ယူကရိန်းအစိုးရသည် စစ်တပ်ကို ရန်ပုံ ငွေပ့ံပိုးရန်နှင့် စစ်ဒဏ်သင့် စီးပွားရေးကို အထောက်အပ့ံပြုရန် နိုင်ငံပိုင်လုပ်ငန်းများကို ပုဂ္ဂလိကပိုင်ပြုရေးစီမံကိန်း၏အစိတ်အပိုင်း အဖြစ် နိုင်ငံပိုင်ကုမ္ပဏီ ၂၀ ခန့်ကို လေလံတင် ရောင်းချရန် စီစဉ်နေသည်ဟု သိရသည်။
ယူကရိန်းသည် ယခုနှစ်နှောင်းပိုင်းတွင် ပြုလုပ်မည့် လေလံပွဲများမှ အမေရိကန်ဒေါ်လာသန်း ၁၀၀ ရရှိရန် မျှော်မှန်းထားသည်။ ယင်းသို့လေလံတင်ရောင်းချရာ၌ စျေးဝယ် စင်တာကြီးတစ်ခု၊ သမိုင်းဝင် ဟိုတယ်တစ်လုံး၊ သတ္တုတွင်းအချို့၊ ဓာတုဗေဒလုပ်ငန်းများ ပါဝင်နေသည်။
ယူကရိန်းအစိုးရအဖွဲ့သည် နိုင်ငံပိုင် လုပ်ငန်းများ အရှုံးပေါ်နေခြင်းမှဖြစ်ပေါ်လာ သောဆုံးရှုံးများကို လျှော့ချရန်လည်း မျှော် လင့်ထားသည်ဟု ယူကရိန်းအစိုးရ၏ State Property Fund ကပြောကြားခဲ့သည်။
ယူကရိန်းတွင် အဆိုပါလုပ်ငန်းပေါင်း ၃၀၀၀ ကျော်ရှိနေသည်ဆိုသော်လည်း ယင်း တို့ထဲက လုပ်ငန်း ၁၅ ရာခိုင်နှုန်းသည်သာ အကျိုးအမြတ်ရရှိနေသည်ဟု ဆိုသည်။ နိုင်ငံပိုင်လုပ်ငန်းအများစုသည် လည်ပတ်ရန် သို့ မဟုတ် ဆက်လက်ထိန်းထားရန် နိုင်ငံတော်ရန်ပုံငွေ သန်းပေါင်းများစွာ ကုန်ကျနေသည်။
လေလံတင်မည့်အထဲတွင်ပါဝင်သော လုပ်ငန်းတစ်ခုမှာ မြို့တော်ကိယက်ဗ်၏ ဟိုတယ်ယူကရိန်းဖြစ်သည်။ အဆိုပါ ဟိုတယ် သည် ၁၉၆၁ ခုနှစ်တွင် ဖွင့်လှစ်ပြီးကတည်းက နိုင်ငံ၏သမိုင်းတွင် အရေးပါသော အခိုက်အ တန့်များကို ကြုံခဲ့ရသော ဟိုတယ်ဖြစ်သည်။
အဆိုပါဟိုတယ်ကို ကနဦးစျေး အမေ ရိကန်ဒေါ်လာ ၂၅ သန်းဖြင့် စတင်ရောင်းချ မည်ဟု ဆိုသည်။
ယူကရိန်း၏စစ်ဒဏ်သင့်စီးပွားရေးအတွက် ဝင်ငွေ စီးဆင်းမှုများ တိုးတက်လာစေ ရေးသည် အရေးကြီးသော တာဝန်တစ်ရပ် ဖြစ်လာချိန်၌ အထက်ပါဟိုတယ်ကို ရောင်းချမှု ဖြစ်ပေါ်လာခြင်းဖြစ်သည်။
အမေရိကန်ပြည်ထောင်စုထံမှ စစ်ရေးအကူအညီ ကြန့်ကြာမှုများကြောင့်လည်း ယူ ကရိန်း၏ဘက်ဂျက် လိုငွေပြမှုသည် အမေရိ ကန်ဒေါ်လာ ၄၃ ဒသမ ၅ ဘီလျံအထိ စံချိန် တင်မြင့်တက်လာရန် ရှိနေသည်။
ယခုနှစ်တွင် ချက်ချင်းလက်ငင်းလုပ်ဆောင်ရမည်ဖြစ်သော ပြင်ဆင်ရေးလိုအပ်ချက်များကို ဖြည့်ဆည်းရန် အမေရိကန်ဒေါ် လာ ၁၆ ဘီလျံ ကုုန်ကျလိမ့်မည်ဖြစ်ပြီး စစ်အပြီး ပြန်လည်တည်ဆောက်ရေးအတွက် အနည်းဆုံး ဒေါ်လာဘီလျံ ၄၀၀ လိုအပ်လိမ့်မည်ဖြစ်သည်။
၂၀၂၂ ခုနှစ်ကတည်းက ယူကရိန်း၏ ဝင်ငွေအခွန် အားလုံးနီးပါးကို ရုရှားကျူးကျော်မှုအား တွန်းလှန်ရာတွင် အသုံးပြုခဲ့ရသည်။
ယူကရိန်းသည် နိုင်ငံ၏လူသားချင်းစာ နာဆိုင်ရာ ကုန်ကျစရိတ်များနှင် လူမှုရေးဆိုင်ရာကုန်ကျစရိတ်များကို ကျခံရန် ပြည်ပငွေကြေးအထောက်အပံ့များကို မျှော်လင့်လျက်ရှိသည်။ ယူကရိန်းသည် ယခုအခါ ပြည်တွင်းရေးဆိုုင်ရာ ရွေးချယ်စရာများကို ဆန်းစစ်မှုများ ပိုမိုလုပ်ဆောင်နေရသည်။
လွန်ခဲ့သော နှစ်တွင် ယူကရိန်းအစိုးရ သည် Ocean Plaza ကို ပြန်လည်ရရှိရေး အတွက် တရားစွဲထားသော အမှုအားအနိုင်ရ ခဲ့သည်။ Ocean Plaza သည် ရုရှားထိန်းချုပ်မှုနှင့်ဝေးသော ကိယက်ဗ်မြို့ရှိ အကြီးဆုံး စျေးဝယ်စင်တာကြီးတစ်ခုဖြစ်သည်။ အဆိုပါ စျေးဝယ်စင်တာကြီးကို ရုရှားလူနည်းစုအသိုင်းအဝိုင်းက မကြာသေးမီက ပိုင်ဆိုင်ခဲ့သည်ဟု သိရသည်။
Ref;CNA
