ဥရောပဘောလုံးရပ်ဝန်းရဲ့ ၂၀၂၄ နွေရာသီ အပြောင်းအရွှေ့ဈေးကွက် ပြီးဆုံးသွားခဲ့တာ ရက်သတ္တပတ် (၃)ပတ် ကျော်လွန်လာခဲ့ပါပြီ။ ၂၀၂၄- ၂၅ ရာသီစတင်ခဲ့တာလည်း အချိန်တစ်ခုရှိခဲ့ပြီဖြစ်လို့ ပြိုင်ဆိုင်မှုပြင်းထန်တဲ့ပွဲစဉ်တွေနဲ့အတူ အပြောင်းအရွှေ့ဈေးကွက်ပုံရိပ်တွေကလည်း ပရိသတ်မြင်ကွင်းထဲကနေ မှုန်ဝါးပျောက်ကွယ်သွားခဲ့ပြီလို့ ဆိုရမှာပါ။ ဘယ်အသင်းကခေါ်ယူလိုက်တဲ့ ဘယ်ကစားသမားအသစ်တွေ ခြေစွမ်းပြနေတယ်ဆိုတာလောက်ပဲ စိတ်ဝင်စားစရာရှိတော့ပြီး လာမယ့် ၂၀၂၅ ဇန်နဝါရီရောက်မှသာ ဆောင်းရာသီအပြောင်းအရွှေ့နဲ့အတူ ထပ်မံရင်ခုန်ရဖို့ရှိနေပါတယ်။