ပရီးမီးယားလိဂ်ပွဲကျန်မှာ အဲဗာတန်အသင်းကို (၃-၁)ဂိုးနဲ့အနိုင်ရပြီးနောက် မန်စီးတီးအသင်းရဲ့ပရီးမီးယားလိဂ်နိုင်ပွဲဆက်မှုက(၁၂)ပွဲအထိရှိလာခဲ့ပြီး လက်ရှိချန်ပီယံလီဗာပူးလ်အသင်းနဲ့ ရမှတ်ကွာခြားမှုကလည်း (၁၆)မှတ်အထိ ရှိလာခဲ့ပြီဖြစ်ပါတယ်။ မန်စီးတီးအသင်းအနေနဲ့ အမှတ်ပေးဇယားဒုတိယနဲ့တတိယနေရာတွေမှာ ရပ်တည်နေတဲ့ မန်ယူ၊ လက်စတာအသင်းတွေကိုလည်း ရမှတ်(၁၀)မှတ်အထိ ဖြတ်ထားနိုင်တာကြောင့် လက်ကျန်(၁၄)ပွဲမှာ ချန်ပီယံပြေးလမ်းထက် တစ်ကောင်တည်း ပြေးတဲ့မြင်းလို ရှေ့ဆုံးကအပြတ်အသတ်ဖြတ်ပြီး ပန်းဝင်တော့မလားဆိုတာ စိတ်ဝင်စားစရာဖြစ်လာပါတယ်။