ပွဲစဉ်(၁၇)ပွဲ ကစားပြီးချိန်မှာ ထိပ်ဆုံးက အသင်းနဲ့ (၄၊ ၅၊ ၆)မှတ်လောက် ကွာဟတယ်ဆိုတာက ချန်ပီယံပြေးလမ်းပေါ်က အသင်းတစ်သင်းအတွက်၊ ချန်ပီယံဆုကို မျှော်မှန်းထားတဲ့ အသင်းတစ်သင်းအတွက် သိပ်ဆိုးရွားတဲ့ အနေအထားတော့ မဟုတ်ပါဘူး။ ဒါပေမဲ့ အမှတ်ဖြတ်ထားတဲ့ အသင်း၊ ကိုယ့်အထက်မှာ ရှိနေတဲ့အသင်းက တစ်သင်းတည်းမဟုတ်ဘဲ (၃၊ ၄)သင်းရှိနေပြီဆိုရင်တော့ ပြင်းထန်တဲ့ ချန်ပီယံတိုက်ပွဲကို ဆင်နွှဲရတော့မယ်ဆိုတာ သေချာနေပါတယ်။ ဒါကြောင့်လည်း မန်စီးတီးအသင်းအနေနဲ့ ပရီးမီးယားလိဂ်ချန်ပီယံဆုအတွက် ရေပန်းအစားဆုံးအသင်းအဖြစ် ဆက်ရှိနေဆဲဆိုပေမဲ့ အလေးပေးမှုနှုန်းထားတွေကတော့ အများကြီးကျဆင်းလာပါတယ်။