■ ပရီးမီးယားလိဂ်ပွဲစဉ် (၁) ပွဲကြိုသုံးသပ်ချက်
မန်ယူ - ဖူလ်ဟမ် (မြန်မာစံတော်ချိန် သြဂုတ်လ ၁၇ ရက် နံနက် ၁:၃၀ နာရီ)
မန်ယူနိုက်တက်အသင်းက ပရီးမီးယားလိဂ်ရာသီအဖွင့်ပွဲစဉ်ကို ကစားရမယ်။ အိမ်ကွင်း အိုးလ်ထရက်ဖို့ဒ်မှာ ကစားရမှာဖြစ်ပြီး နိုင်ပွဲနဲ့ ရာသီဖွင့်နိုင်ဖို့က နောက်ပိုင်းပွဲတွေအတွက်လည်း အရေးကြီးပါတယ်။ ဖူလ်ဟမ်က စမစ်ရိုးကို ခေါ်ထားသလို အခြားကစားသမားကောင်းတွေလည်း ရှိတယ်။ မန်ယူနိုက်တက်ကို အခက်တွေ့အောင်လုပ်နိုင်စွမ်းရှိတဲ့အသင်းလို့လည်း ပြောရမယ်။ ဒါပေမဲ့ မန်ယူနိုက်တက်ပဲ နိုင်မှာပါ။ (၂-၁) လောက်ဖြစ်မယ်။
■ လာလီဂါပွဲစဉ် (၁) ပွဲကြိုသုံးသပ်ချက်
ဆယ်လ်တာဗီဂို - အလာဗတ်စ် (မြန်မာစံတော်ချိန် သြဂုတ်လ ၁၆ ရက် ည ၁၁:၃၀ နာရီ)
ဆယ်လ်တာဗီဂိုကလည်း လူငယ်တွေနဲ့ အသစ်ပြန်တည်နေတဲ့အချိန်ဖြစ်နေတယ်။ ဒါကြောင့် အရင်လိုအိမ်ကွင်းအားမျိုး မျှော်လင့်ထားလို့မဖြစ်သေးဘူး။ အလာဗတ်စ်ကလည်း အဝေးကွင်းမှာ စွန့်စားတဲ့အသင်းမျိုးမဟုတ်ဘဲ သတိကြီးကြီးနဲ့ထိန်းကစားတဲ့အသင်းမျိုးဖြစ်လို့ ဆယ်လ်တာဗီဂိုတို့ အနိုင်ယူပြဖို့မလွယ်လှပါဘူး။ ဒီပွဲက ဆယ်လ်တာဗီဂိုတော့ အိမ်ကွင်းမှာ ဂိုးရအောင် ကစားနိုင်မလားပဲ အဓိကစောင့်ကြည့်ရမှာပါ။ ဂိုးအနည်းသရေပွဲနဲ့ပဲ အဆုံးသတ်ဖို့များလိမ့်မယ်။
လက်စ်ပါမားစ် - ဆီဗီလာ (မြန်မာစံတော်ချိန် သြဂုတ်လ ၁၇ ရက် နံနက် ၂:၀၀ နာရီ)
(၂)သင်းစလုံးပြီးခဲ့တဲ့ရာသီက အသင်းတွေနဲ့ပုံစံသိပ်မကွာနိုင်ပါဘူး။ ဆီဗီလာဆိုရင် အင်အားပိုလျော့သွားသလိုတောင် ရှိနေတယ်။ နှစ်သင်းစလုံးရာသီအဖွင့်ဆို အထလေးတတ်တဲ့ အသင်းတွေဖြစ်ပြီး ဆီဗီလာကတော့ အဝေးကွင်းမှာ အတွေ့အကြုံနဲ့ပဲထိန်းကစားသွားဖို့များပါတယ်။ ရာသီအစပြင်ဆင်ဆဲကာ လမျိုးဆိုပေမယ့် အိမ်ကွင်းဆိုကစားအားပိုကောင်းတတ်တဲ့ လက်စ်ပါမားစ်တို့ အခွင့်အရေးပိုသာသွားနိုင်တာအမှန်ပါ။ လက်စ်ပါမားစ်နဲ့ ဂိုးအနည်းပဲ ရွေးကြည့်ထားလိုက်တယ်။
■ ပြင်သစ်လီဂူးပွဲစဉ် (၁) ပွဲကြိုသုံးသပ်ချက်
လူအယ်ဗာ - PSG (မြန်မာစံတော်ချိန် သြဂုတ်လ ၁၇ ရက် နံနက် ၁:၁၅ နာရီ)
လူအယ်ဗာရဲ့ ကစားသမားစုဖွဲ့မှုနဲ့ ခြေစွမ်းအရ PSG ကိုယှဉ်နိုင်ဖို့မရှိပေမယ့် ရာသီအဖွင့်ပွဲဖြစ်နေတဲ့အပြင် အိမ်ကွင်းမှာ အမှတ်ရဖို့ ရုန်းကန်လာနိုင်တဲ့ကစားအားကိုသတိပြုရမှာပါ။ PSG ကတော့ ဘာပေအလွန်မှာအသင်းကို လူငယ်ကစားသမားတွေနဲ့ စုဖွဲ့တည်ဆောက်သွားဖို့ရှိနေပြီး ရာသီအစမှာ ထိန်းထိန်းသိမ်းသိမ်းကစားပြီး နိုင်ပွဲရဖို့ပဲကြိုးစားပါလိမ့်မယ်။ PSG ကပြီးခဲ့တဲ့နွေရာသီမှာ ခြေစမ်းပွဲများများစားစား မကစားခဲ့ပေမယ့် နည်းပြအန်နရီကေးတစ်ယောက်အသင်းကို ဟန်ချက်ညီအောင်တည်ဆောက်ထားပါတယ်။ PSG အနိုင်ရအောင်တော့ ကစားမှာပါ။ ဂိုးနည်းမယ်။
