ ဘောလုံးပရိသတ်တွေရဲ့ စိတ်အာရုံဟာ ၂၀၂၄ နွေရာသီအပြောင်းအရွှေ့စျေးကွက်လှုပ်ရှားမှုတွေ၊ ကလပ်အသင်းတွေရဲ့ ရာသီကြိုပြင်ဆင်မှုနဲ့ ရာသီသစ်အပြောင်းအလဲတွေပဲ တဖြည်းဖြည်းပြန်လည်ရောက်ရှိလာခဲ့တယ်။ အထူးသဖြင့် ထိပ်တန်းကလပ်အသင်းကြီးတွေရဲ့ အပြောင်းအလဲအခြေအနေတွေက ပရိသတ်အတွက် စောင့် ကြည့်ရင်ခုန်စရာပိုဖြစ်စေပြီး ရာသီသစ်၊ မျှော်လင့်ချက်အသစ်တွေအတွက် ဘယ်အသင်းတွေက မှန်ကန်တဲ့လမ်းပေါ် လျှောက်လှမ်းနိုင်မလဲဆိုတာ ရာသီကြိုကာလရဲ့ စိတ်လှုပ်ရှားစရာအခိုက်အတန့်ပါပဲ။ လက်ရှိအခြေအနေအရ လာမယ့် ၂၀၂၄-၂၅ ရာသီသစ်ကတော့ ကစားသမားအပြောင်းအရွှေ့တွေထက် ဥရောပထိပ်တန်းလိဂ်ကလပ်အသင်းကြီးတွေရဲ့ နည်းပြအပြောင်းအလဲဇာတ်လမ်းတွေက ပိုပြီးရင်ခုန်စရာကောင်းနေပါတယ်။