ဒီပွဲမတိုင်ခင် ရက်ပေါင်း(၇၁)ရက်ဖြစ်တဲ့ ၁၉၇၃၊ စက်တင်ဘာ(၁၁)ရက်နေ့မှာ ချီလီနိုင်ငံ ရေးသမိုင်းကြောင်းကို အကြီးအကျယ်ပြောင်းလဲစေတဲ့ စစ်တပ်အာဏာသိမ်းမှုကြီးဖြစ်ပေါ်ခဲ့ပါတယ်။ လက်ဝဲဝါဒီ ချီလီဆိုရှယ်လစ်ပါတီခေါင်းဆောင်တစ်ဦးဖြစ်တဲ့ သမ္မတဆာဗေးဒိုးအယ်လန်ဒီထံက အာဏာကို ကာကွယ်ရေးဦးစီးချုပ်အဖြစ် သူ ယုံယုံကြည်ကြည်ခန့်အပ်ထားတဲ့ ဗိုလ်ချုပ်ပီနိုချေးက အဓမ္မသိမ်းယူခဲ့တာပါ။ ကိုယ်မွေးတဲ့မျောက် ပြန်ခြောက်တာကို ခံနိုင်ရည်မရှိတဲ့ သမ္မတ ဆာဗေးဒိုး အယ်လန်ဒီ (၆၅နှစ်)ဟာ အာဏာသိမ်းခံရပြီးပြီးချင်း ဖမ်းဆီးထိန်းသိမ်းမခံဘဲ ကိုယ့်ကိုယ်ကိုယ် သေနတ်နဲ့ပစ်ပြီး အဆုံးစီရင်ခဲ့ပါတယ်။