ယူရို-၂၀၂၄ ပြိုင်ပွဲအတွက် ခြေစစ်ပွဲစဉ်တွေကို ယှဉ်ပြိုင်ကစားလာခဲ့တာ အတော်လေးကိုအရှိန်ရနေပြီး အုပ်စုပွဲစဉ် (၆)ကိုပြီးဆုံးတော့မှာပါ။ လက်ရှိအချိန်အထိ ခြေစစ်ပွဲအဆင့်မှာ ရာနှုန်းပြည့်အနိုင်ရထားတဲ့အသင်းအဖြစ် ပြင်သစ်၊ ပေါ်တူဂီနဲ စကော့တလန်တို့ (၃)သင်းသာကျန်ရှိတော့ပြီး (၃)သင်းစလုံး ခြေစစ်ပွဲအုပ်စုပွဲစဉ် (၅)ပွဲစီကစားထားရာမှာ (၅)ပွဲစလုံးကို ရာနှုန်းပြည့်အနိုင်ရရှိထားတာဖြစ်ပါတယ်။ ဒီနေရာမှာလည်း ပြင်သစ်၊ ပေါ်တူဂီတို့လို ယူရိုချန်ပီယံဟောင်း ထိပ်တန်းလက်ရွေးစင်အသင်းကြီးတွေအတွက် ခြေစစ်ပွဲမှာ ရာနှုန်းပြည့်နိုင်ပွဲရယူတာက ထူးခြားမှုမဟုတ်ပေမယ့် စကော့တလန်လို အသင်းအ တွက်တော့ လက်ရှိပြသနိုင်တဲ့စွမ်းဆောင်ရည်ဟာ တကယ်ကို ချီးကျူးစရာဖြစ်နေတာအမှန်ပါ။