စပိန်ဘောလုံးအဖွဲ့ချုပ်တာဝန်ရှိသူများသည် ဒီယေဂိုကော်စတာအား (၈)ပွဲပယ်ပြစ်ဒဏ်အပြင် ယူရို (၆၀၀၀) ဒဏ်ကြေးသတ်မှတ်ခဲ့ပြီး၊ ကလပ်အသင်းဖြစ်သည့် အက်သလက်တီကိုအသင်းကိုလည်း ဒဏ်ငွေယူရို (၂၈၀၀)ပေးဆောင်ရန် ဆုံးဖြတ်ခဲ့ကြောင်းသိရသည်။
အက်သလက်တီကိုမက်ဒရစ်အသင်းတိုက်စစ်မှူး ဒီယေဂိုကော်စတာသည် ပြီးခဲ့သည့် ဧပြီလ (၆)ရက်နေ့က ယှဉ်ပြိုင်ခဲ့သော ဘာစီလိုနာအသင်နှင့်ပွဲစဉ်မှ အပြုအမူအတွက် (၈)ပွဲပယ်ပြစ်ဒဏ်နှင့် ဒဏ်ငွေချမှတ်ခံခဲ့ရကြောင်း သိရသည်။
လာလီဂါပွဲစဉ် (၃၁)အဖြစ်ယှဉ်ပြိုင်ခဲ့သော ဘာစီလိုနာ (၂-၀)အက်သလက်တီကိုပွဲစဉ်တွင် ဒီယေဂိုကော်စတာသည် ပွဲချိန် (၂၈)မိနစ်၌ ကွင်းလယ်ဒိုင်ဖြစ်သူ ဂေလ်မန်ဇာနိုအား ရိုင်းစိုင်းစွာပြောဆိုခဲ့ပြီး ကွင်းလယ်ဒိုင်ဖြစ်သူမှ တိုက်ရိုက်အနီကတ်ဖြင့် ထုတ်ပယ်ခဲ့ခြင်းဖြစ်သည်။
ဒီယေဂိုကော်စတာသည် အဆိုပါပွဲစဉ်တွင် ကွင်းလယ်ဒိုင်ဖြစ်သူ၏မျက်နှာအား အနီးကပ်ကြည့်ကာ ''မင်းရဲ့အမေကို ငါစော်ကားပစ်မယ်'' ဟုအဓိပ္ပါယ်ရသည့် ''Is***on your wh***Mother,Is***on your wh***Mother'' ဟုပြောဆိုခဲ့သည်ဟု ဒိုင်လူကြီးမှ ပွဲပြီးအစီရင်ခံစာတွင် ထည့်သွင်းရေးသားခဲ့ခြင်းဖြစ်သည်။
ထို့နောက် စပိန်ဘောလုံးအဖွဲ့ချုပ်တာဝန်ရှိသူများသည် ဒီယေဂိုကော်စတာ၏ ရိုင်းစိုင်းသောအပြုအမူအား စုံစမ်းစစ်ဆေးမှုများပြုလုပ်ပြီးနောက် ယခုကဲ့သို့ပြစ်ဒဏ်ချမှတ်ခဲ့ခြင်းဖြစ်သည်။
ထို့ပြင် ဒီယေဂိုကော်စတာနှင့် အက်သလက်တီကိုအသင်းတို့မှာလည်း ဒဏ်ငွေပြစ်ဒဏ်များကိုလည်း အသီးသီးချမှတ်ခံခဲ့ရကြောင်းသိရသည်။
စပိန်ဘောလုံးအဖွဲ့ချုပ်တာဝန်ရှိသူများသည် ဒီယေဂိုကော်စတာအား (၈)ပွဲပယ်ပြစ်ဒဏ်အပြင် ယူရို (၆၀၀၀) ဒဏ်ကြေးသတ်မှတ်ခဲ့ပြီး၊ ကလပ်အသင်းဖြစ်သည့် အက်သလက်တီကိုအသင်းကိုလည်း ဒဏ်ငွေယူရို (၂၈၀၀)ပေးဆောင်ရန် ဆုံးဖြတ်ခဲ့ကြောင်းသိရသည်။
ဒီယေဂိုကော်စတာ၏ ယခုပြစ်ဒဏ်သည် (၂၁)ရာစုအတွင်း ၂၀၀၈-၀၉ ရာသီက ရီးယဲလ်မက်ဒရစ်အသင်း၏ ပေါ်တူဂီနောက်ခံလူ ပီပီ၏ (၁၀)ပွဲပယ်ပြစ်ဒဏ်အပြီး စပိန်ဘောလုံးသမိုင်း၏ ဒုတိယမြောက် အကြီးလေးဆုံးပြစ်ဒဏ်လည်းဖြစ်ခဲ့ကြောင်းသိရသည်။