![ဖမ်းဆီးရမိသည့် မူးယစ်ဆေးဝါးများကို သက်ဆိုင်ရာ စစ်ဆေးနေစဉ် (ဓာတ်ပုံ- Thai News)](https://news-eleven.com/sites/news-eleven.com/files/styles/news_detail_image/public/news-images/458976307_480517558183045_7327602229446102894_n.jpg?itok=T_eN3aa4)
ထိုင်း-မြန်မာနယ်စပ် မဲဆောက်-တာ့ခ် မြို့လမ်းပိုင်းရှိ မဲလမောင်းတိုက်နယ် ဝွှေးယားဝု စုပေါင်းစစ်ဆေးရေးဂိတ်တွင် စက်တင်ဘာ ၉ ရက် မွန်းလွဲ ၁ နာရီခန့်က ဟင်းသီးဟင်းရွက် များ တင်ဆောင်လာသည့် ကုန်စိမ်းကားတစ်စီးပေါ်မှ ဘတ်သန်းရာချီတန်ဖိုးရှိ မူးယစ်ဆေးဝါးများ ဖမ်းဆီးရမိခဲ့ကြောင်း သိရသည်။
စုပေါင်းစစ်ဆေးရေးဂိတ်တွင် ရဲတပ်ဖွဲ့၊ စစ်တပ်နှင့် အုပ်ချုပ်ရေး တာဝန်ရှိသူများက နယ်စပ် မဲဆောက်ဘက်မှ တာခ့်မြို့သို့ ကုန်စိမ်း များ တင်ဆောင်လာသည့်ယာဉ်တစ်စီးအား စစ်ဆေးရာ ကာလတန်ဖိုးဘတ်ငွေ ၁၁၂ သန်း တန်ဖိုးရှိ ICE အလေးချိန် ၇၅၀ ကီလိုဂရမ် (အိတ် ၃၀ ) နှင့် ထိုင်းဘတ်ငွေ ၄၃၂သန်း တန်ဖိုးရှိ မက်သနော (၁၈ အိတ်) အလေးချိန် ၅၄၀ ကီလိုဂရမ်တို့ကို ဖမ်းဆီးရမိခဲ့သည့်အ တွက် စုစုပေါင်း ထိုင်းဘတ်ငွေ ၅၄၄ သန်းခန့် တန်ဖိုးရှိ မူးယစ်ဆေးဝါးများ သိမ်းဆည်းရမိ ခဲ့ခြင်းဖြစ်ကြောင်း သိရသည်။
အဆိုပါ မီးခိုးရောင် isuzu တံဆိပ်ပါ (လိုင်စင်ပြား ........ TAK ) ယာဉ်သည် ထိုင်း-မြန်မာနယ်စပ် ဖုတ်ဖရမြို့နယ်ဘက်မှ ဟင်း သီးဟင်းရွက်များ တင်ဆောင်ကာ ဖုတ်ဖရ-မဲဆောက် -တာ့ခ် လမ်းမကြီးအတိုင်း မောင်း နှင်လာသည့် ယာဉ်ဖြစ်ပြီး ယာဉ်မောင်းဖြစ်သူ ကိုလည်း ဖမ်းဆီးရမိခဲ့သည်ဟု သိရသည်။